Kazakhstan Burqa Ban : ಮುಸ್ಲಿಂ ಬಾಹುಳ್ಯದ ಕಝಾಕಿಸ್ತಾನ್‌ನಲ್ಲಿ ಮಹಿಳೆಯರಿಗೆ ಬುರ್ಖಾ ನಿಷೇಧ!

(ಬುರ್ಖಾ ಎಂದರೆ ಇಡೀ ದೇಹವನ್ನು ಮುಚ್ಚುವ ಉಡುಪು)

ಅಸ್ತಾನಾ – ಕಝಾಕಿಸ್ತಾನ್‌ನಲ್ಲಿ ಇತ್ತೀಚೆಗೆ ಅಂಗೀಕರಿಸಿದ ಹೊಸ ಕಾನೂನಿನ ಪ್ರಕಾರ, ಮಹಿಳೆಯರು ಸಾರ್ವಜನಿಕ ಸ್ಥಳಗಳಲ್ಲಿ ಬುರ್ಖಾ ಅಥವಾ ಮುಖವನ್ನು ಮುಚ್ಚುವ ಬಟ್ಟೆಗಳನ್ನು ಧರಿಸುವಂತಿಲ್ಲ. ಕಝಾಕಿಸ್ತಾನದ ಅಧ್ಯಕ್ಷ ಕಾಸಿಮ್-ಜೋಮಾರ್ಟ್ ಟೊಕಾಯೆವ್ ಇತ್ತೀಚೆಗೆ ಈ ಕಾನೂನಿಗೆ ಸಹಿ ಹಾಕಿದ್ದಾರೆ. ಈ ಕಾನೂನು ಸಾರ್ವಜನಿಕ ಸ್ಥಳಗಳಲ್ಲಿ ಯಾರಾದರೂ ಮುಖವನ್ನು ಮುಚ್ಚುವುದನ್ನು ನಿಷೇಧಿಸುತ್ತದೆ. ಈ ದೇಶದ ಶೇಕಡ 70 ರಷ್ಟು ಜನರು ಇಸ್ಲಾಂ ಧರ್ಮವನ್ನು ಅನುಸರಿಸುತ್ತಿದ್ದರೂ, ಅಲ್ಲಿ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ.

1. ಕಝಾಕಿಸ್ತಾನದ ಅಧ್ಯಕ್ಷ ಟೊಕಾಯೆವ್ ಅವರು, ಮುಖವನ್ನು ಮರೆಮಾಡುವ ಬಟ್ಟೆಗಳನ್ನು ಧರಿಸುವ ಬದಲು ರಾಷ್ಟ್ರೀಯ ಶೈಲಿಯ ಉಡುಪುಗಳನ್ನು ಧರಿಸುವುದು ಉತ್ತಮ ಎಂದು ಹೇಳಿದ್ದಾರೆ. ಟೊಕಾಯೆವ್ ಅವರು ದೇಶದ ಜಾತ್ಯತೀತ ಸ್ವರೂಪವನ್ನು ಕಾಪಾಡುವ ಬಗ್ಗೆಯೂ ಒತ್ತು ನೀಡಿದ್ದಾರೆ.

2. ಈ ಹಿಂದೆ 2023 ರಲ್ಲಿ ಕಝಾಕಿಸ್ತಾನ ಸರಕಾರವು ಒಂದು ಪ್ರಮುಖ ನಿರ್ಧಾರವನ್ನು ತೆಗೆದುಕೊಂಡಿತ್ತು ಮತ್ತು ಶಾಲೆಗಳಲ್ಲಿ ಹಿಜಾಬ್ (ಮುಸ್ಲಿಂ ಮಹಿಳೆಯರ ತಲೆ ಮತ್ತು ಕುತ್ತಿಗೆಯನ್ನು ಮುಚ್ಚುವ ಉಡುಪು) ಮತ್ತು ನಿಕಾಬ್ (ಮುಖವನ್ನು ಮುಚ್ಚುವ ಬಲೆಯುಳ್ಳ ಉಡುಪು)ಗಳ ಮೇಲೆ ನಿಷೇಧ ಹೇರಿತ್ತು.