‘ಗಡಿಯಲ್ಲಿ ಗಡಿ ಭದ್ರತಾ ಪಡೆ ಬಾಂಗ್ಲಾದೇಶಿ ಜನರನ್ನು ಕೊಲ್ಲುತ್ತದೆಯಂತೆ !’

ಢಾಕಾ (ಬಾಂಗ್ಲಾದೇಶ) – ಬಾಂಗ್ಲಾದೇಶ ಮತ್ತು ಭಾರತ ನಡುವಿನ ಸಂಬಂಧಗಳು ಅಧಿಕ ಬಲಗೊಳ್ಳುತ್ತವೆ. ಆದರೂ ಉಭಯ ದೇಶಗಳ ನಡುವೆ ಕೆಲವು ಸಮಸ್ಯೆಗಳಿದ್ದು, ಅವುಗಳನ್ನು ಪರಿಹರಿಸುವುದು ಆವಶ್ಯಕವಾಗಿದೆ. ನೀರಿನ ಹಂಚಿಕೆ, ಗಡಿಯಲ್ಲಿ ಗಡಿ ಭದ್ರತಾ ಪಡೆಗಳಿಂದ ಬಾಂಗ್ಲಾದೇಶಿ ಜನರ ಹತ್ಯೆ ಮತ್ತು ವ್ಯಾಪಾರ ಅಸಮತೋಲನವನ್ನು ದೂರಗೊಳಿಸುವುದು ಆವಶ್ಯಕವಾಗಿದೆ. ಬಾಂಗ್ಲಾದೇಶದ ವಿರೋಧ ಪಕ್ಷದ `ಬಾಂಗ್ಲಾದೇಶ ನ್ಯಾಶನಲಿಸ್ಟ ಪಾರ್ಟಿ’ ಯ ಹಿರಿಯ ನಾಯಕ ಮತ್ತು ಪಕ್ಷದ ಮುಖ್ಯ ಕಾರ್ಯದರ್ಶಿ ಮಿರ್ಜಾ ಇಸ್ಲಾಂ ಅಲಂಗೀರ ಈ ಹೇಳಿಕೆಗಳನ್ನು ನೀಡಿದ್ದಾರೆ. ಅವರು ಒಂದು ಪ್ರಸಾರ ಮಾಧ್ಯಮದ ಸಂದರ್ಶನದಲ್ಲಿ ಮಾತನಾಡುತ್ತಿದ್ದರು. ಆ ಸಮಯದಲ್ಲಿ ಅವರು ಬಾಂಗ್ಲಾದೇಶದ ಅಲ್ಪಸಂಖ್ಯಾತ ಹಿಂದೂಗಳ ಮೇಲಾಗುವ ದೌರ್ಜನ್ಯದ ಬಗ್ಗೆ ಮಾತ್ರ ಚಕಾರ ಶಬ್ದವನ್ನೂ ಉಚ್ಚರಿಸಿಲ್ಲ.

The BSF kills Bangladeshi people on the border
– Bangladesh Nationalist Party senior leader Mirza Islam Alamgir’s blatantly false statement

In an interview with a media outlet, he also spoke about ‘strengthening democracy’ !

If the Indian Border Security Force had killed… pic.twitter.com/5BwIRneBsc

— Sanatan Prabhat (@SanatanPrabhat) August 13, 2024

ಮಿರ್ಜಾ ಇಸ್ಲಾಂ ಅಲಂಗೀರ್ ಅವರು ಮಾತನಾಡುತ್ತಾ,

1. ನಮ್ಮ ಪಕ್ಷದ ಅಧ್ಯಕ್ಷೆ ಮತ್ತು ಮಾಜಿ ಪ್ರಧಾನಿ ಖಲೀದಾ ಜಿಯಾ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ. ವೈದ್ಯರ ಅನುಮತಿ ನಿಡಿದರೆ ವೈದ್ಯಕೀಯ ಚಿಕಿತ್ಸೆಗಾಗಿ ಅವರು ವಿದೇಶಕ್ಕೆ ಹೋಗಬಹುದು. ಒಂದು ವೇಳೆ ಅವರು ಮರಳಿ ಬರದಿದ್ದರೆ, ಮುಂದಿನ ಚುನಾವಣೆಯಲ್ಲಿ ಕಾರ್ಯನಿರ್ವಾಹಕ ಅಧ್ಯಕ್ಷರಾಗಿರುವ ತಾರಿಕ ರೆಹಮಾನ್ ಅವರು ಅವರ ಸ್ಥಾನವನ್ನು ವಹಿಸಿಕೊಳ್ಳಲಿದ್ದಾರೆ.

2. ದೇಶದ ವಿದ್ಯಾರ್ಥಿಗಳು ಮತ್ತು ನಾಗರಿಕರು ದಂಗೆಯೆದ್ದರು. ಆ ಸಂದರ್ಭದಲ್ಲಿ ಮಾಜಿ ಪ್ರಧಾನಿ ಶೇಖ್ ಹಸೀನಾ ಅವರ ಪೊಲೀಸರು ಸುಮಾರು 1 ಸಾವಿರ ವಿದ್ಯಾರ್ಥಿಗಳನ್ನು ಕೊಂದರು ಮತ್ತು ಅಂದಾಜು 12 ಸಾವಿರ ಜನರನ್ನು ಬಂಧಿಸಿದರು.

3. ನೊಬೆಲ್ ಪ್ರಶಸ್ತಿ ವಿಜೇತ ಪ್ರಾಧ್ಯಾಪಕ ಯೂನಸ್ ಇವರು ಮಧ್ಯಂತರ ಸರಕಾರವನ್ನು ಮುನ್ನಡೆಸುತ್ತಿದ್ದಾರೆ. ಮಧ್ಯಂತರ ಸರಕಾರ ಖಂಡಿತವಾಗಿಯೂ ಪರಿಸ್ಥಿತಿಯನ್ನು ಸ್ಥಿರಗೊಳಿಸುತ್ತದೆ ಮತ್ತು ಶಾಂತಿ ಮತ್ತು ಸುವ್ಯವಸ್ಥೆಯನ್ನು ಸ್ಥಾಪಿಸುತ್ತದೆ. ಮಧ್ಯಂತರ ಸರಕಾರದ ಮುಖ್ಯ ಕಾರ್ಯವೆಂದರೆ ಮುಕ್ತ ಮತ್ತು ನಿಷ್ಪಕ್ಷಪಾತ ಚುನಾವಣೆ ನಡೆಸುವುದು ಆಗಿದೆ.

4. ಭ್ರಷ್ಟಾಚಾರವನ್ನು ನಾಶ ಮಾಡಲು ನಮ್ಮ ಪಕ್ಷ ಪ್ರಯತ್ನಿಸಲಿದೆ. ನಾವು ಪ್ರಜಾಪ್ರಭುತ್ವ ಮತ್ತು ಪ್ರಜಾಸತ್ತಾತ್ಮಕ ಮೌಲ್ಯಗಳನ್ನು ರಕ್ಷಿಸುತ್ತೇವೆ ಎಂದು ಹೇಳಿದರು.