ಪಾಕಿಸ್ತಾನವು ಪ್ರಪಂಚದಾದ್ಯಂತ ಭಯೋತ್ಪಾದನೆಯನ್ನು ಹರಡುತ್ತಿರುವುದರಿಂದ ಅಮೆರಿಕವು ಅದರಿಂದ ದೂರವಿರಬೇಕು!

ಟ್ರಂಪ್ ಬೆಂಬಲಿತ ಕಾರ್ಯಕರ್ತೆ ಲಾರಾ ಲೂಮರ್ ಹೇಳಿಕೆ

ನವ ದೆಹಲಿ – ಪಾಕಿಸ್ತಾನವು ಪ್ರಪಂಚದಾದ್ಯಂತ ಭಯೋತ್ಪಾದನೆಯನ್ನು ಹರಡುತ್ತಿದ್ದು, ಅಮೆರಿಕವು ಅದರಿಂದ ದೂರವಿರಬೇಕು ಎಂದು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಬೆಂಬಲಿಗರಾದ ಕಾರ್ಯಕರ್ತೆ ಲಾರಾ ಲೂಮರ್ ಅವರು ‘ಇಂಡಿಯಾ ಟುಡೇ ಕಾನ್ಕ್ಲೇವ್’ ಕಾರ್ಯಕ್ರಮದಲ್ಲಿ ಹೇಳಿಕೆ ನೀಡಿದ್ದಾರೆ. ಲೂಮರ್ ಮಾತು ಮುಂದುವರೆಸುತ್ತಾ, “ಪಾಕಿಸ್ತಾನದ ಮೇಲೆ ದೀರ್ಘಕಾಲದಿಂದ ಜಿಹಾದಿ ಸಿದ್ಧಾಂತವನ್ನು ಹರಡಿದ ಆರೋಪವಿದೆ. ಇಂತಹ ಪರಿಸ್ಥಿತಿಯಲ್ಲಿ ಅಮೆರಿಕವು ಪಾಕಿಸ್ತಾನದ ಪ್ರಸ್ತುತ ಸರಕಾರದೊಂದಿಗೆ ನಿಕಟತೆಯನ್ನು ಹೆಚ್ಚಿಸುವ ಮೊದಲು ಎಚ್ಚರಿಕೆಯ ಹೆಜ್ಜೆ ಇಡಬೇಕು,” ಎಂದು ಹೇಳಿದರು.