ಗುರುದೇವರ ಮಂದಹಾಸದಿಂದ ತುಂಬಿದ ಕೃತಜ್ಞತೆಯ ಸುರಿಮಳೆ !

ಸಾಧಕರಿಗೆ ಗುರುದೇವರ ದರ್ಶನದ ಹಂಬಲವಿರುತ್ತದೆ ಮತ್ತು ಗುರುದೇವರಿಗೆ, ಅಂದರೆ ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆಯವರಿಗೂ ಸಾಧಕರನ್ನು ಭೇಟಿಯಾಗುವ ತವಕವಿರುತ್ತದೆ. ಅವರಿಗೆ ‘ಸಾಧಕ’ರೇ ಸರ್ವಸ್ವ. ಸನಾತನ ರಾಷ್ಟ್ರ ಶಂಖನಾದ ಮಹೋತ್ಸವದಲ್ಲಿ ಇವೆರಡೂ ಸಾಧ್ಯವಾದವು. ‘ನನ್ನ ಸಾಧಕರು’ ಎಂದು ಗುರುದೇವರು ಹಕ್ಕಿನಿಂದ ಹೇಳಿದರೆ, ‘ನನ್ನ ಗುರುದೇವರು’ ಎಂದು ಹೇಳುವಾಗ ಸಾಧಕರಿಗೆ ಭಾವಾಶ್ರು ಗಳನ್ನು ತಡೆಯಲಾಗುವುದಿಲ್ಲ.

ಬಹಳಷ್ಟು ದಣಿವು ಮತ್ತು ಅನಾರೋಗ್ಯದಲ್ಲಿಯೂ ಸಾಧಕರ ಪ್ರೀತಿಗಾಗಿ ಅವರು ಗೋವಾ ದಲ್ಲಿ ೧೭ ರಿಂದ ೧೯ ಮೇ ೨೦೨೫ ರ ವರೆಗೆ ನಡೆದ ಸನಾತನ ರಾಷ್ಟ್ರ ಶಂಖನಾದ ಮಹೋತ್ಸವದಲ್ಲಿ ೩ ದಿನವೂ ಉಪಸ್ಥಿತರಿದ್ದರು. ಅವರನ್ನು ಕಂಡು ಎಲ್ಲ ಸಾಧಕರು ಭಾವಾವಸ್ಥೆ ಅನುಭವಿಸುತ್ತಿದ್ದರು. ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆಯವರ ಮುಖಮಂಡಲದ ಮೇಲಿನ ಆನಂದ ಕಂಡು ಸಾಧಕರ ಭಾವಾಶ್ರು ಸುರಿಯುತ್ತಿದ್ದರೆ, ಗುರುಗಳ ನಿರಂತರ ಕೃತಜ್ಞತಾಪೂರ್ವಕ ನಮಸ್ಕಾರದ ಮುದ್ರೆಯು ಸಾಧಕರಿಗೆ ಬಹಳಷ್ಟನ್ನು ಕಲಿಸುತ್ತಿತ್ತು.