ಸಾಧಕರೇ ತಮ್ಮ ಸಾಧನೆಯ ಮಟ್ಟವನ್ನು ನೋಡಿ, ಗುರುದೇವರ ಮೇಲೆ ಅಚಲ ಶ್ರದ್ದೆಯನ್ನಿಟ್ಟು ಮತ್ತು ಸತತ ಕೃತಜ್ಞತೆಯ ಭಾವದಲ್ಲಿದ್ದು ಸಾಧನೆಯ ಪ್ರಯತ್ನ ಹೆಚ್ಚಿಸಿ !

‘ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆಯವರು (ಗುರುದೇವರು) ಸಾಧಕರಿಗೆ, ”ಯೋಗ್ಯ ಸಾಧನೆ ಮಾಡಿದರೆ, ಸಾಧಕನು ಪ್ರತಿವರ್ಷ ಶೇ. ೧-೨ ರಷ್ಟು ಆಧ್ಯಾತ್ಮಿಕ ಪ್ರಗತಿ ಮಾಡಿಕೊಳ್ಳಬಹುದು,” ಎಂದಿದ್ದಾರೆ. ಸಾಧಕನು ಪೂರ್ಣವೇಳೆ ಸಾಧನೆ ಮಾಡಲು ಆರಂಭಿಸಿದಾಗ ಅವನ ಮಾಯೆಯ ಸೆಳೆತವು ಸುಮಾರು ಶೇ. ೫೦ ರಷ್ಟು ಕಡಿಮೆಯಾಗಿರುವುದರಿಂದ ಅವನ ಆಧ್ಯಾತ್ಮಿಕ ಮಟ್ಟವು ಶೇ. ೫೦ ರಷ್ಟಿರುತ್ತದೆ. ಅನಂತರ ಸಾಧಕನು ೧೦ ರಿಂದ ೨೦ ವರ್ಷಗಳ ವರೆಗೆ ಸತತ ಸಾಧನೆ ಮಾಡುತ್ತಿದ್ದರೆ, ಅವನು ಶೇ. ೬೧ ರಷ್ಟು ಆಧ್ಯಾತ್ಮಿಕ ಮಟ್ಟವನ್ನು ತಲುಪಿ ಜನ್ಮ-ಮೃತ್ಯುವಿನ ಚಕ್ರಗಳಿಂದ ಮುಕ್ತನಾಗುತ್ತಾನೆ ಅಥವಾ ಶೇ. ೭೧ ರಷ್ಟು ಆಧ್ಯಾತ್ಮಿಕ ಮಟ್ಟ ತಲುಪಿ ಸಂತಪದವಿಯಲ್ಲಿ ತಲುಪುವನು. ಆದರೆ ಎಲ್ಲರ ಸಂದರ್ಭದಲ್ಲಿ ಹೀಗಾಗಲ್ಲ; ಏಕೆಂದರೆ ‘ಪ್ರತಿ ಕ್ಷಣವೂ ಯೋಗ್ಯ ಸಾಧನೆ ಆಗುತ್ತದೆ’, ಎನ್ನಲು ಸಾಧ್ಯವಿಲ್ಲ. ಸಾಧಕನ ಸ್ಥಿತಿಯೂ ಏರುಪೇರಾಗುತ್ತದೆ. ಅಹಂಕಾರಿ ಮನಸ್ಸೇ ಅವನತಿಗೆ ಕಾರಣವಾಗುತ್ತದೆ ಗುರುಕೃಪೆಯಿಂದ ಕೇವಲ ಸನಾತನ ಸಂಸ್ಥೆಯಲ್ಲಿ ಸಾಧಕರ ಪ್ರಗತಿಯ ಮೌಲ್ಯಮಾಪನ ಮಾಡಲಾಗುತ್ತದೆ. ಈ ಮೂಲಕ ಸಾಧಕರಿಗೆ ಸಾಧನೆಯಲ್ಲಿ ಪ್ರೋತ್ಸಾಹ ನೀಡಿ ಯೋಗ್ಯ ಸಾಧನೆ ಮಾಡಿಸಿಕೊಳ್ಳಲಾಗುತ್ತದೆ. ಸಾಧಕನ ಆಧ್ಯಾತ್ಮಿಕ ಪ್ರಗತಿ ಆಗದಿದ್ದರೂ, ಅವನು ಶ್ರದ್ಧೆ, ಕೃತಜ್ಞತಾಭಾವ ಮತ್ತು ಶರಣಾಗತಭಾವದಿಂದ ಇರಬೇಕು. ಸಾಧಕನ ಸಾಧನೆಯ ಪ್ರಗತಿಯ ಮೇಲೆ-ಕೆಳಗೆ ಆಗುತ್ತಿರುವ ಮಟ್ಟವನ್ನು ನೋಡಿ ಅವನಿಗೆ ತನ್ನ ಸಾಧನೆಯ ಸ್ಥಿತಿಯು ತಿಳಿದಿರುವುದರಿಂದ ಅವನು ಗುರುಗಳಲ್ಲಿ ಕೃತಜ್ಞತೆ ವ್ಯಕ್ತಪಡಿಸಬೇಕು. ಅವನು ಪ್ರಗತಿಯ ಅಥವಾ ಅವನತಿಯ ಮಟ್ಟ ನೋಡಿ ನಿರಾಶೆ ಅಥವಾ ವಿಕಲ್ಪಕ್ಕೆ ಒಳಗಾಗದೇ ಗುರುದೇವರ ಮೇಲೆ ಶ್ರದ್ಧೆಯನ್ನಿಟ್ಟು ಕೃತಜ್ಞತೆಯ ಭಾವದಲ್ಲಿದ್ದು ಅದರಿಂದ ಕಲಿತು ಸಾಧನೆಯ ಪ್ರಯತ್ನ ಹೆಚ್ಚಿಸುವುದು ಅಪೇಕ್ಷಿತವಾಗಿದೆ.

– (ಪೂ.) ಶಿವಾಜಿ ವಟಕರ, ಸನಾತನ ಆಶ್ರಮ, ದೇವದ್.