ಢಾಕಾ (ಬಾಂಗ್ಲಾದೇಶ)ದಲ್ಲಿ ಬಾಂಬ್ ಸ್ಫೋಟ: ಒಬ್ಬ ಸಾವು Bangladesh Dhaka Bomb Blast

ಢಾಕಾ (ಬಾಂಗ್ಲಾದೇಶ) – ಇಲ್ಲಿ ಡಿಸೆಂಬರ್ ೨೪ ರಂದು ಅಪರಿಚಿತ ವ್ಯಕ್ತಿಗಳು ಎಸೆದ ಬಾಂಬ್‌ನಿಂದಾಗಿ ಒಬ್ಬ ಯುವಕ ಮೃತಪಟ್ಟಿದ್ದಾನೆ. ಈಗಾಗಲೇ ಉದ್ವಿಗ್ನಗೊಂಡಿರುವ ನಗರದ ವಾತಾವರಣದಲ್ಲಿ ಈ ಘಟನೆಯಿಂದ ಉದ್ವಿಗ್ನತೆ ಇನ್ನಷ್ಟು ಹೆಚ್ಚಾಗಿದೆ. ಸ್ಥಳೀಯ ಸುದ್ದಿ ಸಂಸ್ಥೆಗಳ ಮಾಹಿತಿಯ ಪ್ರಕಾರ ಮೃತ ಯುವಕನ ಹೆಸರು ಸಿಯಾಮ್ ಎಂದಿದೆ. ಆತ ರಸ್ತೆ ಬದಿಯ ಚಹಾ ಅಂಗಡಿಯಲ್ಲಿ ಕುಳಿತಿದ್ದಾಗ ಮೇಲ್ಸೇತುವೆಯಿಂದ ಬಾಂಬ್ ಎಸೆಯಲಾಗಿದೆ. ನೆಲದ ಮೇಲೆ ಬಿದ್ದ ತಕ್ಷಣವೇ ಆದ ಸ್ಫೋಟದಲ್ಲಿ ಸಿಯಾಮ್ ತೀವ್ರವಾಗಿ ಗಾಯಗೊಂಡನು. ಆತನನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಯಿತು; ಆದರೆ ಅವನು ಅಲ್ಲಿಯೇ ಮೃತಪಟ್ಟನು.