ಅಮೆರಿಕ ಈಗ ‘ಬ್ರಾಂಡೆಡ್’ ಔಷಧಿಗಳ ಮೇಲೆ ಶೇ‌.100 ರಷ್ಟು ತೆರಿಗೆ ವಿಧಿಸಲಿದೆ! : Trump Pharma Tariff

(ಬ್ರಾಂಡೆಡ್ ಎಂದರೆ ಹೆಸರಾಂತ)

ವಾಷಿಂಗ್ಟನ್ (ಅಮೆರಿಕ) – ಆಮದು ಸುಂಕವನ್ನು ಹೆಚ್ಚಿಸಿದ ನಂತರ, ಈಗ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಬ್ರಾಂಡೆಡ್ (ಹೆಸರಾಂತ) ಅಥವಾ ಪೇಟೆಂಟ್ (ಒಂದು ಆವಿಷ್ಕಾರಕ್ಕಾಗಿ ಸರಕಾರದಿಂದ ನೀಡಲಾಗುವ ಕಾನೂನು ಹಕ್ಕು) ಮಾಡಿದ ಔಷಧಿಗಳ ಮೇಲೆ ಶೇ. 100 ರಷ್ಟು ತೆರಿಗೆ ವಿಧಿಸುವುದಾಗಿ ಘೋಷಿಸಿದ್ದಾರೆ. ಈ ತೆರಿಗೆಯು ಅಕ್ಟೋಬರ್ 1, 2025 ರಿಂದ ಜಾರಿಗೆ ಬರಲಿದೆ. ಅಮೆರಿಕದಲ್ಲಿ ತಮ್ಮದೇ ಆದ ಔಷಧ ಕಾರ್ಖಾನೆಗಳನ್ನು ಸ್ಥಾಪಿಸುವ ಸಂಸ್ಥೆಗಳಿಗೆ ಈ ತೆರಿಗೆ ಅನ್ವಯಿಸುವುದಿಲ್ಲ.

ಭಾರತವು ಅಮೆರಿಕಕ್ಕೆ ಜೆನೆರಿಕ್ (Generic) ಔಷಧಿಗಳ (ಇವು ಬ್ರಾಂಡೆಡ್ ಔಷಧಿಗಳಂತೆಯೇ ಸಕ್ರಿಯ ಘಟಕಾಂಶಗಳನ್ನು ಹೊಂದಿರುತ್ತವೆ, ಅದೇ ರೀತಿಯಲ್ಲಿ ಕೆಲಸ ಮಾಡುತ್ತವೆ ಮತ್ತು ಸಮಾನ ಫಲಿತಾಂಶ ನೀಡುತ್ತವೆ) ಅತಿದೊಡ್ಡ ರಫ್ತುದಾರ ಆಗಿದೆ. 2024 ರಲ್ಲಿ ಭಾರತವು ಅಂದಾಜು 77 ಸಾವಿರ ಕೋಟಿ ರೂಪಾಯಿ ಮೌಲ್ಯದ ಔಷಧಿಗಳನ್ನು ಅಮೆರಿಕಕ್ಕೆ ಕಳುಹಿಸಿದೆ, ಇದು ಭಾರತದ ಒಟ್ಟು ಔಷಧ ರಫ್ತಿನ ಅಂದಾಜು ಶೇ‌ 31 ರಷ್ಟು ಆಗಿದೆ.

ಅಮೆರಿಕದ ವೈದ್ಯರು ಬರೆಯುವ ಪ್ರತಿ 10 ಪ್ರಿಸ್ಕ್ರಿಪ್ಷನ್‌ ಗಳಲ್ಲಿ (ಆಧುನಿಕ ವೈದ್ಯರು ರೋಗಿಗಳಿಗೆ ಬರೆದುಕೊಡುವ ಔಷಧಿಗಳ ಪಟ್ಟಿ) ಸುಮಾರು 4 ಪ್ರಿಸ್ಕ್ರಿಪ್ಷನ್‌ ಗಳಲ್ಲಿ ಭಾರತೀಯ ಸಂಸ್ಥೆಗಳು ತಯಾರಿಸಿದ ಔಷಧಿಗಳನ್ನು ಬರೆದಿರುತ್ತಾರೆ.