ದೇಶದಲ್ಲಿ 'ಲವ್ ಜಿಹಾದ್' ವಿರುದ್ಧ ಕಠಿಣ ಕಾನೂನು ತನ್ನಿ: ಮುತಾಲಿಕ್ - 'Love Jihad' Trap in Hubballi

ಮುಸ್ಲಿಂ ಯುವಕರು ಸಿಹಿ ಮಾತುಗಳಿಂದ ಬಲೆಗೆ ಬೀಳಿಸುತ್ತಾರೆ! – ‘ಲವ್ ಜಿಹಾದ್’ನಿಂದ ಪಾರಾದ ಹಿಂದೂ ಯುವತಿಯರ ಅಳಲು
ಹುಬ್ಬಳ್ಳಿಯಲ್ಲಿ ‘ಲವ್ ಜಿಹಾದ್’ ಕುರಿತು ಪತ್ರಿಕಾಗೋಷ್ಠಿ!

ಹುಬ್ಬಳ್ಳಿ – ದೇಶದಲ್ಲಿ ಮತ್ತು ರಾಜ್ಯದಲ್ಲಿ ಅನೇಕ ಹಿಂದೂ ಯುವತಿಯರು ನಾಪತ್ತೆಯಾಗುತ್ತಿದ್ದಾರೆ. ನಾಪತ್ತೆಯಾದವರನ್ನು ‘ಲವ್ ಜಿಹಾದ್’ಗಾಗಿ ಬಳಸಿಕೊಳ್ಳಲಾಗುತ್ತಿದೆ. ಆದ್ದರಿಂದ ದೇಶದಲ್ಲಿ ‘ಲವ್ ಜಿಹಾದ್’ ವಿರುದ್ಧ ಕಠಿಣ ಕಾನೂನನ್ನು ಜಾರಿಗೆ ತರಬೇಕು ಎಂದು ಶ್ರೀರಾಮ ಸೇನೆಯ ಮುಖ್ಯಸ್ಥ ಪ್ರಮೋದ್ ಮುತಾಲಿಕ್ ಒತ್ತಾಯಿಸಿದರು.

Demand for Stringent Laws Against ‘Love Jihad’ – Pramod Mutalik (@PramodMuta39880), Chief of Sri Ram Sena

At a press conference in Hubballi, Hindu girls who escaped the trap of ‘Love Jihad’ shared their painful experiences, revealing how Muslim youths lure victims with sweet… pic.twitter.com/lehDJC243i

— Sanatan Prabhat (@SanatanPrabhat) March 7, 2026

ಹುಬ್ಬಳ್ಳಿಯಲ್ಲಿ ನಡೆದ ‘ಲವ್ ಜಿಹಾದ್’ ಆರೋಪಗಳ ಕುರಿತಾದ ಪತ್ರಿಕಾಗೋಷ್ಠಿಯಲ್ಲಿ ಅವರು ಮಾತನಾಡುತ್ತಿದ್ದರು. “ಲವ್ ಜಿಹಾದ್ ಹಿಂದೆ ಕೇವಲ ಪ್ರೇಮವಿಲ್ಲ, ಬದಲಿಗೆ ಭಾರತವನ್ನು ಇಸ್ಲಾಮಿಕ್ ರಾಷ್ಟ್ರವನ್ನಾಗಿ ಮಾಡುವ ಸಂಚಿದೆ” ಎಂದು ಅವರು ಆರೋಪಿಸಿದರು. ಪ್ರಮೋದ್ ಮುತಾಲಿಕ್ ನೇತೃತ್ವದಲ್ಲಿ ನಡೆದ ಈ ಕಾರ್ಯಕ್ರಮದಲ್ಲಿ ‘ಲವ್ ಜಿಹಾದ್’ ಜಾಲದಿಂದ ಪಾರಾದ ಕೆಲವು ಹಿಂದೂ ಸಂತ್ರಸ್ತ ಯುವತಿಯರು ತಮ್ಮ ಅನುಭವಗಳನ್ನು ಹಂಚಿಕೊಂಡರು. “ಮುಸ್ಲಿಂ ಯುವಕರು ಸಿಹಿ ಮಾತುಗಳನ್ನಾಡಿ ಹಿಂದೂ ಯುವತಿಯರನ್ನು ಬಲೆಗೆ ಬೀಳಿಸುತ್ತಾರೆ” ಎಂದು ಓರ್ವ ಸಂತ್ರಸ್ತೆ ತಿಳಿಸಿದರು.

ಸಂತ್ರಸ್ತ ಯುವತಿಯರ ಅನುಭವದ ನುಡಿಗಳು

ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಕೆಲವು ಹಿಂದೂ ಯುವತಿಯರು, “ಮುಸ್ಲಿಂ ಯುವಕರು ಮೊದಲು ಪರಿಚಯ ಮಾಡಿಕೊಳ್ಳುತ್ತಾರೆ. ಸಿಹಿ ಮಾತುಗಳಿಂದ ಆಪ್ತರಾಗುತ್ತಾರೆ ಮತ್ತು ನಂತರ ‘ನೀನು ನನ್ನನ್ನು ಮದುವೆಯಾದರೆ ಮತಾಂತರಗೊಳ್ಳುವ ಅಗತ್ಯವಿಲ್ಲ, ಬುರ್ಖಾ ಧರಿಸುವ ಅಗತ್ಯವೂ ಇಲ್ಲ, ನೀನು ರಾಣಿಯಂತೆ ಸುಖವಾಗಿ ಇರಬಹುದು’ ಎಂದು ನಂಬಿಸುತ್ತಾರೆ. ಅವರು ಸಿಹಿ ಮಾತುಗಳಿಂದ ನಮ್ಮ ಮನವೊಲಿಸಲು ಪ್ರಯತ್ನಿಸಿದರು. ನಮ್ಮ ಪೋಷಕರು ಮತ್ತು ಮನೆಯವರ ಬಗ್ಗೆ ನಮಗೆ ದ್ವೇಷ ಬರುವಂತೆ ಮಾತನಾಡುತ್ತಿದ್ದರು. ಆದರೆ ನಂತರ ಇದೆಲ್ಲವೂ ವಂಚನೆ ಎಂಬುದು ನಮಗೆ ಅರಿವಾಯಿತು. ಹಾಗಾಗಿ ನಾವು ‘ಲವ್ ಜಿಹಾದ್’ ಬಲೆಯಿಂದ ಹೊರಬಂದೆವು” ಎಂದು ತಮ್ಮ ನೋವನ್ನು ವ್ಯಕ್ತಪಡಿಸಿದರು.

ಇದೇ ಸಂದರ್ಭದಲ್ಲಿ ನೇಹಾ ಹಿರೇಮಠ ಹತ್ಯೆ ಪ್ರಕರಣದ ಬಗ್ಗೆ ಮಾತನಾಡಿದ ಆಕೆಯ ತಂದೆ ನಿರಂಜನ್ ಹಿರೇಮಠ ಅವರು, “‘ಲವ್ ಜಿಹಾದ್’ ಯೋಜಿತ ರೀತಿಯಲ್ಲಿ ನಡೆಯುತ್ತಿದೆ. ನೇಹಾಳನ್ನು ಕೊಂದವರಿಗೆ ಇಂದು ಜೈಲಿನಲ್ಲಿ ಅತಿ ಗಣ್ಯ ವ್ಯಕ್ತಿಗಳಂತೆ (VVIP) ಸತ್ಕಾರ ಸಿಗುತ್ತಿದೆ. ಅವರಿಗೆ ಬಿರಿಯಾನಿ ನೀಡಲಾಗುತ್ತಿದೆ. ನೇಹಾಗೆ ಇನ್ನೂ ನ್ಯಾಯ ಸಿಕ್ಕಿಲ್ಲ” ಎಂದು ಬೇಸರ ವ್ಯಕ್ತಪಡಿಸಿದರು. ಈ ಪ್ರಕರಣವನ್ನು ‘ಸಿಬಿಐ’ (CBI) ಅಥವಾ ‘ಎನ್.ಐ.ಎ’ (NIA) ಗೆ ಒಪ್ಪಿಸಬೇಕು ಎಂದು ಹಿರೇಮಠ ಅವರು ಆಗ್ರಹಿಸಿದರು.