ಪ್ರವಾದಿಯವರ ಅವಮಾನದ ವಿವಾದ ಭಾರತದ ಅಂತರಿಕ ವಿಚಾರ! – ಬಾಂಗ್ಲಾ ದೇಶ

ಢಾಕಾ(ಬಾಂಗ್ಲಾದೇಶ)– ಪ್ರವಾದಿ ಮೊಹಮ್ಮದ ಅವರ ಕುರಿತು ಅವಹೇಳನಕಾರಿ ಹೇಳಿಕೆಯ ವಿವಾದವು ಭಾರತದ ಅಂತರಿಕ ವಿಷಯವಾಗಿದೆ. ಹಾಗಾಗಿ ಬಾಂಗ್ಲಾ ದೇಶ ಸರಕಾರ ಪ್ರತಿಕ್ರಿಯಿಸಲು ಯಾವುದೇ ಕಾರಣವಿಲ್ಲ. ಇದು ಬಾಂಗ್ಲಾದೇಶದ ಹೊರಗಿನ ವಿಷಯವಾಗಿದೆ. ಅದು ಭಾರತದ ಪ್ರಶ್ನೆಯೆ ಹೊರತು ಬಾಂಗ್ಲಾದೇಶದ ಪ್ರಶ್ನೆಯಲ್ಲ. ಈ ಬಗ್ಗೆ ನಾವು ಪ್ರತಿಕ್ರಿಯಿಸಲು ಬಯಸುವದಿಲ್ಲ ಎಂದು ಬಾಂಗ್ಲಾದೇಶದ ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವ ಹಸನ ಮಹಮೂದ ಹೇಳಿದ್ದಾರೆ. ಢಾಕಾದಲ್ಲಿ ಭಾರತೀಯ ಪತ್ರಕರ್ತರೊಂದಿಗೆ ಅನೌಪಚಾರಿಕ ಚರ್ಚೆಯ ಸಂದರ್ಭದಲ್ಲಿ ಅವರು ಈ ಹೇಳಿಕೆಯನ್ನು ನೀಡಿದ್ದಾರೆ. ಈ ವಿಷಯದಲ್ಲಿ ಸೂಕ್ತ ಕ್ರಮ ಕೈಗೊಂಡ ಭಾರತೀಯ ಅಧಿಕಾರಿಗಳಿಗೆ ಅಭಿನಂದನೆ ಸಲ್ಲಿಸಿದರು. ನಾವು ವಿವಾದವನ್ನು ಉಲ್ಬಣಗೊಳಿಸುವದಿಲ್ಲ ಎಂದು ಅವರು ಹೇಳಿದರು.

#Bangladesh Minister Hasan Mahmud has termed the row over remarks against Prophet Muhammad as ‘internal issue’. #Worldhttps://t.co/vbZ1FODpOL

— IndiaToday (@IndiaToday) June 13, 2022

ಇತರ ಇಸ್ಲಾಮಿಕ ರಾಷ್ಟ್ರಗಳು ಈ ವಿಷಯದಲ್ಲಿ ಭಾರತಕ್ಕೆ ತೀವ್ರವಾಗಿ ಪ್ರತಿಕ್ರಿಯಿಸಿರುವಾಗ ಬಾಂಗ್ಲಾ ದೇಶವು ರಾಜಿ ನೀತಿಯನ್ನು ಅನುಸರಿಸುತ್ತದೆಯೇ? ಎಂದು ಕೇಳಿದಾಗ ಮಹಮೂದರು ಮುಂದಿನಂತೆ ಹೇಳಿದರು, “ನಾವು ಪ್ರವಾದಿಯವರ ಅವಮಾನವನ್ನು ಎಂದಿಗೂ ಸಹಿಸುವದಿಲ್ಲ; ಅದರೆ ಭಾರತ ಸರಕಾರ ಈ ಬಗ್ಗೆ ಸೂಕ್ತ ಕ್ರಮ ಕೈಗೊಂಡಿದ್ದು ಅಲ್ಲಿನ ಕಾನೂನಿನಂತೆ ಮುಂದಿನ ಕ್ರಮ ಕೈಗೊಳ್ಳಲಾಗುವುದು. ಹಾಗಾಗಿ ಈ ವಿಚಾರದಲ್ಲಿ ಹೊಂದಾಣಿಕೆ ಮಾಡಿಕೊಳ್ಳುತ್ತಿದ್ದೇವೆ ಎಂದು ಹೇಳಲಾಗದು.