ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆ ಅವರ ಅಮೂಲ್ಯ ಮಾರ್ಗದರ್ಶನ

೧. ಸಾಧನೆಯ ಆರಂಭಿಕ ಹಂತದಲ್ಲಿ ವ್ಯಕ್ತಿಯು ಯೋಗ್ಯ ಮತ್ತು ಅಯೋಗ್ಯದಲ್ಲಿರುವ ಭೇದವನ್ನು ಇನ್ನೊಬ್ಬರಿಗೆ ಕೇಳಬೇಕು !

ಒಂದೊಮ್ಮೆ ನಿಮಗೆ ಒಳಗಿನಿಂದ ಮಾರ್ಗದರ್ಶನ ಸಿಗುತ್ತಿದ್ದರೆ, ‘ಆ ಮಾರ್ಗದರ್ಶನ ಯಾರು ಮಾಡುತ್ತಿದ್ದಾರೆ ? ಎನ್ನುವುದು ಆರಂಭಿಕ ಹಂತದಲ್ಲಿ ನಿಮಗೆ ಗೊತ್ತಿರುವುದಿಲ್ಲ. ನಿಮಗೆ ಸಿಗುತ್ತಿರುವ ಮಾರ್ಗದರ್ಶನ ‘ಸತ್ಯವೋ ಅಥವಾ ಅಸತ್ಯವೋ ?’ ಅನ್ನುವುದು ಯಾರಿಗೂ ಕೇಳಲು ಸಾಧ್ಯವಾಗದಿದ್ದರೆ, ಸಿಕ್ಕಿರುವ ಮಾರ್ಗದರ್ಶನವನ್ನು ನೀವೇ ೨-೩ ಬಾರಿ ಆಚರಣೆ ಮಾಡಿ ನೋಡಿ. ಅದರಿಂದ ಸಕಾರಾತ್ಮಕ ಪರಿಣಾಮವಾದರೆ, ಅದರಂತೆ ಪ್ರಯತ್ನ ಮುಂದುವರೆಸಿ; ಆದರೆ ಪರಿಣಾಮ ನಕಾರಾತ್ಮಕವಾಗಿದ್ದರೆ ಆ ಮಾರ್ಗದರ್ಶನ ಅಲ್ಲೇ ಮರೆತುಬಿಡಿ. ಯಾರಾದರು ವ್ಯಕ್ತಿ ಅಥವಾ ಸಾಧಕನಿಗೆ ಕೇಳಿ ನೀವು ಆ ಮಾರ್ಗದರ್ಶದ ಸತ್ಯವನ್ನು ಪರಿಶೀಲಿಸಿ ಅದರಂತೆ ಕೃತಿ ಮಾಡಬಹುದು. ಸಾಧನೆಯ ಆರಂಭಿಕ ಹಂತದಲ್ಲಿ ಯೋಗ್ಯ ಮತ್ತು ಅಯೋಗ್ಯದಲ್ಲಿನ ಭೇದ ಗುರುತಿಸುವ ಕ್ಷಮತೆ ನಿಮ್ಮಲ್ಲಿ ಇರುವುದಿಲ್ಲ. ಆದ್ದರಿಂದ ಬೇರೆಯವರಿಗೆ ಕೇಳುವುದು ಉತ್ತಮವಾಗಿದೆ. ಅದರಿಂದ ನೀವು ಸರಿಯಾದ ಮಾರ್ಗದಲ್ಲಿ ಇರುತ್ತೀರಿ. ನಿಮಗೆ ಸಿಗುವ ಮಾರ್ಗದರ್ಶನದಂತೆ ನೇರವಾಗಿ ಕೃತಿ ಮಾಡಬೇಡಿ. ಏಕೆಂದರೆ ಸಾಧನೆಯ ಆರಂಭದ ಹಂತದಲ್ಲಿ ಒಂದೊಮ್ಮೆ ನೀವು ಒಳಗಿನಿಂದ ಸಿಗುವ ಮಾರ್ಗದರ್ಶನವನ್ನು ಕೇಳಲು ಪ್ರಾರಂಭಿಸಿದಾಗ, ಕೆಟ್ಟ ಶಕ್ತಿಗಳು ಅದರಲ್ಲಿ ಹಸ್ತಕ್ಷೇಪ ಮಾಡಬಹುದು. ‘ಪ.ಪೂ. ಭಕ್ತರಾಜ ಮಹರಾಜರೇ ನಿಮಗೆ ಮಾರ್ಗದರ್ಶನ ಮಾಡುತ್ತಿದ್ದಾರೆ’, ಎಂದು ಕೆಟ್ಟ ಶಕ್ತಿ ನಿಮಗೆ ಆಭಾಸ ಮಾಡಬಹುದು. ಆದ್ದರಿಂದ ಪ್ರತಿಬಾರಿ ವಸ್ತುನಿಷ್ಠವಾಗಿ ‘ನನಗೆ ಈ ರೀತಿಯಾಗಿ ಮಾರ್ಗದರ್ಶನ ಸಿಕ್ಕಿದೆ, ಅದರಂತೆ ನಾನು ಆಚರಣೆ ಮಾಡಲೋ ಅಥವಾ ಬೇಡ’ ಎಂದು ಯಾರಿಗಾದರು ಕೇಳುವುದು ಒಳ್ಳೆಯದು.

೨. ಸಾಧನೆಯಲ್ಲಿ ಪ್ರಗತಿ ಆದ ಮೇಲೆ ವ್ಯಕ್ತಿಯ ಮನೋಲಯ ಆಗುವುದರಿಂದ ಅವನ ಮನಸ್ಸಿನಲ್ಲಿ ಬರುವ ಪ್ರತಿಯೊಂದು ವಿಚಾರವು ದೇವರ ವಿಚಾರ ಆಗಿರುತ್ತದೆ. ಆ ವ್ಯಕ್ತಿಗೆ ಯಾವುದೇ ಪ್ರಶ್ನೆ ಕೇಳಿದರೂ, ಅವನಿಗೆ ನೇರವಾಗಿ ವಿಶ್ವಬುದ್ಧಿಯಿಂದ ಉತ್ತರ ಸಿಗುತ್ತದೆ

ಒಮ್ಮೆ ನಿಮ್ಮ ಮನೋಲಯವಾದರೆ ನಂತರ ಮನಸ್ಸಿನಲ್ಲಿ ಬರುವ ಪ್ರತಿಯೊಂದು ವಿಚಾರ ದೇವರ ವಿಚಾರ ಆಗಿರುತ್ತದೆ. ಮೊದಲಿಗೆ ನಮ್ಮ ಮನಸ್ಸಿನಲ್ಲಿ ಬರುವ ವಿಚಾರಗಳು ‘ದೇವರ ಪ್ರೇರಣೆಯಿಂದ’, ಬಂದಿವೆ ಎಂದು ಅನಿಸುತ್ತದೆ. ಆದರೆ ಹಾಗಿರುವುದಿಲ್ಲ. ಅಧ್ಯಾತ್ಮದಲ್ಲಿ ಏನು ಆಗುತ್ತೆ ? ಯಾವಾಗ ನೀವು ತಳಮಳದಿಂದ ಸಾಧನೆ ಮಾಡಿ ಆಧ್ಯಾತ್ಮಿಕ ಪ್ರಗತಿ ಮಾಡುತ್ತೀರ, ‘ಇಂದಲ್ಲ ನಾಳೆ ಈ ದೇಹ ಇಲ್ಲೇ ಬಿಟ್ಟು ಹೋಗುವುದಿದೆ’, ಈ ವಿಚಾರ ಬಂದು ನಿಮಗೆ ಈ ದೇಹದ ಚಿಂತೆ ಅನಿಸುವುದಿಲ್ಲ, ಆಗ ಮೊದಲ ಹಂತದಲ್ಲಿ ನಿಧಾನವಾಗಿ ವ್ಯಕ್ತಿಯ ಮನೋಲಯ ಆಗಲು ಆರಂಭವಾಗುತ್ತದೆ. ಯಾವಾಗ ವ್ಯಕ್ತಿ ಶೇ. ೬೦ ರಷ್ಟು ಆಧ್ಯಾತ್ಮಿಕ ಮಟ್ಟ ಪಡೆಯುತ್ತಾನೋ, ಆಗ ಮನೋಲಯದ ವೇಗ ಹೆಚ್ಚುತ್ತದೆ. ಸಾಧನೆಯಲ್ಲಿ ಮನೋಲಯವು ಏಕೆ ಮಹತ್ವದ್ದಾಗಿದೆ ?

ಸಾಧನೆಗೆ ಆರಂಭ ಮಾಡಿದ ವ್ಯಕ್ತಿಯು ಸ್ವಭಾವದೋಷ ಮತ್ತು ಅಹಂ ನಿರ್ಮೂಲನೆಯ ಪ್ರಕ್ರಿಯೆ ಮಾಡುತ್ತಾನೆ, ಆಗ ಕ್ರಮೇಣ ಮನೋಲಯವಾಗಲು ಆರಂಭವಾಗಿಯೇ ಇರುತ್ತದೆ. ಆಗ ಅವನಿಗೆ ಆಧ್ಯಾತ್ಮಿಕ ಪ್ರಗತಿಯ ಬಗ್ಗೆ ಚಿಂತೆ ಮಾಡುವ ಅವಶ್ಯಕತೆ ಇಲ್ಲ; ಹೀಗಿದ್ದರೂ ವ್ಯಕ್ತಿಯ ಮನಸ್ಸು ಕಾರ್ಯನಿರತವಾಗಿರುತ್ತದೆ. ಆದ್ದರಿಂದ ಯಾವಾಗ ವ್ಯಕ್ತಿಯ ಮನೋಲಯವಾಗುತ್ತದೆ, ಆಗ ವ್ಯಕ್ತಿಗೆ ವಿಶ್ವಮನಸ್ಸಿನ ಜೊತೆ ಅಂದರೆ ದೇವರ ಮನಸ್ಸಿನ ಜೊತೆಗೆ ಸಂವಾದ ಸಾಧಿಸಲು ಬರುತ್ತದೆ. ಅದೇರೀತಿ ಉಚ್ಚ ಆಧ್ಯಾತ್ಮಿಕ ಮಟ್ಟ ತಲುಪಿದ ಮೇಲೆ ನಿಮ್ಮ ಬುದ್ಧಿಯ ಲಯವಾಗಿ ನಿಮ್ಮ ಬುದ್ಧಿ ದೇವರ ಬುದ್ಧಿಯ ಜೊತೆಗೆ ಅಂದರೆ ವಿಶ್ವಬುದ್ಧಿಯ ಜೊತೆಗೆ ಏಕರೂಪವಾಗುತ್ತದೆ. ನಂತರ ಆ ವ್ಯಕ್ತಿಗೆ ಯಾರು ಯಾವುದೇ ಪ್ರಶ್ನೆ ಕೇಳಿದರೂ, ಅವನಿಗೆ ನೇರವಾಗಿ ವಿಶ್ವಬುದ್ಧಿಯಿಂದ ಉತ್ತರ ಸಿಗುತ್ತದೆ.

– ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆ