‘ಋಷಿ’ ರಾಜ್ !

ಅಂತಿಮವಾಗಿ ಭಾರತೀಯ ಮೂಲದ ಋಷಿ ಸುನಕ್ ಬ್ರಿಟನ್ ಪ್ರಧಾನಿಯಾದರು. ಅದನ್ನು ಇನ್ನೊಂದು ರೀತಿಯಲ್ಲಿ ವ್ಯಾಖ್ಯಾನಿಸುವುದಾದರೆ ‘ಇಡೀ ಬ್ರಿಟನ್‌ನಲ್ಲಿ ಪ್ರಸ್ತುತ ಕುಸಿಯುತ್ತಿದ್ದ ಆರ್ಥಿಕ ಸ್ಥಿತಿಯನ್ನು ನೋಡಿಕೊಳ್ಳಲು ಯೋಗ್ಯವಾದ ಬ್ರಿಟಿಷ್ ಮೂಲದ ಒಬ್ಬ ವ್ಯಕ್ತಿಯೂ ಲಭ್ಯವಿಲ್ಲ’ ಎಂದೇ ತಿಳಿಯಬೇಕು. ಬ್ರಿಟನ್‌ನ ವಿಷಮ ಪರಿಸ್ಥಿತಿಯನ್ನು ಎದುರಿಸಲು ಸಾಧ್ಯವಾಗದೇ ಇದ್ದರಿಂದ ಬೋರಿಸ್ ಜಾನ್ಸನ್, ಲಿಜ್ ಟ್ರಸ್ ಮತ್ತು ಪೆನ್ನಿ ಮೊರ್ಡಾಂಟ್ ಅವರು ಪ್ರಧಾನಿ ಸ್ಪರ್ಧೆಯಿಂದ ಹಿಂದೆ ಸರಿದರು ಮತ್ತು ರಿಷಿ ಸುನಕ್‌ಗೆ ಅವಕಾಶ ಸಿಕ್ಕಿತು. ಸುನಕ್ ಅವರ ರಾಜಕೀಯ ಅನುಭವದ ಕೊರತೆ ಮತ್ತು ಬ್ರಿಟಿಷ್ ಮೂಲದ ಕೊರತೆಯ ಹೊರತಾಗಿಯೂ, ಜನರು ಅವರನ್ನು ಆಯ್ಕೆ ಮಾಡಲು ಉತ್ಸುಕರಾಗಿರಲಿಲ್ಲ, ಆದರೆ ಅಂತಿಮವಾಗಿ, ದೇಶವನ್ನು ಉಳಿಸಲು ಅಲ್ಲಿನ ಎಲ್ಲಾ ಸಂಸದರು ಹಿಂದೂ ಮೂಲದ ವ್ಯಕ್ತಿಯ ಮೇಲೆ ಅವಲಂಬಿತರಾಗುವುದು ಅನಿವಾರ್ಯವಾಗಿತ್ತು. ಇದಕ್ಕೆ ಕಾರಣ ಸುನಕ್ ಅವರ ಬುದ್ಧಿವಂತಿಕೆ ಮತ್ತು ಗುಣಗಳೇ ಕಾರಣವಾಗಿದೆ. ಯಾವುದೇ ದೇಶದ ಜನ ವಿದೇಶಿಯನನ್ನು ಮುಖ್ಯಸ್ಥನನ್ನಾಗಿ ಇಷ್ಟಪಡದಿರುವುದು ಸಹಜ; ಆದರೆ ಸುನಕ್ ಎರಡು ತಲೆಮಾರುಗಳಿಂದ ಬ್ರಿಟನ್‌ನಲ್ಲಿ ವಾಸಿಸುತ್ತಿದ್ದಾರೆ, ಆದ್ದರಿಂದ ಅವರು ಅಲ್ಲಿಯೇ ಏಕರೂಪವಾಗಿದ್ದಾರೆ ಮತ್ತು ಎಲ್ಲಕ್ಕಿಂತ ಹೆಚ್ಚಾಗಿ ಅವರು ತಮ್ಮ ದೇಶಕ್ಕೆ ನಿಷ್ಠರಾಗಿದ್ದಾರೆ. ಸುನಕ್ ಇವರು, ‘ನಾನು ಜನರಿಗೆ ಬೇಕಾದುದನ್ನು ಕೊಡುವುದಿಲ್ಲ, ಆದರೆ ನಾನು ರಾಷ್ಟ್ರೀಯ ಹಿತಾಸಕ್ತಿಯ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತೇನೆ. ಕಾಲ್ಪನಿಕ ಕಥೆಗಳಲ್ಲಿ ಜನರನ್ನು ಸಿಲುಕಿಸುವುದಿಲ್ಲ’ ಎಂದು ಹೇಳಿದರು. ಈ ತತ್ತ್ವವು ಅವರನ್ನು ಈ ಉನ್ನತ ಸ್ಥಾನಕ್ಕೆ ತಂದಿರಬಹುದು.

‘ತಿನ್ನಲು ಅಥವಾ ಊಟಕ್ಕೆ ಹಣ ವ್ಯಯಿಸಬೇಕಾದ ದುಸ್ಥಿತಿ ಸಾಮಾನ್ಯ ಬ್ರಿಟನ್ನರಿಗೆ ತಟ್ಟಿದ್ದು ಭವಿಷ್ಯದಲ್ಲಿ ಇನ್ನಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ. ಬ್ರಿಟನ್‌ನಲ್ಲಿ ಆರೋಗ್ಯ ಸೌಲಭ್ಯಗಳಂತಹ ಇತರ ಅನೇಕ ಸೌಲಭ್ಯಗಳನ್ನು ಸರಕಾರವು ಜನರಿಗೆ ಒದಗಿಸುತ್ತದೆ. ಹೀಗಾಗಿ ಹಣದ ಕೊರತೆಯಿಂದ ಹಲವರ ಶಸ್ತ್ರಚಿಕಿತ್ಸೆಗಳು ಬಾಕಿ ಉಳಿದಿವೆ. ಹಾಗಿದ್ದರೂ, ಕೊರೋನಾ ಸಾಂಕ್ರಾಮಿಕ ಸಮಯದಲ್ಲಿ ಅಲ್ಲಿನ ಕೆಲವು ಶಕ್ತಿ ಸಂಸ್ಥೆಗಳು ಮತ್ತು ಇತರ ಸಂಸ್ಥೆಗಳು ಭಾರಿ ಪ್ರಮಾಣದಲ್ಲಿ ಹಣವನ್ನು ಗಳಿಸಿವೆ. ‘ಇವರಿಂದ ದೇಶಕ್ಕಾಗಿ ಹಣ ಪಡೆಯುವುದು ಹೇಗೆ?’, ಎಂಬ ದೊಡ್ಡ ಸವಾಲು ಸುನಕ್ ಅವರ ಎದುರಿಗಿದೆ ಎಂದು ಹೇಳಬಹುದು. ‘೨೦೨೯ ರವರೆಗೆ ತೆರಿಗೆ ಕಡಿತ ಮಾಡುವುದಿಲ್ಲ, ಎಂದು ಸುನಕ್ ಈಗಾಗಲೇ ಘೋಷಿಸಿದ್ದರು. ಹಾಗಾಗಿ ಜನರೂ ಅದನ್ನು ಒಪ್ಪಿಕೊಂಡಿದ್ದಾರೆ. ಸುನಕ್ ಹಣಕಾಸು ಸಚಿವರಾಗಿದ್ದಾಗ, ಅವರು ಹೋಟೆಲ್ ವ್ಯವಹಾರ, ಕೊರೊನಾ ಸಾಂಕ್ರಾಮಿಕದ ನಂತರ ಪ್ರವಾಸೋದ್ಯಮ ವ್ಯವಹಾರ ಇತ್ಯಾದಿಗಳ ವಿಷಯದಲ್ಲಿ ಬ್ರಿಟನ್ ಅನ್ನು ಸುಧಾರಿಸಿದರು. ಬ್ರಿಟನ್‌ನ ಎಂದಿಗೂ ಅನುಭವಿಸದಂತಹ ತುರ್ತು ಸಮಯದಲ್ಲಿ ಅಧಿಕಾರವನ್ನು ಉಳಿಸಿಕೊಳ್ಳುವ ಸವಾಲನ್ನು ಸುನಕ್ ಹೇಗೆ ಎದುರಿಸುತ್ತಾರೆ, ಈ ಬಗ್ಗೆ ಈಗ ಎಲ್ಲರ ಗಮನವು ಕೇಂದ್ರೀಕೃತವಾಗಿದೆ.

ಸುನಕ್ ಮೂಲತಃ ‘ಸಮಾಜವಾದಿ’ ಎಂದು ಗುರುತಿಸಲ್ಪಟ್ಟರು; ಆದರೆ ಪ್ರತ್ಯಕ್ಷದಲ್ಲಿ ಈಗ ಅವರನ್ನು ಅಲ್ಲಿನ ಅನೇಕ ಬಲಪಂಥಿಯ ಸಂಸದರು ಬೆಂಬಲಿಸಿದ್ದಾರೆ. ಸುನಕ್ ಇವರಿಗೆ ‘ಹಿಂದೂ ಧರ್ಮದಲ್ಲಿ ಶ್ರದ್ಧೆ ಇದೆ’ ಎಂಬ ಚಿತ್ರಣ ಸದ್ಯಕ್ಕೆ ಬಂದಿದೆ. ಅವರ ಮೊದಲ ಮಗಳ ಹೆಸರೂ ‘ಕೃಷ್ಣ’ ಎಂದಾಗಿದೆ. ಮೊದಲು ಸಚಿವರಾದಾಗ ಭಗವದ್ಗೀತೆಯ ಮೇಲೆ ಕೈಯಿಟ್ಟು ಪ್ರಮಾಣ ವಚನ ಸ್ವೀಕರಿಸಿದ್ದರು. ‘ಹಿಂದೂ ಧರ್ಮದ ಬಗ್ಗೆ ನನಗೆ ಹೆಮ್ಮೆ ಇದೆ’, ಎಂದೂ ಅವರು ಈ ಹಿಂದೆಯೇ ಹೇಳಿದ್ದಾರೆ. ಗೋಕುಲಾಷ್ಟಮಿಯಂದು ಶ್ರೀಕೃಷ್ಣನ ದರ್ಶನ ಪಡೆಯುವುದು, ಮನೆಯ ಹೊರಗೆ ಹಣತೆ ಹಚ್ಚುವುದು, ಇದು ಅವರ ಧಾರ್ಮಿಕ ಪ್ರಜ್ಞೆಯನ್ನು ಎತ್ತಿ ತೋರಿಸುತ್ತಿವೆ. ಅಂದರೆ, ಅವರನ್ನು ತಕ್ಷಣವೇ ‘ಭಾರತಕ್ಕೆ ಸಂಪೂರ್ಣವಾಗಿ ಅನುಕೂಲಕರ’ ಎಂದು ಪರಿಗಣಿಸಲು ಯಾರೂ ಆತುರಪಡುವುದಿಲ್ಲ. ಅದಕ್ಕಾಗಿಯೇ, ಸುನಕ್ ಅವರ ಹೆಸರನ್ನು ಘೋಷಿಸಿದಾಗ, ಪ್ರಧಾನಿ ಮೋದಿ, ಅವರಿಗೆ ಶುಭ ಹಾರೈಸುತ್ತಾ, ‘ಐತಿಹಾಸಿಕ ಸಂಬಂಧ’ಗಳನ್ನು ಒತ್ತಿ ಹೇಳಿದರು ಮತ್ತು ‘ನಾವು ಆ ಸಂಬಂಧಗಳನ್ನು ಆಧುನಿಕ ಪಾಲುದಾರಿಕೆಗಳಾಗಿ ಪರಿವರ್ತಿಸೋಣ ಮತ್ತು ೨೦೩೦ ನೇ ವರ್ಷದತ್ತ ಒಟ್ಟಿಗೆ ಮುನ್ನಡೆಯೋಣ’, ಎಂದು ಹೇಳಿದರು.

ಭಾರತದ ಪ್ರಧಾನಿಯವರ ಈ ಟ್ವೀಟ್‌ನಲ್ಲಿ ಕಂಡುಬರುವ ನೈಪುಣ್ಯ ಬಹಳ ಗಮನಾರ್ಹವಾಗಿದೆ. ಹಿಂದೆ ಭಾರತ-ಬ್ರಿಟನ್ ಸಂಬಂಧಗಳ ಎಲ್ಲಾ ಅಂಶಗಳ ಅರಿವನ್ನು ಬಹಿರಂಗಪಡಿಸುತ್ತದೆ. ವಾಸ್ತವದಲ್ಲಿ, ಮೋದಿ ಅವರು ಭವಿಷ್ಯದಲ್ಲಿ ‘ಸುನಕ್’ ಪ್ರಧಾನಿಯ ಲಾಭವನ್ನು ಪಡೆದುಕೊಳ್ಳುತ್ತಾರೆ ಎಂಬುದರಲ್ಲಿ ಸಂದೇಹವಿಲ್ಲ. ಅಂದರೆ, ಹಿಂದೂ ವಂಶದ ಮೂಲತಃ ಸಹಿಷ್ಣುಗಳಾಗಿರುವುದರಿಂದ ಮತ್ತು ಸುನಾಕ್ ಇವರು ತಮ್ಮ ರಾಷ್ಟ್ರಕ್ಕೆ ನಿಷ್ಠರಾಗಿದ್ದರಿಂದ, ಅವರು ಖಂಡಿತವಾಗಿಯೂ ಬ್ರಿಟನ್‌ನ ಹಿತಾಸಕ್ತಿಗಳನ್ನು ಪೂರೈಸುತ್ತಾರೆ; ಆದರೆ ಒಂದೂವರೆ ನೂರು ವರ್ಷಗಳಲ್ಲಿ ಬ್ರಿಟಿಷರಿಂದ ಧ್ವಂಸಗೊಂಡ ಭಾರತೀಯರ ಆತ್ಮಗೌರವವನ್ನು ಸಣ್ಣಪುಟ್ಟ ಸಂಗತಿಗಳ ಮೂಲಕ ಭಾರತಕ್ಕೆ ಮರಳಿ ಪಡೆಯುವುದು ಪ್ರಧಾನಿ ಮೋದಿಯವರಿಗೆ ಸುಲಭ ಎಂದು ನಾವು ಖಂಡಿತವಾಗಿ ಹೇಳಬಹುದು. ಅದರಲ್ಲಿ ‘ಕೊಹಿನೂರ್ ವಜ್ರ ಅಥವಾ ಭವಾನಿ ಖಡ್ಗವನ್ನು ಹಿಂಪಡೆಯುವುದು ಮುಂತಾದ ವಿಷಯಗಳನ್ನು ಒಳಗೊಂಡಿರುತ್ತದೆ’, ಎಂದು ಭಾವಿಸೋಣ.

ಕಾಲಗತಿಯೆದುರು ಯಾರು ಉಳಿಯುವರು ?

ಎರಡನೇ ಮಹಾಯುದ್ಧದ ವೇಳೆ ಬ್ರಿಟನ್ ಪ್ರಧಾನಿಯಾಗಿದ್ದ ವಿನ್ ಸ್ಟನ್ ಚರ್ಚಿಲ್ ಭಾರತವನ್ನು ಟೀಕಿಸಿ ‘ಭಾರತೀಯರಿಗೆ ಆಳುವ ಸಾಮರ್ಥ್ಯ ಇಲ್ಲ’ ಎಂದಿದ್ದರು. ೧೦ ವರ್ಷಗಳ ಹಿಂದೆ ಪ್ರಧಾನಿ ಮೋದಿ ಅವರು ಇಂಗ್ಲೆಂಡ್‌ಗೆ ಭೇಟಿ ನೀಡಿದಾಗ, ‘ಬಹುಶಃ ೧೦ ವರ್ಷಗಳಲ್ಲಿ ಇಲ್ಲಿ ಭಾರತೀಯ ಮೂಲದ ಪ್ರಧಾನಿ ಆಗಬಹುದು’, ಎಂದು ಹೇಳಿದ್ದಕ್ಕಾಗಿ ತುಂಬಾ ಅಣಕಿಸಲ್ಪಟ್ಟಿದ್ದರು; ಏಕೆಂದರೆ ಬ್ರಿಟಿಷರು ಇದು ಅಸಾಧ್ಯವೆಂದು ಭಾವಿಸಿದ್ದರು. ಬ್ರಿಟಿಷರು ಭಾರತದ ಮೇಲೆ ಲೆಕ್ಕವಿಲ್ಲದಷ್ಟು ದೌರ್ಜನ್ಯಗಳನ್ನು ಮಾಡಿದ್ದಾರೆ. ಇಂದು ಬ್ರಿಟನ್ ಭಾರತೀಯ ಮೂಲದ ಪ್ರಧಾನಿಯನ್ನು ಹೊಂದಿದೆ. ಬ್ರಿಟಿಷರು ಭಾರತೀಯರ ಮೇಲೆ ಎಸಗಿದ ದೌರ್ಜನ್ಯದ ನೆನಪು ಭಾರತೀಯರಲ್ಲಿಯೇ ಜಾಗೃತವಾಗದ ಕಾರಣ, ಮತ್ತು ಎರಡು ತಲೆಮಾರುಗಳ ಕಾಲದಿಂದ ಬ್ರಿಟನ್ನಿನಲ್ಲಿರುವ ಸುನಕ್ ರಲ್ಲಿರುವ ಸಾಧ್ಯತೆಯಿಲ್ಲ; ಆದರೆ ಸಮಯವು ‘ಬ್ರಿಟನ್‌ನಲ್ಲಿ ಎಂದಿಗೂ ಸೂರ್ಯ ಅಸ್ತಮಿಸುವುದಿಲ್ಲ, ಎಂದು ಹೇಳಲಾಗಿದೆ, ಕೆಲವು ತಜ್ಞರು ಬ್ರಿಟನ್‌ಅನ್ನು ಭಾರತವೇ ಸ್ವಾಧೀನಪಡಿಸಿ ಅದನ್ನು ವ್ಯವಸ್ಥಿತಗೊಳಿಸಬೇಕು’, ಎಂದು ಹೇಳಲು ಪ್ರಾರಂಭಿಸಿದರು. ಈಗಿನ ಕಾಲದಲ್ಲಿ ಅವರ ದುಸ್ಥಿತಿ ಹೀಗಾಗಿದೆ. ಆ ಸಮಯದಲ್ಲಿ ಬ್ರಿಟಿಷರು ಭಾರತದಿಂದ ಕೋಟ್ಯಂತರ ರೂಪಾಯಿಗಳನ್ನು ತಮ್ಮ ದೇಶಕ್ಕೆ ತೆಗೆದುಕೊಂಡು ಹೋಗಿ ದೇಶದಿಂದ ಅದರ ಕೈಗಾರಿಕೆಗಳನ್ನು ಕಸಿದುಕೊಂಡು ಭಾರತವನ್ನು ಬಡವಾಗಿಸಿದರು, ಇದನ್ನು ಇತಿಹಾಸದ ಅಧ್ಯಯನಕಾರರು ಮತ್ತು ರಾಷ್ಟ್ರಪ್ರೇಮಿಗಳು ಎಂದಿಗೂ ಮರೆಯಲು ಸಾಧ್ಯವಿಲ್ಲ. ಈ ಹಿನ್ನೆಲೆಯಲ್ಲಿ ಇಂದು ಬ್ರಿಟನ್‌ನಲ್ಲಿ ಉಂಟಾಗಿರುವ ಅತ್ಯಂತ ಭೀಕರ ಆರ್ಥಿಕ ಪರಿಸ್ಥಿತಿಯನ್ನು ಉಳಿಸಲು ಭಾರತೀಯ ಮೂಲದ ‘ಋಷಿ’ ಎಂಬ ವ್ಯಕ್ತಿ ಸಜ್ಜಾಗಿದ್ದು, ಕೇವಲ ಕಾಕತಾಳೀಯವಲ್ಲ, ಬದಲಾಗಿ ಕಾಲ ಮಹಿಮೆಯಾಗಿದೆ. ಮಾರಿಷಸ್ ರಾಷ್ಟ್ರದ ಮುಖ್ಯಸ್ಥರೂ ಹಿಂದೂ ಮೂಲದವರು. ‘ಮುಂದಿನ ದಿನಗಳಲ್ಲಿ ಹಿಂದೂ ಧರ್ಮಕ್ಕೆ ವಿಶ್ವದಲ್ಲಿ ಗೌರವ ಸಿಗಲಿದೆ’, ಎಂದು ದಾರ್ಶನಿಕರು ಹೇಳುತ್ತಿದ್ದಾರೆ. ಇದು ಅದೇ ಅಲ್ಲವೇ ?