ಪರಾತ್ಪರ ಗುರು ಡಾ. ಆಠವಲೆಯವರ ಸಹೋದರ ಡಾ. ವಿಲಾಸ ಆಠವಲೆಯವರು ನೀಡಿದ (ಅವರ ಸಂತ ತಾಯಿ-ತಂದೆಯವರು ಉಪಯೋಗಿಸಿದ) ಹಳೆಯ ‘ಫರ್ನಿಚರ್ (ಪೀಠೋಪಕರಣ)ಗಳಿಂದ ತುಂಬಾ ಚೈತನ್ಯ ಪ್ರಕ್ಷೇಪಿತವಾಗುವುದು

‘ಮಹರ್ಷಿ ಅಧ್ಯಾತ್ಮ ವಿಶ್ವವಿದ್ಯಾಲಯವು ‘ಯು.ಎ.ಎಸ್. (ಯುನಿರ್ವಸಲ್ ಔರಾ ಸ್ಕ್ಯಾನರ್) ಈ ಉಪಕರಣದ ಮೂಲಕ ಮಾಡಿದ ವೈಜ್ಞಾನಿಕ ಪರೀಕ್ಷಣೆ

‘ಪರಾತ್ಪರ ಗುರು ಡಾ. ಆಠವಲೆಯವರು ಅವರ ಬಾಲ್ಯವನ್ನು ಯಾವ ಮನೆಯಲ್ಲಿ ಕಳೆದರೋ, ಅಲ್ಲಿನ ಹಳೆಯ ಪೀಠೋಪಕರಣ (ಮೇಜು, ಆಸನ (ಕುರ್ಚಿಗಳು), ಕಪಾಟು, ಮಂಚ ಇತ್ಯಾದಿ ವಸ್ತುಗಳು. ಇವುಗಳಲ್ಲಿನ ಕೆಲವು ವಸ್ತುಗಳು ಮರದ ಹಲಗೆಯದ್ದು ಮತ್ತು ಕೆಲವು ವಸ್ತುಗಳು ಕಬ್ಬಿಣದ್ದಾಗಿವೆ.)ಗಳನ್ನು ಅವರ ಸಹೋದರರಾದ ಡಾ. ವಿಲಾಸ ಆಠವಲೆಯವರು ೨೦೨೧ ರಲ್ಲಿ ಸನಾತನ ಆಶ್ರಮಕ್ಕೆ ಕಳುಹಿಸಿದರು. ಈ ಪೀಠೋಪಕರಣಗಳಲ್ಲಿ ಚೈತನ್ಯ ಇರುವುದು ಅವುಗಳ ಸೂಕ್ಷ್ಮ ಸ್ಪಂದನಗಳಿಂದ ಗಮನಕ್ಕೆ ಬಂದಿತು. ಈ ಪೀಠೋಪಕರಣಗಳನ್ನು ‘ಯು.ಎ.ಎಸ್. (ಯುನಿರ್ವಸಲ್ ಔರಾ ಸ್ಕ್ಯಾನರ್) ಈ ಉಪಕರಣದ ಮೂಲಕ ಪರೀಕ್ಷಣೆಯನ್ನು ಮಾಡಲಾಯಿತು. ತುಲನೆಗಾಗಿ ಓರ್ವ ಸಾಮಾನ್ಯ ವ್ಯಕ್ತಿಯ ಮನೆಯಲ್ಲಿನ ಪೀಠೋಪಕರಣಗಳನ್ನೂ ಪರೀಕ್ಷಣೆ ಮಾಡಲಾಯಿತು.

೧. ಡಾ. ವಿಲಾಸ ಆಠವಲೆಯವರು ನೀಡಿದ ಪೀಠೋಪಕರಣಗಳಲ್ಲಿ ತುಂಬಾ ಚೈತನ್ಯ ಇರುವುದು

ಈ ಪೀರೋಪಕರಣಗಳಲ್ಲಿ ನಕಾರಾತ್ಮಕ ಊರ್ಜೆ ಸ್ವಲ್ಪವೂ ಇರಲಿಲ್ಲ, ಅವುಗಳಲ್ಲಿ ತುಂಬಾ ಪ್ರಮಾಣದಲ್ಲಿ ಸಕಾರಾತ್ಮಕ ಊರ್ಜೆಯಿತ್ತು. ಅವುಗಳಲ್ಲಿನ ಕೆಲವು ಆಯ್ದ ವಸ್ತುಗಳಲ್ಲಿನ ಸಕಾರಾತ್ಮಕ ಊರ್ಜೆಯ ಪರೀಕ್ಷಣೆಗಳನ್ನು ಮುಂದೆ ಕೊಡಲಾಗಿದೆ.

೧ ಅ. ಡಾ. ವಿಲಾಸ ಆಠವಲೆಯವರು ನೀಡಿದ ಸಾಹಿತ್ಯಗಳಲ್ಲಿ ತುಂಬಾ ಚೈತನ್ಯವಿರುವುದರ ಕಾರಣ : ಸಾಮಾನ್ಯವಾಗಿ ವಸ್ತು ಗಳು ಹಳೆಯದಾದ ನಂತರ ಅವುಗಳನ್ನು ನೋಡಿದಾಗ ಒಳ್ಳೆಯದೆನಿಸುವುದಿಲ್ಲ. ಡಾ. ವಿಲಾಸ ಆಠವಲೆಯವರು ನೀಡಿದ ಪೀಠೋಪಕರಣಗಳು ಬಹಳ ಹಳೆಯದಾಗಿದ್ದರೂ ಅವುಗಳತ್ತ ನೋಡಿದಾಗ ಚೈತನ್ಯದ ಅರಿವಾಗುತ್ತದೆ. ಇದರ ಕಾರಣವೆಂದರೆ, ಪರಾತ್ಪರ ಗುರು ಡಾ. ಆಠವಲೆಯವರ ತಾಯಿ-ತಂದೆ ಸಹ ಸಂತರಾಗಿದ್ದರು. ಸಂತರಲ್ಲಿ ತುಂಬಾ ಚೈತನ್ಯವಿರುತ್ತದೆ. ಸಂತರಿಂದ ವಾತಾವರಣದಲ್ಲಿ ಚೈತನ್ಯ ಪ್ರಕ್ಷೇಪಿತವಾಗುತ್ತದೆ. ಸಂತಪದವಿಯನ್ನು ಪ್ರಾಪ್ತಮಾಡಿಕೊಂಡ ತಾಯಿ-ತಂದೆಯರಲ್ಲಿನ ಚೈತನ್ಯದಿಂದ ಅವರು ಉಪಯೋಗಿಸಿದ ವಸ್ತುಗಳ (ಫರ್ನಿಚರ್) ಮೇಲೆ ಸಕಾರಾತ್ಮಕ ಪರಿಣಾಮವಾಗಿ ಆ ವಸ್ತುಗಳು ಚೈತನ್ಯದಿಂದ ತುಂಬಿಕೊಂಡಿವೆ. ವಿಶೇಷವೆಂದರೆ ಇಷ್ಟು ವರ್ಷಗಳ ನಂತರವೂ ಅವುಗಳಲ್ಲಿನ ಚೈತನ್ಯವು ಉಳಿದುಕೊಂಡಿದೆ.

೨. ಸಾಮಾನ್ಯ ವ್ಯಕ್ತಿಯ ಮನೆಯಲ್ಲಿನ ಫರ್ನಿಚರ್(ಪೀಠೋಪಕರಣ)ಗಳಲ್ಲಿ ಸ್ವಲ್ಪವೂ ಸಕಾರಾತ್ಮಕ ಊರ್ಜೆ ಇಲ್ಲದೇ, ನಕಾರಾತ್ಮಕ ಊರ್ಜೆ ಇರುವುದು

ಸಾಮಾನ್ಯ ವ್ಯಕ್ತಿಯ ಮನೆಯಲ್ಲಿನ ಪೀಠೋಪಕರಣಗಳಲ್ಲಿ ಸಕಾರಾತ್ಮಕ ಊರ್ಜೆ ಸ್ವಲ್ಪವೂ ಇರಲಿಲ್ಲ, ಅದರ ಬದಲಿಗೆ ನಕಾರಾತ್ಮಕ ಊರ್ಜೆಯಿತ್ತು. ಅವುಗಳಲ್ಲಿನ ಕೆಲವು ಆಯ್ದ ವಸ್ತುಗಳಲ್ಲಿನ ನಕಾರಾತ್ಮಕ ಊರ್ಜೆಯ ಪರೀಕ್ಷಣೆಗಳನ್ನು ಮುಂದೆ ಕೊಡಲಾಗಿದೆ.

೨ ಅ. ಸಾಮಾನ್ಯ ವ್ಯಕ್ತಿಯ ಮನೆಯಲ್ಲಿನ ಪೀಠೋಪಕರಣಗಳಲ್ಲಿ ಸಕಾರಾತ್ಮಕ ಊರ್ಜೆ ಸ್ವಲ್ಪವೂ ಇರದೇ ನಕಾರಾತ್ಮಕ ಊರ್ಜೆ ಇರುವುದರ ಕಾರಣ : ಕಲಿಯುಗದಲ್ಲಿ ಸಾಮಾನ್ಯ ವ್ಯಕ್ತಿಗಳಲ್ಲಿ ರಜ-ತಮದ ಪ್ರಮಾಣ ಹೆಚ್ಚಿದೆ. ಸಮಾಜದಲ್ಲಿನ ಹೆಚ್ಚಿನ ಜನರು ಸಾಧನೆಯನ್ನು ಮಾಡುವುದಿಲ್ಲ. ಹಾಗೆಯೇ ಅನೇಕರಿಗೆ ಹೆಚ್ಚು-ಕಡಿಮೆ ಪ್ರಮಾಣದಲ್ಲಿ ಆಧ್ಯಾತ್ಮಿಕ ತೊಂದರೆಗಳಿವೆ. ಇದರಿಂದ ಸಾಮಾನ್ಯ ವ್ಯಕ್ತಿಯಲ್ಲಿ ಸಕಾರಾತ್ಮಕ ಸ್ಪಂದನಗಳ ಪ್ರಮಾಣ ಅತ್ಯಂತ ಕಡಿಮೆ ಮತ್ತು ನಕಾರಾತ್ಮಕ ಸ್ಪಂದನಗಳ ಪ್ರಮಾಣ ಹೆಚ್ಚು ಕಂಡುಬರುತ್ತದೆ. ಈ ಪರೀಕ್ಷಣೆಯಲ್ಲಿನ ಸಾಮಾನ್ಯ ವ್ಯಕ್ತಿಗೆ ತೀವ್ರ ಆಧ್ಯಾತ್ಮಿಕ ತೊಂದರೆಯಿದೆ. ಅವಳಲ್ಲಿನ ತೊಂದರೆದಾಯಕ ಸ್ಪಂದನಗಳಿಂದ ಅವಳು ಉಪಯೋಗಿಸಿದ ವಸ್ತುಗಳ ಮೇಲೆ ಪರಿಣಾಮವಾಗಿ, ಅವು ನಕಾರಾತ್ಮಕ ಸ್ಪಂದನಗಳಿಂದ ತುಂಬಿಕೊಂಡಿವೆ. ಆದುದರಿಂದ ಅವಳ ಮನೆಯಲ್ಲಿನ ಪೀಠೋಪಕರಣಗಳಲ್ಲಿ ಸಕಾರಾತ್ಮಕ ಊರ್ಜೆ ಇರದೇ ನಕಾರಾತ್ಮಕ ಊರ್ಜೆ ಕಂಡುಬಂದಿತು. ವ್ಯಕ್ತಿಯು ಸಾಧನೆಯನ್ನು ಮಾಡತೊಡಗಿದರೆ, ಅವನಲ್ಲಿನ ರಜ-ತಮದ ಪ್ರಮಾಣ ಕಡಿಮೆಯಾಗಿ ಅವನಲ್ಲಿನ ಸತ್ತ್ವಗುಣ ಹೆಚ್ಚಾಗತೊಡಗುತ್ತದೆ. ಅವನ ಸಾಧನೆ ಹೆಚ್ಚಾಗುತ್ತ ಹೋದಂತೆ, ಅವನಲ್ಲಿ ಚೈತನ್ಯ ಉತ್ಪನ್ನವಾಗುತ್ತದೆ. ಇದರಿಂದ ಅವನ ದೇಹ, ಅವನ ವಾಸ್ತು, ಅವನು ಉಪಯೋಗಿಸುತ್ತಿರುವ ವಸ್ತುಗಳ ಮೇಲೆ ಒಳ್ಳೆಯ ಪರಿಣಾಮವಾಗಿ ಅವುಗಳೂ ಚೈತನ್ಯದಿಂದ ತುಂಬಿಕೊಳ್ಳುತ್ತವೆ. ಕಾಲಾಂತರದಲ್ಲಿ ಅವನ ಆಧ್ಯಾತ್ಮಿಕ ಉನ್ನತಿಯಾಗಿ ಅವನು ಜನ್ಮ-ಮರಣದ ಚಕ್ರಗಳಿಂದ ಮುಕ್ತನಾಗುತ್ತಾನೆ. ಇದನ್ನು ಗಮನದಲ್ಲಿಟ್ಟು ಎಲ್ಲರೂ ಸಾಧನೆಯನ್ನು ಮಾಡಲು ಆರಂಭಿಸಬೇಕು !’ – ಸೌ. ಮಧುರಾ ಧನಂಜಯ ಕರ್ವೆ, ಮಹರ್ಷಿ ಅಧ್ಯಾತ್ಮ ವಿಶ್ವವಿದ್ಯಾಲಯ, ಗೋವಾ. (೨೮.೪.೨೦೨೨)