ಎಲ್ಲೆಡೆಯ ನಿವೃತ್ತಿ ವೇತನದಾರರಿಗೆ ಮಹತ್ವದ ಮಾಹಿತಿ
‘ಸರಕಾರಿ ಅಥವಾ ಸರಕಾರೇತರ ನೌಕರರಿಗೆ ನಿವೃತ್ತಿಯ ನಂತರ ಪ್ರತಿ ತಿಂಗಳಿಗೆ ‘ನಿವೃತ್ತಿ ವೇತನ’ (ಪೆನ್ಶನ್‌)ವನ್ನು ಕೊಡಲಾಗುತ್ತದೆ. ಅದಕ್ಕಾಗಿ ಅವರಿಗೆ ಯಾವ ಬ್ಯಾಂಕ್‌ನಿಂದ ನಾವು ನಿವೃತ್ತಿ ವೇತನವನ್ನು ಪಡೆಯುತ್ತೇವೆಯೋ, ಆ ಬ್ಯಾಂಕ್‌ಗೆ ಪ್ರತಿವರ್ಷ ನವೆಂಬರ್‌ನಲ್ಲಿ ‘ಜೀವನ ಪ್ರಮಾಣಪತ್ರ’ವನ್ನು ಸಲ್ಲಿಸಬೇಕಾಗುತ್ತದೆ. ಆಗ ಮುಂದಿನ ವರ್ಷವಿಡಿ ನಿವೃತ್ತಿ ವೇತನವು ಮುಂದುವರಿಯುತ್ತದೆ. ಈ ಪ್ರಮಾಣ ಪತ್ರವನ್ನು ಸಲ್ಲಿಸುವ ಪ್ರಕ್ರಿಯೆಯ ಕುರಿತಾದ ಮಾಹಿತಿ ಕೊಟ್ಟಿದ್ದೇವೆ
೧. ಜೀವನ ಪ್ರಮಾಣಪತ್ರ ಎಲ್ಲಿ ಸಲ್ಲಿಸಬೇಕು ?
೧ ಅ. ಪ್ರಮಾಣಪತ್ರವನ್ನು ಕೊಡಲು ಬ್ಯಾಂಕಿನ ಯಾವ ಶಾಖೆಯಲ್ಲಿ ಖಾತೆಯಿದೆಯೋ, ಪ್ರತ್ಯಕ್ಷ ಆ ಶಾಖೆಗೆ ಹೋಗುವ ಆವಶ್ಯಕತೆ ಇಲ್ಲ. ನಾವಿರುವ ಸ್ಥಳದಲ್ಲಿ ಆ ಬ್ಯಾಂಕಿನ ಶಾಖೆ ಇದ್ದಲ್ಲಿ, ಅಲ್ಲಿ ಕಾಗದಪತ್ರಗಳನ್ನು ತೋರಿಸಿ ಡಿಜಿಟಲ್‌ ‘ಜೀವನ ಪ್ರಮಾಣಪತ್ರ’ವನ್ನು ಕೊಡಬಹುದು. ಉದಾ. ಒಬ್ಬರು ನಿವೃತ್ತಿ ವೇತನಕ್ಕಾಗಿ ಶಿವಮೊಗ್ಗದಲ್ಲಿ ಬ್ಯಾಂಕ್ ಖಾತೆಯನ್ನು ತೆರೆದಿದ್ದರೆ ಮತ್ತು ಸದ್ಯ ಅವರು ದೆಹಲಿಯಲ್ಲಿ ಇದ್ದರೆ ದೆಹಲಿಯ ಆ ಬ್ಯಾಂಕಿನ ಶಾಖೆಯಿಂದಲೂ ಆ ಪ್ರಮಾಣಪತ್ರವನ್ನು ನೀಡಬಹುದು.
೧ ಆ. ಕೆಲವೆಡೆ ಸರಕಾರಿ ಮತ್ತು ಸರಕಾರೇತರ ಸೌಲಭ್ಯಗಳನ್ನು ಒದಗಿಸಲು ‘ಕಾಮನ್‌ ಸರ್ವಿಸ್‌ ಸೆಂಟರ್’ ಆರಂಭಗೊಂಡಿವೆ. ಅಲ್ಲಿ ಹಾಗೂ ಅಂಚೆ ಮೂಲಕವೂ ಜೀವನ ಪ್ರಮಾಣಪತ್ರವನ್ನು ನೀಡಬಹುದು. ತಮ್ಮ ಪರಿಸರದಲ್ಲಿರುವ ‘ಕಾಮನ್‌ ಸರ್ವಿಸ್‌ ಸೆಂಟರ್ಸ’ ಮಾಹಿತಿಯು https://locator.csccloud.in ಈ ಜಾಲತಾಣದಲ್ಲಿ ದೊರೆಯುವುದು
೨. ಆವಶ್ಯಕ ಕಾಗದಪತ್ರಗಳು
ಅ. ಆಧಾರ ಕಾರ್ಡ್‌ನ ಮೂಲ ಮತ್ತು ಝೆರಾಕ್ಸ್ ಪ್ರತಿ
ಆ. ನಿವೃತ್ತಿ ವೇತನ ಜಮೆಯಾಗುವ ಖಾತೆಯ ಪಾಸ್‌ಬುಕ್‌
ಇ. ಪೆನ್ಶನ್‌ ಪೆಮೆಂಟ್‌ ಆರ್ಡರ್‌ (ಪಿ.ಪಿ.ಓ.) ಕ್ರಮಾಂಕ
ಅದರ ನಂತರ ಬ್ಯಾಂಕಿನ ಅಧಿಕಾರಿಯು ನಿವೃತ್ತಿ ವೇತನದಾರರಿಗೆ ಪ್ರಮಾಣಪತ್ರವನ್ನು ನೀಡುವ ಪ್ರಕ್ರಿಯೆ ಮಾಡುವರು.
ಈ. ಬ್ಯಾಂಕಿಗೆ ಅಥವಾ ‘ಕಾಮನ್‌ ಸರ್ವಿಸ್‌ ಸೆಂಟರ್’ಗೆ ಆಧಾರ ಕಾರ್ಡ ಜೊತೆ ರಿಜಿಸ್ಟರ್‌ ಮಾಡಿದ ನಮ್ಮ ಸಂಚಾರವಾಣಿಯನ್ನು ತೆಗೆದುಕೊಂಡು ಹೋಗಬೇಕು. ಇದರಿಂದ ಅದಕ್ಕೆ ‘ಓ.ಟಿ.ಪಿ.’ (ಒನ್‌ ಟೈಮ್‌ ಪಾಸವರ್ಡ್‌) ಬಂದಾಗ ಅದನ್ನು ತಕ್ಷಣ ಬ್ಯಾಂಕಿಗೆ ಕೊಡಬಹುದು.
ಅನಂತರ ಗಣಕಯಂತ್ರದಲ್ಲಿ ಡಿಜಿಟಲ್‌ ‘ಜೀವನ ಪ್ರಮಾಣಪತ್ರ’ ಸಿದ್ಧವಾಗುತ್ತದೆ ಮತ್ತು ನಿವೃತ್ತಿ ವೇತನವನ್ನು ನೀಡುವ ಸಂಬಂಧಿತ ಸಂಸ್ಥೆಯ ಬಳಿ ಅದು ಜಮೆಯಾಗುತ್ತದೆ. ಇದರ ಮುದ್ರಿತ ಪ್ರತಿಯು ನಿವೃತ್ತಿ ವೇತನದಾರರಿಗೂ ಸಿಗುತ್ತದೆ. ಈ ಪ್ರತಿಯನ್ನು ನಿವೃತ್ತಿ ವೇತನದಾರರು ತಮ್ಮ ಬಳಿ ಇಟ್ಟುಕೊಳ್ಳಬೇಕು.
ಈ ಕುರಿತು ಹೆಚ್ಚಿನ ಮಾಹಿತಿಗಾಗಿ ಅಥವಾ ಸಂದೇಹಗಳಿದ್ದರೆ https://jeevanpramaan.gov.in ಈ ಜಾಲತಾಣಕ್ಕೆ ಭೇಟಿ ನೀಡಿ ಅಥವಾ ಸಂಬಂಧಿತ ಬ್ಯಾಂಕ್/ಅಂಚೆ ಕಛೇರಿಯನ್ನು ಸಂಪರ್ಕಿಸಿ !
೩. ತಾವಿರುವ ಪ್ರದೇಶದಿಂದಲೇ ‘ಡಿಜಿಟಲ್‌ ಜೀವನ ಪ್ರಮಾಣಪತ್ರ’ವನ್ನು ಸಲ್ಲಿಸುವ ಸೌಲಭ್ಯ ಲಭ್ಯ !
ಕೆಲವು ರಾಷ್ಟ್ರೀಕೃತ ಬ್ಯಾಂಕ್ (ನ್ಯಾಶನಲ್‌ ಬ್ಯಾಂಕ್) ಅಂಚೆ ಕಚೇರಿಯ ಮೂಲಕ ನಮ್ಮ ವಾಸ್ತವ್ಯದ ಸ್ಥಳಕ್ಕೆ ಬಂದು ಅವರ ಮಾಧ್ಯಮದಿಂದ ‘ಡಿಜಿಟಲ್‌ ಜೀವನ ಪ್ರಮಾಣಪತ್ರ’ವನ್ನು ಸಿದ್ಧಗೊಳಿಸಿ ಕೊಡುವ ಸೌಲಭ್ಯವು ಲಭ್ಯವಾಗುತ್ತಿದೆ. ‘ಡಿಜಿಟಲ್‌ ಜೀವನ ಪ್ರಮಾಣಪತ್ರ’ವನ್ನು ಸಿದ್ಧಗೊಳಿಸಲು ಅಗತ್ಯವಿರುವ ಕಾಗದಪತ್ರಗಳು ಮತ್ತು ಸಂಪರ್ಕದ ಸಂಚಾರವಾಣಿ ಜೊತೆಯಲ್ಲಿರುವುದು ಆವಶ್ಯಕವಾಗಿದೆ. ಇದರ ಹೆಚ್ಚಿನ ಮಾಹಿತಿಗಾಗಿ ತಮ್ಮ ಸಂಬಂಧಿತ ಬ್ಯಾಂಕ್ ಅಥವಾ ಅಂಚೆ ಕಚೇರಿಯನ್ನು ಸಂಪರ್ಕಿಸಬೇಕು.
೪. ಸಂಚಾರವಾಣಿಯಿಂದ ‘ಡಿಜಿಟಲ್‌ ಜೀವನ ಪ್ರಮಾಣಪತ್ರ’ವನ್ನು ನೀಡುವ ಸೌಲಭ್ಯ ಲಭ್ಯ !
‘AadhaarFaceRd’ ಮತ್ತು ‘JeevanPramaan‘ ಈ ಎರಡು ‘ಯಾಪ್’ ಸಂಚಾರವಾಣಿಯಲ್ಲಿ ‘ಇನ್ಸ್ಟಾಲ್’ ಮಾಡಿ ನಾವು ಸ್ವತಃ ನಮ್ಮ ಅಥವಾ ಇತರ ವ್ಯಕ್ತಿಯ ಜೀವನ ಪ್ರಮಾಣಪತ್ರವನ್ನು ಜಮೆ ಮಾಡಬಹುದು. ಎರಡೂ ‘ಯಾಪ್’ ಸಂಚಾರವಾಣಿಯಲ್ಲಿ ‘ಇನ್ಸ್ಟಾಲ್’ ಮಾಡಿದ ನಂತರ ‘JeevanPramaan‘ ವನ್ನು ‘ಯಾಪ್’ನ್ನು ತೆರೆಯಬೇಕು ಮತ್ತು ಅದರಲ್ಲಿ ನೀಡಿದ ಸೂಚನೆಗಳಂತೆ ಮಾಹಿತಿಯನ್ನು ತುಂಬಬೇಕು. ಸಂಚಾರವಾಣಿಯಲ್ಲಿ ಈ ಮಾಹಿತಿಯನ್ನು ತುಂಬಲು ಕಠಿಣವೆನಿಸಿದರೆ ತಿಳುವಳಿಕೆಯುಳ್ಳ ವ್ಯಕ್ತಿಯ ಸಹಾಯವನ್ನು ಪಡೆಯಬಹುದು; ಒಟ್ಟಿನಲ್ಲಿ ನಮಗೆ ಮನೆಯಿಂದಲೇ ಪ್ರಮಾಣಪತ್ರವನ್ನು ಜಮೆ ಮಾಡಬಹುದು.
೫. ಈ ‘ಜೀವನ ಪ್ರಮಾಣಪತ್ರ’ಕ್ಕೆ ವ್ಯಾಲಿಡಿಟಿ ೧ ವರ್ಷ
ಕೆಲವು ಸರಕಾರಿ ನೌಕರರಿಗೆ ಸಂಬಂಧಿಸಿದ ನಿವೃತ್ತಿ ವೇತನವನ್ನು ನೀಡುವ ಸಂಸ್ಥೆಗಳಲ್ಲಿ ಡಿಜಿಟಲ್‌ ‘ಜೀವನ ಪ್ರಮಾಣಪತ್ರ’ವನ್ನು ಸ್ವೀಕರಿಸುವ ಸೌಲಭ್ಯವು ಇಲ್ಲಿಯವರೆಗೆ ಲಭ್ಯವಾಗಿಲ್ಲ. ಆದ್ದರಿಂದ ಆ ವೇತನದಾರರಿಗೆ ಮೊದಲಿನಂತೆ ಬ್ಯಾಂಕಿನ ಅಧಿಕಾರಿಗಳ ಸಹಿಯಿರುವ ಪ್ರಮಾಣಪತ್ರವನ್ನು ನೀಡಬೇಕಾಗುತ್ತದೆ. ಇದಕ್ಕಾಗಿ ಸಂಬಂಧಿತ ಬ್ಯಾಂಕಿನ ಸ್ಥಳೀಯ ಶಾಖೆಯಲ್ಲಿ ತಮ್ಮ ಈ ಕಾಗದಪತ್ರಗಳನ್ನು ತೋರಿಸಿ ಮುಂದಿನ ಪ್ರಕ್ರಿಯೆ ಮಾಡಬೇಕು. (೨೬.೧೦.೨೦೨೪)
ಪ.ಪೂ. ಭಕ್ತರಾಜ ಮಹಾರಾಜ ಮಹಾನಿರ್ವಾಣೋತ್ಸವ
ಪ.ಪೂ. ಸತ್ಯಸಾಯಿಬಾಬಾ ಜಯಂತಿ (೨೩.೧೧.೨೦೨೪)
ಸನಾತನದ ಕಿರುಗ್ರಂಥ : ಆಧ್ಯಾತ್ಮಿಕ ತೊಂದರೆಗಳನ್ನು ಜಯಿಸಲು ಉಪಯುಕ್ತ ದೃಷ್ಟಿಕೋನ
ಪರಾತ್ಪರ ಗುರು ಡಾ. ಆಠವಲೆಯವರ ಸ್ಥೂಲ ದೇಹದಲ್ಲಿ ಸಿಲುಕದೇ ಅವರು ಕಲಿಸಿದಂತೆ ಸಾಧನೆ ಮಾಡುವ ಕಾರವಾರದ ಶ್ರೀ. ಸಾಗರ ಕುರ್ಡೆಕರ (ವಯಸ್ಸು ೬೫ ವರ್ಷ) !
ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆಯವರು ಸಾಧಕರಿಗೆ ಸಾಧನೆಯ ಬಗ್ಗೆ ಮಾಡಿದ ಅಮೂಲ್ಯ ಮಾರ್ಗದರ್ಶನ ಮತ್ತು ಸಾಧಕನಿಗೆ ಆದ ಅವರ ಗುಣದರ್ಶನ !
ಕೇವಲ ತೂಕ ಕಡಿಮೆ ಮಾಡಲು ವ್ಯಾಯಾಮ ಮಾಡುತ್ತಿದ್ದೀರೇನು ?