ನನ್ನ ಮೇಲೆ ಹಲ್ಲೆಯ ಯತ್ನ ನಡೆದರೆ ಇರಾನ್ ಅನ್ನು ಭೂಮಿಯಿಂದಲೇ ನಾಶ ಮಾಡುತ್ತೇವೆ! – ಡೊನಾಲ್ಡ್ ಟ್ರಂಪ್ ಅವರಿಂದ ಬೆದರಿಕೆ

ವಾಷಿಂಗ್ಟನ್ ಡಿಸಿ (ಅಮೆರಿಕ) – ನನ್ನ ಮೇಲೆ ಮಾರಣಾಂತಿಕ ದಾಳಿಗೆ ಪ್ರಯತ್ನ ನಡೆದರೆ, ಅಯತೊಲ್ಲಾ ಅಲಿ ಖಾಮೇನಿ ಸೇರಿದಂತೆ ಇಡೀ ಇರಾನ್ ರಾಷ್ಟ್ರವನ್ನು ಅಮೆರಿಕವು ಭೂಮಿಯಿಂದಲೇ ಅಳಿಸಿ ಹಾಕಲಿದೆ ಎಂದು ಅಮೆರಿಕದ ರಾಷ್ಟ್ರಾಧ್ಯಕ್ಷ ಡೊನಾಲ್ಡ್ ಟ್ರಂಪ್ ಬೆದರಿಕೆ ಹಾಕಿದ್ದಾರೆ.

ಇರಾನ್ ಸಶಸ್ತ್ರ ಪಡೆಗಳ ವಕ್ತಾರ ಜನರಲ್ ಅಬೋಲ್ಫಜಲ್ ಶೆಕರ್ಚಿ ಅವರು, “ನಮ್ಮ ಪರಮೋಚ್ಚ ನಾಯಕನ ವಿರುದ್ಧ ಯಾರಾದರೂ ಆಕ್ರಮಣಕಾರಿ ರೀತಿಯಲ್ಲಿ ಕೈ ಹಾಕಿದರೆ, ನಾವು ಅಂತಹವರ ಕೈಗಳನ್ನು ಕತ್ತರಿಸುತ್ತೇವೆ. ಅಲ್ಲದೆ ಅವರ ಜಗತ್ತಿಗೆ ನಾವು ಬೆಂಕಿ ಹಚ್ಚುತ್ತೇವೆ” ಎಂದು ಹೇಳಿಕೆ ನೀಡಿದ್ದರು. ಈ ಹೇಳಿಕೆಗೆ ಪ್ರತಿಕ್ರಿಯೆಯಾಗಿ ಟ್ರಂಪ್ ಈ ಮೇಲಿನ ಎಚ್ಚರಿಕೆಯನ್ನು ನೀಡಿದ್ದಾರೆ.