ವಿಶ್ವದ ಅತ್ಯಂತ ಶಕ್ತಿಶಾಲಿ ಸೇನೆಗಳ ಪೈಕಿ ಭಾರತ ನಾಲ್ಕನೇ ಸ್ಥಾನದಲ್ಲಿ, ಪಾಕ್ 12ನೇ ಸ್ಥಾನದಲ್ಲಿ! Indian Army Powerful

ಅಮೆರಿಕಾ, ರಷ್ಯಾ ಮತ್ತು ಚೀನಾ ಭಾರತಕ್ಕಿಂತ ಮುಂದಿದೆ !

ವಾಷಿಂಗ್ಟನ (ಅಮೆರಿಕಾ) – ಜಾಗತಿಕ ಮಹಾಶಕ್ತಿಗಳ ನಡುವಿನ ಹೆಚ್ಚುತ್ತಿರುವ ಉದ್ವಿಗ್ನತೆಯ ಹಿನ್ನೆಲೆಯಲ್ಲಿ ಅತ್ಯಂತ ಶಕ್ತಿಶಾಲಿ ಸೇನೆಗಳನ್ನು ಹೊಂದಿರುವ ದೇಶಗಳ ಹೊಸ ಶ್ರೇಯಾಂಕವನ್ನು ಪ್ರಕಟಿಸಲಾಗಿದೆ.

‘ಗ್ಲೋಬಲ್ ಫೈರ್‌ಪವರ್ ಸಂಸ್ಥೆ’ಯು 145 ದೇಶಗಳ ಸೇನಾ ಸಾಮರ್ಥ್ಯವನ್ನು ಮೌಲ್ಯಮಾಪನ ಮಾಡಿ ಶ್ರೇಯಾಂಕವನ್ನು ನಿಗದಿಪಡಿಸಿದೆ. ಈ ಮೌಲ್ಯಮಾಪನದಲ್ಲಿ ಅಮೆರಿಕಾದ ಸೇನೆಯು ವಿಶ್ವದ ಅತ್ಯಂತ ಶಕ್ತಿಶಾಲಿ ಸೇನೆಯ ಸ್ಥಾನಮಾನವನ್ನು ಪಡೆದಿದೆ. ಅದರ ‘ಪವರ್ ಇಂಡೆಕ್ಸ್ ಸ್ಕೋರ್’ 0.0744 ಆಗಿದ್ದು, ಈ ಸಂಖ್ಯೆಯು ಶೂನ್ಯಕ್ಕೆ ಎಷ್ಟರ ಮಟ್ಟಿಗೆ ಹತ್ತಿರವಿರುತ್ತದೆಯೋ, ಅಷ್ಟರ ಮಟ್ಟಿಗೆ ಆ ಸೇನೆಯ ಶಕ್ತಿಯು ಉನ್ನತವೆಂದು ಪರಿಗಣಿಸಲಾಗುತ್ತದೆ. ಅಮೆರಿಕಾದ ರಕ್ಷಣಾ ವೆಚ್ಚವು ಜಗತ್ತಿನಲ್ಲಿಯೇ ಅತ್ಯಧಿಕವಾಗಿದ್ದು, 2024 ರಲ್ಲಿ ಅದು 873 ಶತಕೋಟಿಗೂ ಹೆಚ್ಚು ಅಮೆರಿಕನ್ ಡಾಲರ್‌ಗಳಿಗೆ (7 ಸಾವಿರದ, 740 ಕೋಟಿಗೂ ಹೆಚ್ಚು) ತಲುಪಿದೆ. ಈ ಶ್ರೇಯಾಂಕದಲ್ಲಿ ಭಾರತವು ನಾಲ್ಕನೇ ಸ್ಥಾನದಲ್ಲಿದ್ದರೇ ಪಾಕಿಸ್ತಾನವು 12ನೇ ಸ್ಥಾನದಲ್ಲಿದೆ.

ಜನಸಂಖ್ಯೆಯ ಮಾನದಂಡದಲ್ಲಿ ಭಾರತ ಮೊದಲ ಸ್ಥಾನದಲ್ಲಿದೆ, ಆದರೆ ಒಟ್ಟು ಜನಸಂಖ್ಯೆ, ಕಾರ್ಯಪಡೆ ಮತ್ತು ಸಕ್ರಿಯ ಹಾಗೂ ಅರೆಸೇನಾ ಪಡೆಗಳ ಸಂಖ್ಯೆಯ ವಿಷಯದಲ್ಲಿ ಎರಡನೇ ಸ್ಥಾನದಲ್ಲಿದೆ.