ಅಯೋಧ್ಯೆಯ ಹನುಮಾನಗಢಿಯಲ್ಲಿ ಇಟ್ಟಿಗೆಯಿಂದ ಜಜ್ಜಿ ಮಹಂತರ ಹತ್ಯೆ !

ಅಯೋಧ್ಯೆ (ಉತ್ತರಪ್ರದೇಶ) – ಪ್ರಸಿದ್ಧ ಹನುಮಾನಗಢಿಯಲ್ಲಿನ ಮಹಂತರು ಮತ್ತು ನಾಗ ಸಾಧು ಕನ್ಹಯ್ಯ ದಾಸ ಅವರನ್ನು ಏಪ್ರಿಲ್ ೩ ರ ರಾತ್ರಿ ಅಪರಿಚಿತ ಹಲ್ಲೆಕೋರರು ಇಟ್ಟಿಗೆಯಿಂದ ತಲೆಯನ್ನು ಜಜ್ಜುವ ಮೂಲಕ ಹತ್ಯೆ ಮಾಡಿದ್ದಾರೆ. ಅವರ ಶವವು ಇಲ್ಲಿನ ಚರಣಪಾದುಕಾ ದೇವಸ್ಥಾನದ ಗೋಶಾಲೆಯಲ್ಲಿ ಪತ್ತೆಯಾಗಿದೆ. ಕನ್ಹಯ್ಯ ದಾಸ ಬಸಂತಿಯಾ ಪಟ್ಟಿಯ ಗುಲ್ಚಮನ್ ಬಾಗನಲ್ಲಿಯ ಮಹಂತರಾಗಿದ್ದರು. ಕೊಲೆಯ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ವೈಯಕ್ತಿಕ ವಿವಾದದಿಂದಾಗಿ ಈ ಕೊಲೆ ನಡೆದಿರಬಹುದೆಂದು ಶಂಕಿಸಲಾಗಿದೆ.

#UttarPradesh: Panic grips temple town #Ayodhya following murder of #MahantKanhaiyaDas; reports @srawans https://t.co/iiF8ZTp3VM

— Free Press Journal (@fpjindia) April 4, 2021

ಮಹಂತ ಕನ್ಹಯ್ಯ ದಾಸ ಅವರ ಗುರುಬಂಧು ರಾಮಾನುಜನದಾಸ ಇವರು, ‘ಮಹಂತ ಕನ್ಹಯ್ಯ ದಾಸ ಅವರು ರಾತ್ರಿ ಊಟದ ನಂತರ ಗೋಶಾಲೆಯಲ್ಲಿ ಮಲಗಿರುವಾಗ ಹತ್ಯೆ ಮಾಡಲಾಯಿತು. ಗೋಲು ದಾಸ್ ಅಲಿಯಾಸ ಶಶಿಕಾಂತ ದಾಸ ಅವರೊಂದಿಗೆ ಜಮೀನು ಮತ್ತು ಮನೆಯ ಬಗ್ಗೆ ವಾದ ಇತ್ತು ಎಂದು ತಿಳಿಸಿದ್ದಾರೆ. ಪೊಲೀಸರು ಗೋಲು ದಾಸನನ್ನು ಬಂಧಿಸಿ ತನಿಖೆ ನಡೆಸುತ್ತಿದ್ದಾರೆ.