ಮುಸ್ಲಿಂ ಪ್ರಿಯತಮನ ಸಂಶಯಕ್ಕೆ ಬೇಸತ್ತು ‘ಲಿವ್-ಇನ್ ರಿಲೇಷನ್‌ಶಿಪ್’ನಲ್ಲಿದ್ದ ಯುವತಿ ಆತ್ಮಹತ್ಯೆ!

(ಲಿವ್-ಇನ್ ರಿಲೇಷನ್‌ಶಿಪ್: ಮದುವೆಯಾಗದೆ ಪುರುಷ ಮತ್ತು ಸ್ತ್ರೀ ಜೊತೆಯಾಗಿ ವಾಸಿಸುವುದು)

ಬೆಂಗಳೂರು – ಮುಸ್ಲಿಂ ಪ್ರಿಯತಮನ ಸಂಶಯದ ವರ್ತನೆಯಿಂದ ಬೇಸತ್ತ ‘ಲಿವ್-ಇನ್ ರಿಲೇಷನ್‌ಶಿಪ್’ನಲ್ಲಿದ್ದ ಯುವತಿಯೊಬ್ಬಳು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಬೆಂಗಳೂರಿನ ಸಂಜೀವಿನಿ ನಗರದ ಬಾಡಿಗೆ ಮನೆಯೊಂದರಲ್ಲಿ ಈ ಜೋಡಿ ಕಳೆದ 3-4 ವರ್ಷಗಳಿಂದ ವಾಸವಾಗಿತ್ತು. ಆತ್ಮಹತ್ಯೆ ಮಾಡಿಕೊಂಡ ಯುವತಿಯನ್ನು ಮೇಘಾಲಯ ಮೂಲದ ಅಗಾಥಾ ಬೈತಿಯಂಗಮ್ (35 ವರ್ಷ) ಎಂದು ಗುರುತಿಸಲಾಗಿದೆ. ಈಕೆ ಮಣಿಪುರ ಮೂಲದ ನವಾಜ್ ಶರೀಫ್ ಎಂಬಾತನೊಂದಿಗೆ ಲಿವ್-ಇನ್ ರಿಲೇಷನ್‌ಶಿಪ್‌ನಲ್ಲಿದ್ದಳು.

ನವಾಜ್ ಶರೀಫ್ ಖಾಸಗಿ ಸಂಸ್ಥೆಯೊಂದರಲ್ಲಿ ಭದ್ರತಾ ಸಿಬ್ಬಂದಿಯಾಗಿ ಕೆಲಸ ಮಾಡುತ್ತಿದ್ದನು. ಸಂತ್ರಸ್ತ ಯುವತಿಯೂ ಕೆಲಸಕ್ಕೆ ಹೋಗುತ್ತಿದ್ದಳು. ಅಗಾಥಾ ತನ್ನ ತಾಯಿ ಅಥವಾ ಸಹೋದರಿಯೊಂದಿಗೆ ಫೋನ್‌ನಲ್ಲಿ ಮಾತನಾಡಿದರೂ ಸಹ ನವಾಜ್ ಶರೀಫ್ ಅವಳನ್ನು ಸಂಶಯಿಸಿ ಜಗಳವಾಡುತ್ತಿದ್ದನು. ಅವನು ಪದೇ ಪದೇ ಆಕೆಯೊಂದಿಗೆ ವಾಗ್ವಾದ ನಡೆಸುತ್ತಿದ್ದನು ಮತ್ತು ಯಾರೊಂದಿಗೂ ಮಾತನಾಡಲು ಬಿಡುತ್ತಿರಲಿಲ್ಲ. ಇದರಿಂದ ತೀವ್ರವಾಗಿ ಮನನೊಂದ ಅಗಾಥಾ ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಮುಂದಿನ ತನಿಖೆ ನಡೆಸುತ್ತಿದ್ದಾರೆ.