Kamala Harris On US Election Results : ಚುನಾವಣೆಗಳು ಮತ್ತು ಅವುಗಳ ಫಲಿತಾಂಶಗಳು ಫೈನಲ್ ಅಲ್ಲ !

ಸೋಲಿನ ನಂತರ ಪಕ್ಷದ ಕಾರ್ಯಕರ್ತರಿಗೆ ಕಮಲಾ ಹ್ಯಾರಿಸ್ ಮನವಿ

ವಾಷಿಂಗ್ಟನ್ (ಅಮೇರಿಕಾ) – ನನ್ನ ಸೋಲಿನಿಂದ ನಮಗೆಲ್ಲರಿಗೂ ನಿರಾಶೆ ಆಗಿದೆ. ನೀವೆಲ್ಲರೂ ನನ್ನ ಮೇಲೆ ಇಟ್ಟಿರುವ ವಿಶ್ವಾಸ, ದೇಶದ ಮೇಲಿನ ನಿಮ್ಮ ಪ್ರೀತಿ ಇವೆಲ್ಲವನ್ನೂ ನೋಡಿ ನನ್ನ ಹೃದಯ ತುಂಬಿ ಬಂದಿದೆ. ಸೋಲಿನ ನಂತರವೂ ನಿಮ್ಮ ಮುಖದಲ್ಲಿ ಮುಂದಿನ ಹೆಜ್ಜೆಯ ನಿರ್ಧಾರ ಕಾಣುತ್ತಿದೆ. ಈ ಚುನಾವಣೆಗಳು ಮತ್ತು ಅವುಗಳ ಫಲಿತಾಂಶಗಳು ಕೊನೆ ಅಲ್ಲ. ನಾವು ಎಲ್ಲಿಯವರೆಗೆ ಹಿಂದೆ ಸರಿಯದೆ ಹೋರಾಡುತ್ತೇವೆಯೋ ಅಲ್ಲಿಯವರೆಗೆ, ಉಜ್ವಲ ಅಮೆರಿಕಾದ ನಮ್ಮ ಭರವಸೆ ಖಾಯಂ ಆಗಿ ಇರುತ್ತದೆ, ಎಂದು ಕಮಲಾ ಹ್ಯಾರಿಸ್ ತಮ್ಮ ನಿರ್ಧಾರವನ್ನು ವ್ಯಕ್ತಪಡಿಸಿದ್ದಾರೆ. ಅಮೆರಿಕದ ಅಧ್ಯಕ್ಷೀಯ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷದ ಅಭ್ಯರ್ಥಿ ಡೊನಾಲ್ಡ್ ಟ್ರಂಪ್ ವಿರುದ್ಧ ಸೋತ ನಂತರ ಡೆಮಾಕ್ರಟಿಕ್ ಅಭ್ಯರ್ಥಿ ಕಮಲಾ ಹ್ಯಾರಿಸ್ ವಾಷಿಂಗ್ಟನ್ ಡಿಸಿಯಲ್ಲಿನ ತಮ್ಮ ಕಚೇರಿಯಲ್ಲಿ ಪಕ್ಷದ ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತನಾಡಿದರು. ಆ ವೇಳೆ ಅವರು ಮೇಲಿನ ನಿರ್ಧಾರವನ್ನು ವ್ಯಕ್ತಪಡಿಸಿದರು.
ಕಮಲಾ ಹ್ಯಾರಿಸ್ ಅವರು ತಮ್ಮ ಬೆಂಬಲಿಗರಿಗೆ ಮತ್ತು ಅವರ ಗೆಲುವಿಗಾಗಿ ಹಗಲಿರುಳು ಶ್ರಮಿಸಿದ ಕಾರ್ಯಕರ್ತರಿಗೆ ಧನ್ಯವಾದಗಳನ್ನು ಅರ್ಪಿಸಿದರು.