ಇಸ್ರೋದಿಂದ ಪ್ರಜ್ಞಾನ್ ರೋವರ್ ಕಾರ್ಯ ಸ್ಥಗಿತ !

ಸೆಪ್ಟೆಂಬರ್ 22 ರ ನಂತರ ರೋವರ್ ಮತ್ತೆ ಕಾರ್ಯನಿರ್ವಹಿಸುವ ನಿರೀಕ್ಷೆ !

ಬೆಂಗಳೂರು – ‘ಚಂದ್ರಯಾನ-3’ ರ ಪ್ರಜ್ಞಾನ್ ರೋವರ್ ತನ್ನ ಕಾರ್ಯಾಚರಣೆಯನ್ನು ಪೂರ್ಣಗೊಳಿಸಿದೆ. ಅದನ್ನು ಈಗ ಸುರಕ್ಷಿತವಾಗಿ ಒಂದು ಸ್ಥಳದಲ್ಲಿ `ಪಾರ್ಕ’(ನಿಲುಗಡೆ) ಮಾಡಲಾಗಿದೆ ಮತ್ತು ಅದರ ‘ಸ್ಲೀಪ್ ಮೋಡ್’ (ಸ್ಥಗಿತಗೊಳಿಸುವಿಕೆ) ಸಕ್ರಿಯಗೊಳಿಸಲಾಗಿದ್ದು, ಅದರ ಉಪಕರಣಗಳನ್ನು ಸಹ ಸ್ಥಗಿತಗೊಳಿಸಲಾಗಿದೆ. ಈ ಉಪಕರಣಗಳಲ್ಲಿರುವ ಮಾಹಿತಿಯನ್ನು ‘ವಿಕ್ರಮ್’ ಲ್ಯಾಂಡರ್ ಮೂಲಕ ಭೂಮಿಗೆ ಕಳುಹಿಸಲಾಗಿದೆ. ಸದ್ಯಕ್ಕೆ ಬ್ಯಾಟರಿ ಸಂಪೂರ್ಣವಾಗಿ ಚಾರ್ಜ್ ಆಗಿದ್ದು, ಮುಂದಿನ ಸೂರ್ಯೋದಯವು ಸೆಪ್ಟೆಂಬರ್ 22, 2023 ರಂದು ಆಗಲಿದೆ. ಆ ಸಮಯದಲ್ಲಿ ಸೂರ್ಯನ ಬೆಳಕು ಬೀಳುವಂತೆ ಸೋಲಾರ್ ಪ್ಯಾನೆಲ್ ವಿನ್ಯಾಸ ಮಾಡಲಾಗಿದೆ ಎಂದು ಇಸ್ರೋ ಮಾಹಿತಿ ನೀಡಿದೆ. ಚಂದ್ರಯಾನದ ವಿಕ್ರಮ್ ಲ್ಯಾಂಡರ್ ಆಗಸ್ಟ್ 23 ರಂದು ಚಂದ್ರನ ಮೇಲೆ ದಕ್ಷಿಣ ಧ್ರುವದಲ್ಲಿ ಇಳಿದಿತ್ತು ಮತ್ತು ‘ಪ್ರಜ್ಞಾನ್’ ರೋವರ್ 2 ಗಂಟೆ 26 ನಿಮಿಷಗಳ ನಂತರ ಹೊರಬಂದಿತ್ತು. ಆ ದಿನದಿಂದ ಮುಂದಿನ 14 ದಿನಗಳವರೆಗೆ ಸೂರ್ಯನ ಬೆಳಕು ಇತ್ತು. ಈ ಅವಧಿಯಲ್ಲಿ ಸೌರಶಕ್ತಿಯ ಮೂಲಕ ‘ವಿಕ್ರಮ್’ ಮತ್ತು ‘ಪ್ರಜ್ಞಾನ್’ ಕಾರ್ಯ ನಿರ್ವಹಿಸಲಿದ್ದರು. ಈಗ ಸೆಪ್ಟಂಬರ್ 4 ಕ್ಕೆ 14 ದಿನಗಳು ಪೂರ್ಣಗೊಳ್ಳುತ್ತಿರುವುದರಿಂದ ಇಲ್ಲಿ ಕತ್ತಲು ಆವರಿಸಲಿದೆ. ಆದ್ದರಿಂದ ಪ್ರಜ್ಞಾನ್ ಅನ್ನು ಇಸ್ರೋ ಸ್ಥಗಿತಗೊಳಿಸಿದೆ.

ಚಂದ್ರನ ಮೇಲೆ ಭಾರತದ ರಾಯಭಾರಿಯಾಗಿ ‘ಪ್ರಜ್ಞಾನ್’ ರೋವರ್ ಚಂದ್ರನ ಮೇಲೆ ಶಾಶ್ವತವಾಗಿ ಉಳಿಯಲಿದೆ !

ಇಸ್ರೋ, ಸೆಪ್ಟೆಂಬರ್ 22 ರ ನಂತರ, ರೋವರ್ ಮತ್ತೊಮ್ಮೆ ಹೊಸ ಕಾರ್ಯಕ್ಕಾಗಿ ಯಶಸ್ವಿಯಾಗಿ ಪ್ರಾರಂಭವಾಗುವುದು ಎಂದು ನಾವು ಭಾವಿಸುತ್ತೇವೆ ಎಂದು ಹೇಳಿದೆ. ಈ ‘ಪ್ರಜ್ಞಾನ್’ ರೋವರ್ ಭಾರತದ ಚಂದ್ರನಲ್ಲಿನ ರಾಯಭಾರಿಯಾಗಿ ಚಂದ್ರನ ಮೇಲೆ ಶಾಶ್ವತವಾಗಿ ಉಳಿಯುತ್ತದೆ.

Chandrayaan-3 Mission:
The Rover completed its assignments.

It is now safely parked and set into Sleep mode.
APXS and LIBS payloads are turned off.
Data from these payloads is transmitted to the Earth via the Lander.

Currently, the battery is fully charged.
The solar panel is…

— ISRO (@isro) September 2, 2023