ಪುಣೆಯ ಕೇಡಗಾವ್ (ದೌಂಡ್ ತಾ.) ನಲ್ಲಿ 2 ಅಪ್ರಾಪ್ತ ಹಿಂದೂ ಹುಡುಗಿಯರು ಕ್ರೈಸ್ತ ಧರ್ಮಕ್ಕೆ ಮತಾಂತರ !

ಪುಣೆ – ಪಂಡಿತಾ ರಮಾಬಾಯಿ ಮುಕ್ತಿ ಮಿಷನ್ ಅನಾಥ ಆಶ್ರಮ, ಕೇಡಗಾಂವ್ (ದೌಂಡ್ ತಾ.) ಈ ಸಂಸ್ಥೆಯಿಂದ ‘ಹಿಂದೂ ಖಾಟಿಕ್’ಆಗಿರುವ ಇಬ್ಬರು ಅಪ್ರಾಪ್ತ ಬಾಲಕಿಯರನ್ನು ಬಲವಂತವಾಗಿ ಕ್ರೈಸ್ತ ಧರ್ಮಕ್ಕೆ ಮತಾಂತರಗೊಳಿಸಿರುವುದು ಬೆಳಕಿಗೆ ಬಂದಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಪ್ರಕರಣ ದಾಖಲಿಸಿಕೊಳ್ಳುವಾಗ ಯಾವತ್ ಠಾಣೆ ಪೊಲೀಸರು ಸೂಕ್ತವಲ್ಲದ ಕಲಂಗಳನ್ನು ಬಳಸಿ ದೂರುದಾರರ ಹೆಸರನ್ನು ಕಡಿಮೆ ಮಾಡಿ ಆರೋಪಿಗಳನ್ನು ಬೆಂಬಲಿಸಿದ್ದಾರೆ ಎಂಬುದು ಬೆಳಕಿಗೆ ಬಂದಿದೆ. ಪ್ರಕರಣವನ್ನು ತಪ್ಪು ರೀತಿಯಲ್ಲಿ ತನಿಖೆ ನಡೆಸಲಾಗುತ್ತಿದೆ. ಆದ್ದರಿಂದ ಇಡೀ ಪ್ರಕರಣವನ್ನು ‘ವಿಶೇಷ ತನಿಖಾ ಸಮಿತಿ’ (ಎಸ್‌ಐಟಿ) ಅಥವಾ ‘ರಾಷ್ಟ್ರೀಯ ಅಪರಾಧ ತನಿಖೆ’ (ಸಿಬಿಐ) ತನಿಖೆ ನಡೆಸಬೇಕು. ಅಲ್ಲದೆ, ಮತಾಂತರ ನಿಷೇಧ ಕಾಯ್ದೆ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ‘ಭಾರತೀಯ ಮಾನವ ಹಕ್ಕುಗಳ ಮಂಡಳಿ’ಯ ವಕೀಲ ಆಶಿಶ್ ಸೋನಾವಾಣೆ ಇವರು ಪತ್ರಿಕಾಗೋಷ್ಠಿಯಲ್ಲಿ ಆಗ್ರಹಿಸಿದರು. (ಹಿಗೇಕೆ ಬೇಡಿಕೆ ಇಡಬೇಕಾಗುತ್ತದೆ ? ಪೊಲೀಸರ ಗಮನಕ್ಕೆ ಬರುವುದಿಲ್ಲವೇ? – ಸಂಪಾದಕರು) ಈ ಪತ್ರಿಕಾಗೋಷ್ಠಿಯು ಜ.17ರಂದು ‘ಪತ್ರಕರ್ ಭವನ’ದಲ್ಲಿ ನಡೆಯಿತು.

‘ಭಾರತೀಯ ಮಾನವ ಹಕ್ಕುಗಳ ಮಂಡಳಿ’ ನಿರ್ದೇಶಕಿ ಸಂಧ್ಯಾ ಮೋರೆ ಘಟನೆಯನ್ನು ಪ್ರಸ್ತುತಪಡಿಸಿದರು.

1. ಮತಾಂತರಗೊಂಡ ಬಾಲಕಿಯರು ತಮ್ಮ ಚಿಕ್ಕಮ್ಮನೊಂದಿಗೆ ವಾಸಿಸುತ್ತಿದ್ದಾರೆ ಮತ್ತು ‘ಬಾಪುಸಾಹೇಬ್ ಪವಾರ್ ಪ್ರಾಥಮಿಕ ಶಾಲೆಯಲ್ಲಿ’ ಓದುತ್ತಿದ್ದರು. ಆ ಶಾಲೆಗೆ ಸಂಬಂಧಿಸಿದ ‘ಭಾರತೀಯ ಸಮಾಜ ಸೇವಾ ಕೇಂದ್ರ, ಕೋರೆಗಾಂವ್ ಪಾರ್ಕ್’ ಸಂಸ್ಥೆಯ ಸಮಾಜ ಸೇವಕಿ ಸಂಧ್ಯಾ ವಾಸವೆ ಅವರು ಕುಟುಂಬ ಸದಸ್ಯರೊಂದಿಗೆ ಸಿಹಿಯಾಗಿ ಮಾತನಾಡಿ ಮೇಲಿನ ಆಶ್ರಮ ಶಾಲೆಗೆ ಪ್ರವೇಶ ಪಡೆಯುವಂತೆ ಒತ್ತಡ ಹೇರಿದರು.

2. ಏಪ್ರಿಲ್ 2022 ರಲ್ಲಿ ಪ್ರವೇಶ ಪಡೆದ ನಂತರ, ಕುಟುಂಬವನ್ನು ವೈಯಕ್ತಿಕವಾಗಿ ಭೇಟಿಯಾಗಲು ಅವರಿಗೆ ಅವಕಾಶ ನೀಡಲಿಲ್ಲ, ಹುಡುಗಿಯರನ್ನು ಮನೆಗೆ ಕಳುಹಿಸಲಿಲ್ಲ, ಮೊಬೈಲ್ ಫೋನ್‌ಗಳ ಮೂಲಕ ಅವರನ್ನು ಸಂಪರ್ಕಿಸುವುದನ್ನು ನಿಷೇಧಿಸಲಾಯಿತು ಮತ್ತು ಹುಡುಗಿಯರನ್ನು ದೈಹಿಕವಾಗಿ ಮತ್ತು ಮಾನಸಿಕವಾಗಿ ಹಿಂಸಿಸಲಾಯಿತು.

3. ಹೆಣ್ಣುಮಕ್ಕಳಿಗೆ ಹಿಂದೂ ಆಚರಣೆಗಳನ್ನು ನಿಷೇಧಿಸುವುದು, ಟಿಕಲಿ, ಗಂಧ ಮತ್ತು ಬಳೆಗಳನ್ನು ಧರಿಸಲು ಅನುಮತಿಸಲಿಲ್ಲ. ತಾಯಿ ಕೊಟ್ಟ ಶ್ರೀಕೃಷ್ಣನ ವಿಗ್ರಹವನ್ನು ಧ್ವಂಸಗೊಳಿಸಿದರು.

4. ಆಶ್ರಮದ ಹುಡುಗಿಯರಿಗೆ ‘ವೈನ್’ ನೀಡಲಾಯಿತು, ಚರ್ಚ್‌ಗೆ ಕರೆದೊಯ್ಯಲಾಯಿತು, ಯೇಸುಕ್ರಿಸ್ತನನ್ನು ಏಕೈಕ ದೇವರೆಂದು ಪ್ರಾರ್ಥಿಸುವಂತೆ ಒತ್ತಾಯಿಸಲಾಯಿತು. ಹುಡುಗಿಯರು ‘ದೀಕ್ಷಾಸ್ನಾನ’ ಪಡೆದರು ಮತ್ತು ಅವರ ಹೆಸರನ್ನು ಬದಲಾಯಿಸಿದರು.

5. ಹುಡುಗಿಯರ ಚಿಕ್ಕಮ್ಮ ಸೆಪ್ಟೆಂಬರ್ 2023 ರಲ್ಲಿ ನಮ್ಮನ್ನು ಸಂಪರ್ಕಿಸಿದರು. ಆ ಬಳಿಕ ಆಯೋಗ ನಡೆಸಿದ ತನಿಖೆಯಿಂದ ಮೇಲಿನ ಸತ್ಯ ಹೊರಬಿದ್ದಿದೆ. ನವೆಂಬರ್ 2023 ರಲ್ಲಿ, ಆಯೋಗವು ಪೊಲೀಸರಿಗೆ ದೂರು ನೀಡಿದೆ.