ದೇಶದ 3 ರಾಜ್ಯಗಳಲ್ಲಿ ಲವ್‌ ಜಿಹಾದ್‌ನ 4 ಘಟನೆಗಳು ಬೆಳಕಿಗೆ!

ನವಿ ದೆಹಲಿ – ದೇಶಾದ್ಯಂತ ವಿವಿಧ ರಾಜ್ಯಗಳಲ್ಲಿ ಲವ್‌ ಜಿಹಾದ್‌ನ 4 ಘಟನೆಗಳು ಮುನ್ನೆಲೆಗೆ ಬಂದಿವೆ. ಈ ಘಟನೆಗಳಲ್ಲಿ ಮತಾಂಧ ಮುಸ್ಲಿಂ ಯುವಕರು ಹಿಂದೂ ಯುವತಿಯರಿಗೆ ವಂಚಿಸಿರುವುದು, ಮತಾಂತರಕ್ಕಾಗಿ ಒತ್ತಡ ಹೇರಿರುವುದು ಹಾಗೂ ದೌರ್ಜನ್ಯ ಎಸಗಿರುವುದು ಬಹಿರಂಗಗೊಂಡಿದೆ.

1. ಜಾರ್ಖಂಡ್‌

ಜಾರ್ಖಂಡ್‌ನ ಪಲಾಮುವಿನಲ್ಲಿ ಅನ್ಸಾರಿ ಎಂಬ ಮುಸ್ಲಿಂ ಯುವಕನು, ಉತ್ತರ ಪ್ರದೇಶದ ಹಿಂದೂ ಯುವತಿಯೊಬ್ಬಳಿಗೆ ತನ್ನ ಹೆಸರು ‘ರಾಜಾ’ ಎಂದು ಹೇಳಿ ಪ್ರೇಮಜಾಲದಲ್ಲಿ ಸಿಲುಕಿಸಿಕೊಂಡನು. ಆತ ಮದುವೆಯ ಆಸೆ ತೋರಿಸಿ ಸಂತ್ರಸ್ತ ಹಿಂದೂ ಯುವತಿಯೊಂದಿಗೆ ದೈಹಿಕ ಸಂಬಂಧ ಬೆಳೆಸಿದನು. ನಂತರ ಆಕೆಯನ್ನು ಬೆದರಿಸಿ ಶೋಷಣೆ ನಡೆಸಲಾರಂಭಿಸಿದನು. ಅಮೆಜಾನ್‌ನಲ್ಲಿ ಕೆಲಸ ಮಾಡುತ್ತಿದ್ದ ಈ ಯುವತಿಗೆ ನಂತರ ನಿಜವಾದ ಪರಿಸ್ಥಿತಿ ತಿಳಿಯಿತು. ತದನಂತರ ಆಕೆ ಮಹಮ್ಮದ್‌ಗಂಜ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದಳು. ಈ ಕುರಿತು ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.

2. ಮಧ್ಯಪ್ರದೇಶ

ಬಾಲೆಹನ್ನೂರಿನ 15 ವರ್ಷದ ಅಪ್ರಾಪ್ತ ಹಿಂದೂ ಯುವತಿಯನ್ನು ಬಲವಂತವಾಗಿ ಅಪಹರಿಸಿ ವಿವಾಹವಾದ ಆರೋಪದ ಮೇಲೆ, ಅಸ್ಸಾಂನ ಹಬೀ ರೆಹಮಾನ್ (21) ಎಂಬ ಮುಸ್ಲಿಂ ಕಾರ್ಮಿಕನನ್ನು ಬಂಧಿಸಲಾಗಿದೆ. ಈ ಕುರಿತು ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.

3. ಉತ್ತರಾಖಂಡ

ಡೆಹ್ರಾಡೂನ್‌ನಲ್ಲಿ ‘ಲಿವ್‌-ಇನ್ ರಿಲೇಶನ್‌ಶಿಪ್‌’ನಲ್ಲಿ (ಪುರುಷ ಮತ್ತು ಸ್ತ್ರೀ ವಿವಾಹವಾಗದೆ ಒಟ್ಟಿಗೆ ವಾಸಿಸುವುದು) ಪತ್ತೆಯಾದ ಇಬ್ಬರು ಹಿಂದೂ ಕಾಲೇಜು ವಿದ್ಯಾರ್ಥಿನಿಯರನ್ನು ಪೊಲೀಸರು ಅವರ ಪೋಷಕರ ವಶಕ್ಕೆ ಒಪ್ಪಿಸಿದ್ದಾರೆ. ‘ಮೂವರು ಮುಸ್ಲಿಂ ಯುವಕರು ಈ ಯುವತಿಯರನ್ನು ಆಮಿಷವೊಡ್ಡಿ ಅಪಹರಿಸಿದ್ದರು. ಮುಸ್ಲಿಂ ಯುವಕರು ಅವರ ಅಶ್ಲೀಲ ವಿಡಿಯೋಗಳನ್ನು ತಯಾರಿಸಿ, ಬೆದರಿಸಿ ಮತಾಂತರ ಮಾಡಲು ಯತ್ನಿಸಿದ್ದರು’ ಎಂದು ಭಜರಂಗದಳ ಆರೋಪಿಸಿದೆ. ಆರೋಪಿ ಯುವಕರ ಮೊಬೈಲ್‌ಗಳಲ್ಲಿ ಈ ಯುವತಿಯರ ಅಶ್ಲೀಲ ವಿಡಿಯೋಗಳು ಮತ್ತು ಹಿಜಾಬ್ (ಮುಸ್ಲಿಂ ಮಹಿಳೆಯರು ತಲೆ ಮತ್ತು ಕುತ್ತಿಗೆಯನ್ನು ಮುಚ್ಚಿಕೊಳ್ಳುವ ವಸ್ತ್ರ) ಧರಿಸಿರುವ ಫೋಟೋಗಳು ಪತ್ತೆಯಾಗಿವೆ ಎಂದು ವರದಿಯಾಗಿದೆ. ಪೊಲೀಸರು ಈ ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ.