ಪೂರ್ಣಾವತಾರ ಮತ್ತು ಭಕ್ತವತ್ಸಲನಾದ ಶ್ರೀಕೃಷ್ಣನ ವೈಶಿಷ್ಟ್ಯಗಳು ಮತ್ತು ಚರಿತ್ರೆ !

೧೮ ಆಗಸ್ಟ್ ೨೦೨೨ ರಂದು ‘ಶ್ರೀಕೃಷ್ಣ ಜಯಂತಿ’ (ಗೋಕುಲಾಷ್ಠಮಿ) ಇದೆ. ಆ ನಿಮಿತ್ತ …

ಯಾವ ಶ್ರೀಕೃಷ್ಣನಲ್ಲಿ ಸಂಪೂರ್ಣ ಸಮರ್ಪಣೆ ಆಗಲಿಕ್ಕಿದೆಯೋ ಅಂತಹವನನ್ನು ಸಂಪೂರ್ಣ ಅರಿತುಕೊಳ್ಳುವುದು ಆವಶ್ಯಕ !

‘ಸಮರ್ಪಣೆ ಭಾವದಲ್ಲಿ ತುಂಬಾ ಶಕ್ತಿ ಇದೆ’, ಎಂಬುದು ಆಗಾಗ ಕಂಡುಬರುತ್ತದೆ. ಭಗವದ್ಗೀತೆಯಲ್ಲಿ ಭಗವಂತನು, ‘ನೀನು ನನಗೆ ಎಲ್ಲವನ್ನು ಸಮರ್ಪಣೆ ಮಾಡು ಮತ್ತು ನಿಶ್ಚಿಂತ ಮನಸ್ಸಿನಿಂದ ವರ್ತಮಾನಕಾಲದಲ್ಲಿ ನನ್ನ ಅನುಸಂಧಾನದಲ್ಲಿ ಈಶ್ವರೀ ಕಾರ್ಯವೆಂದು ಕಾರ್ಯವನ್ನು ಮಾಡುತ್ತಿರು’, ಎಂದು ಹೇಳುತ್ತಾನೆ. ಸಮರ್ಪಣೆಯ ಪ್ರಕ್ರಿಯೆಯು ಇಷ್ಟೊಂದು ಸಹಜ ಮತ್ತು ಸುಲಭವಿಲ್ಲ. ಶ್ರೀಕೃಷ್ಣನ ಮೇಲೆ ಭಾರವನ್ನು ಹಾಕುವುದು, ಸಮರ್ಪಣೆಯನ್ನು ಮಾಡುವುದು, ಅವನನ್ನು ಪೂರ್ಣವಾಗಿ ತಿಳಿದುಕೊಳ್ಳುವುದು, ಅವನು ನಮ್ಮ ಮನಸ್ಸಿನಲ್ಲಿ ಮೂರ್ತರೂಪದಲ್ಲಿ ಮೂಡುವುದು, ಅವನ ಮೇಲೆ ಪೂರ್ತಿ ಆತ್ಮವಿಶ್ವಾಸದಿಂದಿರುವುದು ಆವಶ್ಯಕವಿದೆ.

೧. ಋಷಿಗಳು ತಪಶ್ಚರ್ಯ ಮಾಡಿದ್ದರಿಂದ ಅವರಿಗೆ ರಾಮನ ದರ್ಶನವಾಗುವುದು; ಆದರೆ ಅವರಿಗೆ ರಸಸ್ವಾದನ ಆಗದಿರುವುದರಿಂದ ಅದನ್ನು ಪಡೆಯುವುದಕ್ಕಾಗಿ ಅವರು ರಾಮನಲ್ಲಿ ಬೇಡಿಕೊಳ್ಳುವುದು ಮತ್ತು ರಾಮನು ಕೃಷ್ಣಜನ್ಮದಲ್ಲಿ ಗೋಪಿಯಾದ ನಂತರ ಆನಂದ ಸಿಗುವುದೆಂದು ಅವರಿಗೆ ಹೇಳುವುದು

ಸಮರ್ಪಣೆ ಮಾಡಿದ ನಂತರವೂ ಸ್ವಲ್ಪ ಅಹಂಕಾರವು ಉಳಿದಿರುತ್ತದೆ. ಆದುದರಿಂದ ಜೀವನದಲ್ಲಿನ ಪರಮೋಚ್ಚವಾಗಿರುವ ಆತ್ಮಿಕ ಸುಖವು ಸಿಗುವುದಿಲ್ಲ. ರಾಮಜನ್ಮದಲ್ಲಿ ಋಷಿಗಳು ತಪಶ್ಚರ್ಯವನ್ನು ಮಾಡಿ ತಮ್ಮ ದೇಹವನ್ನು ನಿಸ್ತೇಜ ಮಾಡಿಕೊಂಡರು. ಅವರಿಗೆ ರಾಮನ ದರ್ಶನವಾಯಿತು. ಅವರಿಗೆ ‘ಇವನು ಭಗವಂತನಾಗಿರುವನು’, ಎಂದು ತಿಳಿದರೂ ಅವರ ಸಾತ್ತ್ವಿಕ ಭಾವವು ಜಾಗೃತವಾಗಲಿಲ್ಲ. ಅವರಿಗೆ ರಸಸ್ವಾದವು ಸಿಗಲಿಲ್ಲ. ಅಗ ಅವರು ರಾಮನಿಗೆ, “ನಮಗೆ ಆನಂದದ, ಮಧುರ ಭಾವದ ಆಸ್ವಾದನೆ ಬೇಕಾಗಿದೆ,” ಎಂದು ಬೇಡಿದರು. ಆಗ ರಾಮನು, ”ಕೃಷ್ಣಜನ್ಮದಲ್ಲಿ ನೀವು ಗೋಪಿಯಾದ ನಂತರ ನಿಮಗೆ ಆನಂದ ಸಿಗುವುದು,” ಎಂದು ಹೇಳಿದನು.

೨. ಋಷಿಗಳು ಗೋಪಿರೂಪದಲ್ಲಿ ಜನ್ಮತಾಳಿದ ನಂತರ ಶ್ರೀಕೃಷ್ಣನು ವಸ್ತ್ರಹರಣ ಮಾಡಿ ಅವರಲ್ಲಿನ ಸೂಕ್ಷ್ಮ ಅಹಂಕಾರವನ್ನು ನಶಿಸಿ ಅವರಲ್ಲಿ ತನ್ನ ನಿಜವಾದ ಆತ್ಮಸ್ವರೂಪವನ್ನು ಪ್ರಕಟಿಸುವುದು ಮತ್ತು ರಾಸಕ್ರೀಡೆಯಿಂದ ಮಧುರಭಾವದ ಆಸ್ವಾದನೆಯನ್ನು ನೀಡುವುದು

ಅದರಂತೆ ಆ ಋಷಿಗಳು ಗೋಪಿಸ್ವರೂಪದಲ್ಲಿ ಜನಿಸಿದರು; ಆದರೆ ಅವರಿಗೆ ‘ನಾವು ಜ್ಞಾನಿ ಋಷಿಗಳಿದ್ದೇವೆ’, ಎಂಬ ಜ್ಞಾನವಿರುವುದರಿಂದ ಶ್ರೀಕೃಷ್ಣನಿಗೆ ಅವರ ವಸ್ತ್ರಹರಣ ಮಾಡಿ ಅವರಲ್ಲಿನ ಸೂಕ್ಷ್ಮ ಅಹಂಕಾರವನ್ನು ಇಲ್ಲದಂತೆ ಮಾಡಿ ಅವರಲ್ಲಿ ತನ್ನ ನಿಜವಾದ ಆತ್ಮಸ್ವರೂಪವನ್ನು ವ್ಯಕ್ತಗೊಳಿಸಿದನು. ಆದುದರಿಂದ ಅವರಿಗೆ ಅವರಲ್ಲಿನ ಅಭದ್ರ ಸ್ವರೂಪದ ಜ್ಞಾನವಾಗಿ ನಾಚಿಕೆಯಾಯಿತು. ದುಷ್ಟ ಪ್ರವೃತ್ತಿಯು ಮೃದುವಾಯಿತು. ಅವರು ಶ್ರೀಕೃಷ್ಣನೊಂದಿಗೆ ತಲ್ಲೀನರಾದರು. ಅವರ ಚಿತ್ತವು ಈಗ ಶುದ್ಧವಾಯಿತು. ಹೃದಯದಲ್ಲಿನ ಆತ್ಮಭಾವವು ಜಾಗೃತವಾಯಿತು. ಶ್ರೀಕೃಷ್ಣನು ಅವರಿಗೆ ರಾಸಕ್ರೀಡೆಯಲ್ಲಿ ಸ್ಥಾನ ನೀಡಿ ಮಧುರಭಾವದ ಆಸ್ವಾದನೆಯನ್ನು ನೀಡಿದನು.

– (ಪರಾತ್ಪರ ಗುರು) ಪಾಂಡೆ ಮಹಾರಾಜರು (೩೦.೩.೨೦೧೫)