ವಿದ್ಯುತ್ ಕಂಪನಿಗೆ ೧೫೦ ಕೋಟಿ ರೂಪಾಯಿ ಪಾವತಿ ಬಾಕಿ; ‘ಹಿಮಾಚಲ ಭವನ’ ಕಟ್ಟಡ ಹರಾಜಿಗೆ ಆದೇಶಿಸಿದ ನ್ಯಾಯಾಲಯ

ದೆಹಲಿಯಲ್ಲಿನ ಹಿಮಾಚಲ ಪ್ರದೇಶದ ‘ಹಿಮಾಚಲ ಭವನ’ ದ ಹರಾಜು

ಶಿಮ್ಲಾ (ಹಿಮಾಚಲ ಪ್ರದೇಶ) – ಹಿಮಾಚಲ ಪ್ರದೇಶ ಉಚ್ಚ ನ್ಯಾಯಾಲಯವು ದೆಹಲಿಯಲ್ಲಿನ ‘ ಹಿಮಾಚಲ ಭವನ ‘ ಜಪ್ತಿ ಮಾಡುವ ಆದೇಶ ನೀಡಿದೆ. ರಾಜ್ಯದಲ್ಲಿನ ಕಾಂಗ್ರೆಸ್ ಸರಕಾರ ಜಲ ವಿದ್ಯುತ್ ನಿರ್ಮಾಣ ಮಾಡುವ ಕಂಪನಿಗೆ ೧೫೦ ಕೋಟಿ ರೂಪಾಯಿ ಬಾಕಿ ಹಣ ನೀಡುವುದು ಬಾಕಿ ಇತ್ತು. ಈ ಪ್ರಕರಣ ಉಚ್ಚ ನ್ಯಾಯಾಲಯಕ್ಕೆ ಹೋದ ಬಳಿಕ ನ್ಯಾಯಾಲಯ ಈ ಆದೇಶ ನೀಡಿದೆ. ಉಚ್ಚ ನ್ಯಾಯಾಲಯವು ಸರಕಾರಕ್ಕೆ ದಂಡ ಕೂಡ ಪಾವತಿಸಲು ಆದೇಶ ನೀಡಿತ್ತು ; ಆದರೆ ಸರಕಾರವು ನ್ಯಾಯಾಲಯದ ಆದೇಶದ ಪಾಲನೆ ಮಾಡಿಲ್ಲ. ಅದರ ನಂತರ ನ್ಯಾಯಾಲಯವು ತೀರ್ಪು ಕಾದಿರಿಸಿತ್ತು.

ಈ ಪ್ರಕರಣವು ಹಿಮಾಚಲ ಪ್ರದೇಶದಲ್ಲಿನ ಲಾಹೌಲ – ಸ್ಪಿತಿ ಜಿಲ್ಲೆಯಲ್ಲಿನ ಚಿನಾಬ್ ನದಿಯ ಮೇಲೆ ೪೦೦ ಮೆಗಾ ವ್ಯಾಟ್ ಕ್ಷಮತೆಯ ಸೇಲಿ ಜಲ ವಿದ್ಯುತ್ ಯೋಜನೆಗೆ ಸಂಬಂಧಿಸಿದ್ದಾಗಿದೆ. ಉಚ್ಚ ನ್ಯಾಯಾಲಯದ ಹಿಂದಿನ ಆದೇಶದಲ್ಲಿ ಸರಕಾರಕ್ಕೆ ಕಂಪನಿಯಿಂದ ಜಮಾಗೊಳಿಸಿರುವ ೬೪ ಕೋಟಿ ರೂಪಾಯಿ ಶೇಕಡ ೭ ರಷ್ಟು ಬಡ್ಡಿ ಸಹಿತ ಹಿಂತಿರುಗಿಸಲು ಹೇಳಿತ್ತು. ಬಾಕಿ ಪಾವತಿಸುವಲ್ಲಿ ವಿಫಲವಾಗಿರುವುದರ ಗಂಭೀರ ಪರಿಣಾಮ ಎದುರಿಸಬೇಕಾಗುವುದು, ಎಂದು ಈ ಹಿಂದೆಯೇ ನ್ಯಾಯಾಲಯವು ಸರಕಾರಕ್ಕೆ ಎಚ್ಚರಿಕೆ ನೀಡಿತ್ತು. ಈ ಹಣ ಸರಕಾರದ ಬೊಕ್ಕಸದಲ್ಲಿರುವುದೆಂದು ನ್ಯಾಯಾಲಯ ಹೇಳಿದೆ. ಉಚ್ಚ ನ್ಯಾಯಾಲಯದ ಆದೇಶದ ನಂತರ ಪ್ರಸ್ತುತ ಕಂಪನಿ ಹಣ ವಸೂಲಿ ಮಾಡುವುದಕ್ಕಾಗಿ ‘ಹಿಮಾಚಲ ಭವನ’ವನ್ನು ಹರಾಜು ಮಾಡುವ ಸಾಧ್ಯತೆಯಿದೆ.

ಸರಕಾರ ಈ ಬಗ್ಗೆ ಅಭ್ಯಾಸ ಮಾಡಿ ಮುಂದಿನ ಕ್ರಮ ಕೈಗೊಳ್ಳುವುದು ! – ಮುಖ್ಯಮಂತ್ರಿ ಸುಖೂ

ಹಿಮಾಚಲ ಪ್ರದೇಶದ ಮುಖ್ಯಮಂತ್ರಿ ಸುಖವಿಂದರ ಸಿಂಗ್ ಸುಖೂ ಅವರು ಈ ನಿರ್ಣಯದ ಕುರಿತು ಮಾತನಾಡಿ, ನಾನು ಇಲ್ಲಿಯವರೆಗೆ ನ್ಯಾಯಾಲಯದ ಆದೇಶವನ್ನು ಓದಿಲ್ಲ. ಸರಕಾರವು ಉಚ್ಚ ನ್ಯಾಯಾಲಯದ ತೀರ್ಪಿನ ಅಭ್ಯಾಸ ಮಾಡುತ್ತಿದೆ. ನಾನು ಅಧಿಕಾರಿಗಳ ಜೊತೆಗೆ ಇದರ ಕುರಿತು ಚರ್ಚಿಸಿ ಮುಂದಿನ ಹೆಜ್ಜೆ ನಿರ್ಧರಿಸುವೆನು ಎಂದು ಹೇಳಿದರು.