‘ಆಪರೇಷನ್ ಸಿಂದೂರ’ ದ ವೇಳೆ ಭಾರತವು ನಾಶಪಡಿಸಿದ ಚೀನೀ ಕ್ಷಿಪಣಾಸ್ತ್ರಗಳ ಬಗ್ಗೆ ಪತ್ರಕರ್ತರು ಕೇಳಿದ ಪ್ರಶ್ನೆಗೆ ಚೀನಾ ಕೆಂಡಾಮಂಡಲ !

ಬೀಜಿಂಗ್ (ಚೀನಾ) – ‘ಆಪರೇಷನ್ ಸಿಂದೂರ’ ವೇಳೆ ಪಾಕಿಸ್ತಾನವು ಭಾರತದ ಮೇಲೆ ಕ್ಷಿಪಣಿಗಳನ್ನು ಮತ್ತು ಡ್ರೋನ್‌ಗಳನ್ನು ಉಡಾಯಿಸಿತ್ತು. ಇವುಗಳಲ್ಲಿ ಕೆಲವು ಕ್ಷಿಪಣಿಗಳು ಚೀನಾ ನಿರ್ಮಿತವಾಗಿದ್ದವು. ಭಾರತವು ಅವುಗಳನ್ನು ಗಾಳಿಯಲ್ಲೇ ನಾಶಪಡಿಸಿತು, ಇನ್ನು ಕೆಲವು ಬಿದ್ದರೂ ಸಿಡಿಯಲಿಲ್ಲ. ಸಿಡಿಯದೇ ಕೆಳಗುರುಳಿದ ಕ್ಷಿಪಣಿಗಳಲ್ಲಿ ‘ಪಿಎಲ್-15 ಇ’ ಕ್ಷಿಪಣಿಯೂ ಸೇರಿತ್ತು. ಈ ಬಗ್ಗೆ ಚೀನಾದ ರಕ್ಷಣಾ ಸಚಿವಾಲಯದ ವಕ್ತಾರರಾದ ಹಿರಿಯ ಕರ್ನಲ್ ಝಾಂಗ್ ಜಿಯಾವೋಗಾಂಗ್ ಅವರನ್ನು ಪತ್ರಕರ್ತರು ಪ್ರಶ್ನಿಸಿದಾಗ, ಅವರು ಬೇರೆಯದೇ ಉತ್ತರ ನೀಡಿ ಜಾರಿಕೊಂಡರು.

ಝಾಂಗ್ ಜಿಯಾವೋಗಾಂಗ್ ಅವರು ಮಾತನಾಡಿ, “ನೀವು ಉಲ್ಲೇಖಿಸುತ್ತಿರುವ ಕ್ಷಿಪಣಿಯು ರಫ್ತು ಮಾಡಲಾಗುವ ಶಸ್ತ್ರಾಸ್ತ್ರವಾಗಿದೆ. ಈ ಕ್ಷಿಪಣಿಯನ್ನು ದೇಶ-ವಿದೇಶಗಳಲ್ಲಿ ಅನೇಕ ರಕ್ಷಣಾ ಪ್ರದರ್ಶನಗಳಲ್ಲಿ ಪ್ರದರ್ಶಿಸಲಾಗಿದೆ. ಭಾರತ ಮತ್ತು ಪಾಕಿಸ್ತಾನವು ಅಕ್ಕ-ಪಕ್ಕದಲ್ಲಿವೆ ಅವುಗಳನ್ನು ಬೇರ್ಪಡಿಸಲಾಗುವುದಿಲ್ಲ. ಎರಡೂ ಕಡೆಯವರು ಶಾಂತ ಮತ್ತು ಸಂಯಮದಿಂದ ಇರುತ್ತಾರೆಂದು ನಿರೀಕ್ಷಿಸಲಾಗಿದೆ” ಎಂದು ಹೇಳಿ ಪ್ರಶ್ನೆಗೆ ಉತ್ತರಿಸಿವುದನ್ನು ತಪ್ಪಿಸಿಕೊಂಡರು.