NASA and SpaceX’s’ : ಕೊನೆಗೂ ಭೂಮಿಗೆ ಮರಳಿದ ಸುನೀತಾ ವಿಲಿಯಮ್ಸ್ ಮತ್ತು ಬುಚ್ ವಿಲ್ಮೋರ್ !

ವಾಷಿಂಗ್ಟನ್ (ಅಮೇರಿಕ) – ಬಾಹ್ಯಾಕಾಶ ನೌಕೆಯಲ್ಲಿನ ತಾಂತ್ರಿಕ ಅಡಚಣೆಗಳಿಂದಾಗಿ ಸುಮಾರು 9 ತಿಂಗಳುಗಳು (286 ದಿನಗಳು) ಬಾಹ್ಯಾಕಾಶದಲ್ಲಿ ಕಳೆದ ನಂತರ, ಗಗನಯಾತ್ರಿಗಳಾದ ಸುನೀತಾ ವಿಲಿಯಮ್ಸ್ ಮತ್ತು ಬುಚ್ ವಿಲ್ಮೋರ್ ಕೊನೆಗೂ ಭೂಮಿಗೆ ಮರಳಿದ್ದಾರೆ. ಭಾರತೀಯ ಕಾಲಮಾನದ ಪ್ರಕಾರ ಮಾರ್ಚ್ 19ರ ಮುಂಜಾನೆ 3.30 ಕ್ಕೆ, ನಾಸಾದ ಈ ಇಬ್ಬರು ಗಗನಯಾತ್ರಿಗಳು ಫ್ಲೋರಿಡಾ ಕರಾವಳಿಯ ಬಳಿ ಸುರಕ್ಷಿತವಾಗಿ ಇಳಿದರು. ಈ ಗಗನಯಾತ್ರಿಗಳ ಕಾರ್ಯಾಚರಣೆ 8 ದಿನಗಳದ್ದಾಗಿತ್ತು; ಆದರೆ ಕೆಲವು ತಾಂತ್ರಿಕ ದೋಷಗಳಿಂದಾಗಿ ಗಗನಯಾತ್ರಿಗಳು 286 ದಿನಗಳ ಕಾಲ ಬಾಹ್ಯಾಕಾಶದಲ್ಲಿಯೇ ಉಳಿಯಬೇಕಾಯಿತು. ಗಗನಯಾತ್ರಿಗಳು ಭೂಮಿಗೆ ಇಳಿದ ಕ್ಷಣದ ವೀಡಿಯೊವನ್ನು ನಾಸಾ ಬಿಡುಗಡೆ ಮಾಡಿದೆ. ವಿಸ್ತೃತ ಕಾರ್ಯಾಚರಣೆಯ ಸಮಯದಲ್ಲಿ, ಇಬ್ಬರು ಗಗನಯಾತ್ರಿಗಳು ಭೂಮಿಯನ್ನು 4,576 ಬಾರಿ ಸುತ್ತಿದರು ಮತ್ತು ಭೂಮಿಗೆ ಸುರಕ್ಷಿತವಾಗಿ ಮರಳುವ ಮೊದಲು ಸುಮಾರು 195 ಮಿಲಿಯನ್ ಕಿಲೋಮೀಟರ್ ಪ್ರಯಾಣಿಸಿದರು. ಈ ದೂರವು ಭೂಮಿ ಮತ್ತು ಸೂರ್ಯನ ನಡುವಿನ ಅಂತರಕ್ಕಿಂತ ಹೆಚ್ಚಾಗಿದೆ. ಸೂರ್ಯನು ಭೂಮಿಯಿಂದ ಸುಮಾರು 150 ಮಿಲಿಯನ್ ಕಿಲೋಮೀಟರ್ ದೂರದಲ್ಲಿದ್ದಾನೆ.

🚀 Sunita Williams Returns After 286 Days! 🌍✨

Indian American astronaut Sunita Williams set out for just 8 days but spent 286 days in space aboard the ISS! 🛰️💫

A true inspiration of perseverance & dedication! 🇮🇳🇺🇸#NASA #ButchWilmore pic.twitter.com/GKCHdQb1ba

— Sanatan Prabhat (@SanatanPrabhat) March 19, 2025

1 .ಇಬ್ಬರನ್ನು ವಾಪಸ್ ಕರೆತರಲು ಪ್ರಯತ್ನಗಳು ನಡೆದವು. ಒಂದು ಸಮಯದಲ್ಲಿ ಇಬ್ಬರೂ ಬದುಕಿ ವಾಪಸ್ ಬರುತ್ತಾರೋ ಇಲ್ಲವೋ ಎಂಬ ಅನುಮಾನವಿತ್ತು; ಆದರೆ ‘ಸ್ಪೇಸ್‌ಎಕ್ಸ್’ ಮುಖ್ಯಸ್ಥ ಎಲಾನ್ ಮಸ್ಕ್ ಅವರ ಮುಂದಾಳತ್ವ ಮತ್ತು ‘ನಾಸಾ’ ಸಹಕಾರದಿಂದ ಈ ಕಾರ್ಯಾಚರಣೆ ಯಶಸ್ವಿಯಾಯಿತು.

2.’ನಾಸಾ’ ಮತ್ತು ‘ಸ್ಪೇಸ್‌ಎಕ್ಸ್’ ತಂತ್ರಜ್ಞರ ಸಭೆ ನಡೆಸಿ ಫ್ಲೋರಿಡಾ ಹವಾಮಾನದ ಮುನ್ಸೂಚನೆ ಪಡೆದ ನಂತರ ಹಿಂದಿರುಗುವ ಪ್ರಯಾಣವನ್ನು ಒಂದು ದಿನ ಮುಂಚಿತವಾಗಿ ಪ್ರಾರಂಭಿಸಲು ನಿರ್ಧರಿಸಲಾಯಿತು. ಇಬ್ಬರು ಗಗನಯಾತ್ರಿಗಳು ‘ಸ್ಪೇಸ್‌ಎಕ್ಸ್ ಕ್ಯಾಪ್ಸುಲ್’ ಮೂಲಕ ‘ಅಂತರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣ’ದಿಂದ ಹೊರಟು ಕೆಲವು ಗಂಟೆಗಳ ನಂತರ ‘ಗಲ್ಫ್ ಆಫ್ ಮೆಕ್ಸಿಕೋ’ದಲ್ಲಿ ಇಳಿದರು.

45 ದಿನಗಳ ‘ಅಕ್ಲಿಮಟೈಸೇಶನ್ ಕಾರ್ಯಕ್ರಮ’ಕ್ಕೆ ಒಳಗಾಗಬೇಕು!

(ಅಕ್ಲಿಮಟೈಸೇಶನ್ ಎಂದರೆ ತೇವಾಂಶ, ಗುರುತ್ವಾಕರ್ಷಣೆ, ತಾಪಮಾನ ಇತ್ಯಾದಿಗಳನ್ನು ಪರಿಗಣಿಸಿ ಪರಿಸರಕ್ಕೆ ಒಗ್ಗಿಕೊಳ್ಳಲು ಮಾಡುವ ಪ್ರಯತ್ನಗಳು!)

ಸುಮಾರು 9 ತಿಂಗಳು ಸಂಪೂರ್ಣವಾಗಿ ವಿಭಿನ್ನ ವಾತಾವರಣದಲ್ಲಿ ವಾಸಿಸಿದ ನಂತರ, ಇಬ್ಬರು ಗಗನಯಾತ್ರಿಗಳ ದೇಹದಲ್ಲಿನ ಬದಲಾವಣೆಯನ್ನು ಸರಿದೂಗಿಸಲು 45 ದಿನಗಳ ‘ಅಕ್ಲಿಮಟೈಸೇಶನ್ ಕಾರ್ಯಕ್ರಮ’ದಲ್ಲಿ ಇರಬೇಕು. ಅದಾದ ನಂತರವಷ್ಟೇ ಇಬ್ಬರೂ ಮೊದಲಿನಂತೆ ಸಾಮಾನ್ಯ ಜೀವನವನ್ನು ನಡೆಸಲು ಸಾಧ್ಯವಾಗುವುದು. ಸಂಪೂರ್ಣವಾಗಿ ವಿಭಿನ್ನ ವಾತಾವರಣದಲ್ಲಿ ವಾಸಿಸಿದ್ದರಿಂದ ಇಬ್ಬರ ದೇಹದಲ್ಲಿನ ಬದಲಾವಣೆಗಳು, ದೇಹದಲ್ಲಿನ ಸವೆತ ಅಥವಾ ಬಾಹ್ಯಾಕಾಶ ನಿಲ್ದಾಣದ ವಾತಾವರಣಕ್ಕೆ ಒಗ್ಗಿಕೊಂಡಿರುವುದರಿಂದ ದೇಹದಲ್ಲಿನ ಬದಲಾವಣೆಗಳನ್ನು ಸಾಮಾನ್ಯ ಸ್ಥಿತಿಗೆ ತರಲು ಈ ಸಮಯವು ಯೋಜಿತ ಚಿಕಿತ್ಸೆಗೆ ಅವಶ್ಯಕವಾಗಿರುತ್ತದೆ.

45 ದಿನಗಳಲ್ಲಿ, ಭೂಮಿಯ ವಾತಾವರಣ ಮತ್ತು ಮುಖ್ಯವಾಗಿ ಭೂಮಿಯ ಗುರುತ್ವಾಕರ್ಷಣೆಯ ಬಲ ಮತ್ತು ಅದರಿಂದ ಪ್ರಭಾವಿತವಾಗುವ ದೇಹದ ಕ್ರಿಯೆಗಳನ್ನು ಸಾಮಾನ್ಯ ಸ್ಥಿತಿಗೆ ತರಲು ಇಬ್ಬರಿಗೆ ಸಹಾಯ ಮಾಡಲಾಗುವುದು.