ದಕ್ಷಿಣ ಆಫ್ರಿಕಾದಲ್ಲಿ ೧೭ ಸಾವಿರ ಹಿಂದೂಗಳಿಂದ ಒಂದೆಡೆ ಸೇರಿ ಹನುಮಾನ್ ಚಾಲೀಸಾ ಪಠಣ!

ಚಾಟ್ಸವರ್ತ್ (ದಕ್ಷಿಣ ಆಫ್ರಿಕಾ) – ‘ಚಿನ್ಮಯ ಮಿಷನ್ ದಕ್ಷಿಣ ಆಫ್ರಿಕಾ’ ವತಿಯಿಂದ ‘ಮ್ಯಾನ್ ಟು ಹನುಮಾನ್’ ಎಂಬ ಆಧ್ಯಾತ್ಮಿಕ ಕಾರ್ಯಕ್ರಮವನ್ನು ಇಲ್ಲಿ ಇತ್ತೀಚೆಗೆ ಆಯೋಜಿಸಲಾಗಿತ್ತು. ಆಫ್ರಿಕಾದ ಇತಿಹಾಸದಲ್ಲಿ ಇದು ಹಿಂದೂಗಳ ಇದುವರೆಗಿನ ಅತ್ಯಂತ ದೊಡ್ಡ ಸಮಾವೇಶವೆನಿಸಿಕೊಂಡಿತು. ಕಾರ್ಯಕ್ರಮದಲ್ಲಿ ೧೭ ಸಾವಿರಕ್ಕೂ ಹೆಚ್ಚು ಭಕ್ತರು ಒಂದೆಡೆ ಸೇರಿ ೨೭ ಬಾರಿ ಹನುಮಾನ್ ಚಾಲೀಸಾವನ್ನು ಪಠಿಸಿದರು ಎಂದು ‘ಚಿನ್ಮಯ ಮಿಷನ್’ನ ಶ್ರೀ. ಅಪರಾಜಿತ ಅಯ್ಯರ್ ಅವರು ‘ಸನಾತನ ಪ್ರಭಾತ’ದ ಪ್ರತಿನಿಧಿಗೆ ಮಾಹಿತಿ ನೀಡಿದರು.

‘ಚಿನ್ಮಯ ಮಿಷನ್ ದಕ್ಷಿಣ ಆಫ್ರಿಕಾ’ ಸಂಸ್ಥೆಯ ಆಧ್ಯಾತ್ಮಿಕ ಮುಖ್ಯಸ್ಥರಾದ ಪೂಜ್ಯ ಸ್ವಾಮಿ ಅಭೇದಾನಂದ ಸರಸ್ವತಿ ಅವರಿಗೆ ‘ಇಲ್ಲಿನ ಎಲ್ಲಾ ಹಿಂದೂಗಳನ್ನು ಭಾಷೆ, ಪ್ರಾಂತ, ಆರ್ಥಿಕ ಸ್ಥಿತಿ ಇತ್ಯಾದಿ ಎಲ್ಲಾ ಸಾಮಾಜಿಕ ಭೇದಭಾವಗಳನ್ನು ಬದಿಗೊತ್ತಿ ಒಂದೇ ಸೂರಿನಡಿ ಒಟ್ಟಿಗೆ ತರುವುದು’, ಎಂಬ ಕನಸಿತ್ತು.

ಈ ಕನಸು ಈ ಗೌರವಾನ್ವಿತ ಕಾರ್ಯಕ್ರಮದ ರೂಪದಲ್ಲಿ ಸಾಕಾರಗೊಂಡಿದೆ. ಈ ಕಾರ್ಯಕ್ರಮವನ್ನು ‘ಜಾಗತಿಕ ಚಿನ್ಮಯ ಮಿಷನ್’ನ ೭೫ ನೇ ವರ್ಷಾಚರಣೆಯ ನಿಮಿತ್ತವೂ ಆಯೋಜಿಸಲಾಗಿತ್ತು.