ಮುಖದ ಮೇಲೆ ತೊಂದರೆದಾಯಕ ಶಕ್ತಿಯ ಆವರಣವು ಅರಿವಾದರೆ ಅದಕ್ಕೆ ಮಾಡಬೇಕಾದ ಆಧ್ಯಾತ್ಮಿಕ ಸ್ತರದ ಉಪಾಯಗಳು

ಬಟ್ಟೆಗಳಲ್ಲಿ ತೊಂದರೆದಾಯಕ ಶಕ್ತಿಗಳು ಕಂಡುಬಂದಲ್ಲಿ ಮಾಡಬೇಕಾದ ಆಧ್ಯಾತ್ಮಿಕ ಉಪಾಯಗಳು !

೧. ಬಟ್ಟೆಗಳ ಮೇಲೆ ತೊಂದರೆದಾಯಕ(ಕಪ್ಪು) ಆವರಣವು ಬಂದಿದ್ದಲ್ಲಿ ಅಥವಾ ಬಟ್ಟೆಗಳಲ್ಲಿ ತೊಂದರೆದಾಯಕ ಕಪ್ಪು ಶಕ್ತಿ ಕಾರ್ಯನಿರತವಾಗಿದ್ದರೆ ಅದನ್ನು ಗುರುತಿಸುವ ವಿಧಾನ

೧ ಅ. ಬಟ್ಟೆಗಳ ಕಡೆಗೆ ನೋಡಿದಾಗ ‘ಅದನ್ನು ಧರಿಸಬಾರದು’ ಎಂಬ ವಿಚಾರ ಬರುವುದು ಅಥವಾ ಅದನ್ನು ನೋಡಿದಾಗ ಕಣ್ಣುಗಳು ಉರಿಯುವುದು, ತಲೆ ಸುತ್ತುವುದು, ವಾಂತಿಯಾಗುವುದು ಇತ್ಯಾದಿ ತೊಂದರೆಗಳು ಆಗಬಹುದು.

೧ ಆ. ಬಟ್ಟೆಗಳನ್ನು ಕೈಗೆತ್ತಿಕೊಂಡಾಗ ಕೈ ಭಾರ ಎನಿಸುವುದು, ಕೈ ನೋವಾಗುವುದು ಅಥವಾ ಬಟ್ಟೆಯ ಸ್ಪರ್ಶ ಬೇಡ ಎನಿಸುವಂತಹ ತೊಂದರೆಯಾಗುತ್ತವೆ.

೧ ಇ. ಬಟ್ಟೆಗಳಿಗೆ ದುರ್ಗಂಧ ಬರುವುದು, ಬಟ್ಟೆಗಳನ್ನು ಮಡಚಿಟ್ಟಾಗ ಅವುಗಳ ಅಂಚು ಅಸ್ಪಷ್ಟವಾಗಿ ಕಾಣಿಸುವುದು

೨. ಬಟ್ಟೆಗಳಲ್ಲಿನ ತೊಂದರೆದಾಯಕ ಶಕ್ತಿಯನ್ನು ನಾಶಗೊಳಿಸಲು ಮಾಡಬೇಕಾದ ಉಪಾಯಗಳು

೨ ಅ. ಬಟ್ಟೆಗಳನ್ನು ಕಲ್ಲುಪ್ಪು ಹಾಕಿದ ನೀರಿನಲ್ಲಿ ಕಡಿಮೆಪಕ್ಷ ಅರ್ಧದಿಂದ ೧ ಗಂಟೆಯ ವರೆಗೆ ನೆನೆಸಿಡಬೇಕು ಮತ್ತು ಅನಂತರ ಅದನ್ನು ಒಗೆದು ಒಣಗಿಸಬೇಕು.

೨ ಆ. ಬಟ್ಟೆಗಳಲ್ಲಿನ ತೊಂದರೆದಾಯಕ ಆವರಣ ಕಡಿಮೆಯಾಗದಿದ್ದಲ್ಲಿ ಸನಾತನದ ಸಾತ್ತ್ವಿಕ ಉತ್ಪಾದನೆ ‘ಸನಾತನ ಗೋಮೂತ್ರ ಅರ್ಕ’ ವನ್ನು ಅರ್ಧ ಬಕೆಟ್ ನೀರಿನಲ್ಲಿ ೨-೩ ಚಹಾ ಚಮಚದಷ್ಟು ಹಾಕಿ ಆ ನೀರಿನಲ್ಲಿ ಬಟ್ಟೆಗಳನ್ನು ಕಡಿಮೆಪಕ್ಷ ಅರ್ಧ ಗಂಟೆಯಿಂದ ೧ ಗಂಟೆ ವರೆಗೆ ನೆನೆಸಿಡಬೇಕು ಮತ್ತು ಅನಂತರ ಅದನ್ನು ಒಗೆದು ಬಿಸಿಲಿನಲ್ಲಿ ಒಣಗಿಸಬೇಕು.

೩. ಬಟ್ಟೆಗಳಲ್ಲಿನ ತೊಂದರೆದಾಯಕ ಶಕ್ತಿಗಳು ಹೆಚ್ಚಾಗಬಾರದು ಮತ್ತು ಅದನ್ನು ಭರಿತಗೊಳಿಸಲು ಬಟ್ಟೆಗಳಿಗೆ ನಿಯಮಿತವಾಗಿ ಮಾಡಬೇಕಾದ ಉಪಾಯಗಳು

೩ ಅ. ಬಟ್ಟೆಗಳಲ್ಲಿ ದೇವತೆಗಳ ನಾಮಪಟ್ಟಿಗಳು ಅಥವಾ ಸನಾತನದ ನಿರ್ಮಿತ ಕರ್ಪೂರವನ್ನು ಹಾಕಿಡಬೇಕು.

೩ ಆ. ಬಟ್ಟೆಗಳನ್ನು ೧೫-೨೦ ನಿಮಿಷಗಳು ಬಿಸಿಲಿನಲ್ಲಿಡಬೇಕು.

೩ ಆ. ಈ ರೀತಿ ಉಪಾಯಗಳನ್ನು ಮಾಡುವುದರಿಂದ ಬಟ್ಟೆಗಳಲ್ಲಿನ ತೊಂದರೆದಾಯಕ ಕಪ್ಪು ಶಕ್ತಿ ನಾಶವಾಗಿ ಅದರಲ್ಲಿ ಸಕಾರಾತ್ಮಕ ಶಕ್ತಿಯು ಕಾರ್ಯನಿರತವಾಗಲು ಸಹಾಯವಾಗುತ್ತದೆ.

– ಕು. ಮಧುರಾ ಭೋಸಲೆ (ಸೂಕ್ಷ್ಮದಿಂದ ಪಡೆದಿರುವ ಜ್ಞಾನ), ಸನಾತನ ಆಶ್ರಮ, ರಾಮನಾಥಿ, ಗೋವಾ.( ೩೧.೩.೨೦೨೨)

* ಆಧ್ಯಾತ್ಮಿಕ ತೊಂದರೆ : ಇದರರ್ಥ ವ್ಯಕ್ತಿಯಲ್ಲಿ ನಕಾರಾತ್ಮಕ ಸ್ಪಂದನಗಳಿರುವುದು. ವ್ಯಕ್ತಿಯಲ್ಲಿ ನಕಾರಾತ್ಮಕ ಸ್ಪಂದನಗಳು ಶೇ. ೫೦ ರಷ್ಟು ಅಥವಾ ಅದಕ್ಕಿಂತ ಹೆಚ್ಚು ಪ್ರಮಾಣದಲ್ಲಿರುವುದು ಎಂದರೆ ತೀವ್ರ ತೊಂದರೆ, ನಕಾರಾತ್ಮಕ ಸ್ಪಂದನಗಳು ಶೇ. ೩೦ ರಿಂದ ಶೇ ೪೯ ರಷ್ಟು ಇರುವುದು ಎಂದರೆ ಮಧ್ಯಮ ತೊಂದರೆ, ಶೇ. ೩೦ ಕ್ಕಿಂತ ಕಡಿಮೆಯಿರುವುದು ಅಂದರೆ ಮಂದ ಆಧ್ಯಾತ್ಮಿಕ ತೊಂದರೆ ಇರುವುದಾಗಿದೆ. ಆಧ್ಯಾತ್ಮಿಕ ತೊಂದರೆಯು ಪ್ರಾರಬ್ಧ, ಪೂರ್ವಜರ ತೊಂದರೆ ಇತ್ಯಾದಿ ಆಧ್ಯಾತ್ಮಿಕ ಸ್ತರದ ಕಾರಣಗಳಿಂದ ಆಗುತ್ತದೆ. ಆಧ್ಯಾತ್ಮಿಕ ತೊಂದರೆಗಳನ್ನು ಸಂತರು ಅಥವಾ ಸೂಕ್ಷ್ಮ ಸ್ಪಂದನಗಳನ್ನು ಅರಿಯುವ ಸಾಧಕರು ಕಂಡು ಹಿಡಿಯಬಲ್ಲರು.

* ಕೆಟ್ಟ ಶಕ್ತಿ: ವಾತಾವರಣದಲ್ಲಿ ಉತ್ತಮ ಹಾಗೂ ಕೆಟ್ಟ ಎರಡೂ ಶಕ್ತಿಗಳು ಕಾರ್ಯನಿರತವಾಗಿರುತ್ತವೆ. ಒಳ್ಳೆಯ ಶಕ್ತಿ ಒಳ್ಳೆಯ ಕಾರ್ಯಕ್ಕಾಗಿ ಮಾನವನಿಗೆ ಸಹಾಯ ಮಾಡುತ್ತವೆ ಹಾಗೂ ಕೆಟ್ಟ ಶಕ್ತಿಗಳು ಅವನಿಗೆ ತೊಂದರೆ ಕೊಡುತ್ತವೆ. ಹಿಂದಿನ ಕಾಲದಲ್ಲಿ ಋಷಿಮುನಿಗಳ ಯಜ್ಞಗಳಲ್ಲಿ ರಾಕ್ಷಸರು ವಿಘ್ನಗಳನ್ನು ತಂದಿರುವ ಅನೇಕ ಕಥೆಗಳು ವೇದ -ಪುರಾಣಗಳಲ್ಲಿ ಇರುತ್ತವೆ. ‘ಅಥರ್ವವೇದದಲ್ಲಿ ಅನೇಕ ಕಡೆಗಳಲ್ಲಿ ಕೆಟ್ಟ ಶಕ್ತಿ. ಉದಾ. ಅಸುರರು, ರಾಕ್ಷಸರು, ಪಿಶಾಚಿ ಇವರ ಪ್ರತಿಬಂಧದ ಮಂತ್ರಗಳನ್ನು ಹೇಳಲಾಗಿದೆ. ಕೆಟ್ಟ ಶಕ್ತಿಗಳ ತೊಂದರೆಯ ನಿವಾರಣೆಗಾಗಿ ವಿವಿಧ ಆಧ್ಯಾತ್ಮಿಕ ಉಪಾಯಗಳನ್ನು ವೇದ ಮತ್ತು ಧರ್ಮಗ್ರಂಥಗಳಲ್ಲಿ ಹೇಳಲಾಗಿದೆ.