ಬಾಂಗ್ಲಾದೇಶದ ಶಿವಗಂಜ್ ಉಪಜಿಲ್ಲೆಯ ಹೆಸರು ಬದಲಾಯಿಸಿ ‘ಮಹಾಸ್ಥಾನ’ ಆಗಲಿದೆ !

ಢಾಕಾ (ಬಾಂಗ್ಲಾದೇಶ) – ಇಲ್ಲಿನ ಗಾಯಬಾಂಧಾ ಜಿಲ್ಲೆಯ ‘ಸನಾತನ ಧರ್ಮ ಸಂಕೀರ್ಣ’ದ ವಿರುದ್ಧ ಕಟ್ಟರವಾದಿ ಮುಸಲ್ಮಾನರು ಪ್ರತಿಭಟನೆ ನಡೆಸಿ, ಬೆದರಿಕೆ ಹಾಕಿದ್ದರಿಂದ ಬಾಂಗ್ಲಾದೇಶ ಸರಕಾರ ಅದರ ನಿರ್ಮಾಣ ಕಾರ್ಯವನ್ನು ಸ್ಥಗಿತಗೊಳಿಸಿದ ಘಟನೆ ಇತ್ತೀಚೆಗಷ್ಟೇ ನಡೆದಿದೆ. ಇಂತಹ ಪರಿಸ್ಥಿತಿಯಲ್ಲಿ, ಕಟ್ಟರವಾದಿಯರ ಬೇಡಿಕೆಗೆ ಮಣಿದ ಆಡಳಿತ ಮಂಡಳಿಯು ಬೊಗ್ರಾ ಜಿಲ್ಲೆಯ ‘ಶಿವಗಂಜ್’ ಉಪಜಿಲ್ಲೆಯ ಹೆಸರನ್ನು ‘ಮಹಾಸ್ಥಾನ್’ ಎಂದು ಬದಲಾಯಿಸುವ ಪ್ರಕ್ರಿಯೆಯನ್ನು ಪ್ರಾರಂಭಿಸಿದೆ ಎಂಬ ವಿಷಯ ಮುನ್ನೆಲೆಗೆ ಬಂದಿದೆ. ಈ ಹೆಸರಿನಲ್ಲಿರುವ ಹಿಂದೂ ಧರ್ಮದ ಸಂದರ್ಭದ ವಿರುದ್ಧ ಆಕ್ಷೇಪ ವ್ಯಕ್ತಪಡಿಸಲಾಗಿತ್ತು. ‘ಆಡಳಿತ ಮಂಡಳಿಯ ಈ ಕ್ರಮವು ದೇಶದ ಐತಿಹಾಸಿಕ ಮತ್ತು ಧಾರ್ಮಿಕ ಗುರುತುಗಳಿಗೆ ಸಂಬಂಧಿಸಿದ ಚಿಹ್ನೆಗಳನ್ನು ಹಂತಹಂತವಾಗಿ ತೆಗೆದುಹಾಕುವ ಪ್ರಕ್ರಿಯೆಯ ಆರಂಭವಾಗಿದೆ’ ಎಂದು ಹೇಳಲಾಗುತ್ತಿದೆ.

ಲಕ್ಷ್ಮೀಪುರ, ಶಂಭುಗಂಜ್, ನಾರಾಯಣಗಂಜ್, ಬ್ರಾಹ್ಮಣಬಾರಿಯಾ, ಜಾಯಪುರಹಾಟ್, ಠಾಕೂರಗಾಂವ್ ಮತ್ತು ಗೋಪಾಲಗಂಜ್ ಗ್ರಾಮಗಳ ಹೆಸರು ಬದಲಾಯಿಸುವ ಸಂಚು!

ಮೂಲಗಳ ಪ್ರಕಾರ, ಶಿವಗಂಜ್ ಪ್ರಕರಣವು ಕೇವಲ ಒಂದು ಪ್ರತ್ಯೇಕ ಘಟನೆಯಲ್ಲ. ಭವಿಷ್ಯದಲ್ಲಿ ಲಕ್ಷ್ಮೀಪುರ, ಶಂಭುಗಂಜ್, ನಾರಾಯಣಗಂಜ್, ಬ್ರಾಹ್ಮಣಬಾರಿಯಾ, ಜಾಯಪುರಹಾಟ್, ಠಾಕೂರಗಾಂವ್ ಮತ್ತು ಗೋಪಾಲಗಂಜನಂತಹ ಇತರ ಸ್ಥಳಗಳ ಹೆಸರುಗಳ ಸಂದರ್ಭದಲ್ಲೂ ಇಂತಹದ್ದೇ ಒತ್ತಡವನ್ನು ತರಬಹುದು ಎಂಬ ಆತಂಕವನ್ನು ಹಿಂದೂ ಸಮುದಾಯ ವ್ಯಕ್ತಪಡಿಸುತ್ತಿದೆ. ಈ ವಿಷಯದ ಕುರಿತು ಇದುವರೆಗೆ ಯಾವುದೇ ಅಧಿಕೃತ ರಾಷ್ಟ್ರೀಯ ನೀತಿಯನ್ನು ಘೋಷಿಸದಿದ್ದರೂ, ಈ ಚರ್ಚೆಗಳಿಂದಾಗಿ ಹಿಂದೂ ಸಮುದಾಯದಲ್ಲಿ ತಲ್ಲಣ ನಿರ್ಮಾಣವಾಗಿದೆ.