‘ಸರ್ವಾಧಿಕಾರವನ್ನು ತಿರಸ್ಕರಿಸಿ’: ಚೀನಾ ಸೇರಿದಂತೆ ವಿಶ್ವದಾದ್ಯಂತ ಷಿ ಜಿನ್‌ಪಿಂಗ್ ವಿರುದ್ಧ ಅಭೂತಪೂರ್ವ ಪ್ರತಿಭಟನೆ ಆರಂಭ

ಬೀಜಿಂಗ್ (ಚೀನಾ) – ಚೀನಾ ಅಧ್ಯಕ್ಷ ಷಿ ಜಿನ್‌ಪಿಂಗ್ ಸತತ ಮೂರನೇ ಬಾರಿಗೆ ಆಯ್ಕೆಯಾದ ನಂತರ, ಚೀನಾದಲ್ಲಿ ಅವರ ವಿರುದ್ಧ ಆಂದೋಲನವನ್ನು ಪ್ರಾರಂಭಿಸಲಾಗಿದೆ. ಈ ಆಂದೋಲನವು ಪ್ರಪಂಚದಾದ್ಯಂತದ ಅನೇಕ ದೇಶಗಳಿಗೆ ಹರಡುತ್ತಿದೆ. ಕಮ್ಯುನಿಸ್ಟ್ ಸರಕಾರದ ವಿರುದ್ಧ ’ಸರ್ವಾಧಿಕಾರ ನಿರಾಕರಿಸಿ’ ಘೋಷಣೆಗಳನ್ನು ಕೂಗಲಾಗುತ್ತಿದೆ.

೧. ’ವಾಯ್ಸ್ ಆಫ್ ಸಿಎನ್’ ಎಂಬ ಪ್ರಜಾಪ್ರಭುತ್ವವನ್ನು ಬೆಂಬಲಿಸುವ ಮತ್ತು ಇನ್ಸ್ಟಾಗ್ರಾಮ್ ಖಾತೆಯನ್ನು ಹೊಂದಿರುವ ಅಪರಿಚಿತ ಚೀನೀ ನಾಗರಿಕರ ಗುಂಪು ಒಂದಿದೆ. ಬ್ಲೂಮ್ಬರ್ಗ್ ವರದಿಯಂತೆ ಅವರು ಈ ಖಾತೆಯ ಬಗ್ಗೆ ಚೀನಾದ ಸುಮಾರು ಎಂಟು ನಗರಗಳಲ್ಲಿ ಆಂದೋಲನವನ್ನು ಪ್ರಾರಂಭಿಸಿದ್ದಾರೆ. ಇದರಲ್ಲಿ ರಾಜಧಾನಿ ಬೀಜಿಂಗ್ ಜೊತೆಗೆ ಹಾಂಗ್ ಕಾಂಗ್ ಕೂಡ ಸೇರಿದೆ. ಈ ಆಂದೋಲನವು ಈಗ ಜಪಾನ್, ದಕ್ಷಿಣ ಕೊರಿಯಾ, ತೈವಾನ್, ಯುನೈಟೆಡ್ ಸ್ಟೇಟ್ಸ್ ಮತ್ತು ಇತರ ಸ್ಥಳಗಳನ್ನು ತಲುಪಿದೆ. ೨೦೦ ಕ್ಕೂ ಹೆಚ್ಚು ವಿದ್ಯಾಪೀಠಗಳು ಪ್ರತಿಭಟನೆಗೆ ಬೆಂಬಲ ನೀಡಿವೆ. ಅದರ ಮೂಲಕ ಅವರನ್ನು ತೆಗೆದುಹಾಕಲು ಬೇಡಿಕೆ ಬಂದಿದೆ.

೨. ಷಿ ಜಿನ್‌ಪಿಂಗ್ ವಿರುದ್ಧದ ಘೋಷಣೆಗಳ ಹಲವಾರು ಚಿತ್ರಗಳು ಮತ್ತು ಷಿ ಜಿನ್‌ಪಿಂಗ್ ವೀಡಿಯೊಗಳು ಗುಂಪಿಗೆ ಬರುತ್ತಿವೆ. ಸ್ನಾನಗೃಹದಲ್ಲಿ ಹಲವಾರು ಪ್ರಕಟಣೆಗಳನ್ನು ಬರೆಯಲಾಗಿದೆ ಮತ್ತು ಕೆಲವು ಶಾಲೆಗಳ ಸೂಚನಾ ಫಲಕಗಳಲ್ಲಿ ಹಾಕಲಾಗಿದೆ.

ಚೀನಾದಲ್ಲಿ, ಜಿನ್‌ಪಿಂಗ್ ವಿರುದ್ಧ ಸಾರ್ವಜನಿಕವಾಗಿ ಪ್ರತಿಭಟನೆ ನಡೆಸುವುದು ಸೆರೆಮನೆವಾಸಕ್ಕೆ ಕಾರಣವಾಗಬಹುದು. ಬೀಜಿಂಗ್ ಸೇತುವೆಯೊಂದರ ಮೇಲೆ ಷಿ ಜಿನ್‌ಪಿಂಗ್ ವಿರುದ್ಧ ಷಿ ಜಿನ್‌ಪಿಂಗ್ ದೊಡ್ಡ ನಾಯಕನಲ್ಲ’ ಎಂದು ಪೋಸ್ಟರ್ ಹಾಕಿದ ನಂತರ ಸಂಬಂಧಿತ ವೀಡಿಯೊಗಳು ಮತ್ತು ಭಿತ್ತಿಚಿತ್ರಗಳಲ್ಲಿನ ಪದಗಳನ್ನು ಸರಕಾರ ನಿಷೇಧಿಸಿದೆ. ಈ ಪದಗಳನ್ನು ದೇಶಾದ್ಯಂತ ಅಂತರ್ಜಾಲದಲ್ಲಿ ನಿಷೇಧಿಸಲಾಗಿದೆ.