ಬಾಂಗ್ಲಾದೇಶ ಗೃಹ ಸಚಿವಾಲಯದಿಂದ ಫತ್ವಾ; ನಮಾಜ್‌ಗೆ 5 ನಿಮಿಷ ಇರುವಾಗಲೇ ದೇವಸ್ಥಾನದ ಧ್ವನಿವರ್ಧಕ ಬಂದ್ ಮಾಡಬೇಕಂತೆ !

ಢಾಕಾ (ಬಾಂಗ್ಲಾದೇಶ) – ಬಾಂಗ್ಲಾದೇಶದ ಗೃಹ ಸಚಿವಾಲಯವು ಅಲ್ಲಿನ ಅಲ್ಪಸಂಖ್ಯಾತ ಹಿಂದೂಗಳಿಗೆ ಸೆಪ್ಟೆಂಬರ್ 10 ರಂದು ಫತ್ವಾ ಹೊರಡಿಸಿದೆ. ‘ಕೆಲವು ದಿನಗಳ ನಂತರ ನಡೆಯಲಿರುವ ಶ್ರೀ ದುರ್ಗಾ ಪೂಜೆಯ ಉತ್ಸವದ ಕಾಲಾವಧಿಯಲ್ಲಿ ಮಸೀದಿಯಲ್ಲಿ ಆಗುವ ಅಜಾನ ಮತ್ತು ನಮಾಜ್‌ನ 5 ನಿಮಿಷ ಮೊದಲು ಶ್ರೀ ದುರ್ಗಾದೇವಿಯ ಪೂಜೆ ಮತ್ತು ಧ್ವನಿವರ್ಧಕವನ್ನು ಬಂದ್‌ ಮಾಡಬೇಕು’, ಎಂದು ಆದೇಶದಲ್ಲಿ ತಿಳಿಸಿದೆ. ಬಾಂಗ್ಲಾದೇಶಿ ಪ್ರಸಾರ ಮಾಧ್ಯಮಗಳು ಈ ಸಂದರ್ಭದಲ್ಲಿ ಸುದ್ದಿಯನ್ನು ಬಿತ್ತರಿಸಿವೆ.

Wrap up the deity worship and turn off loudspeakers at temples 5 minutes before Namaz.
– Fatwa issued by Mohammad Jahangir Alam Chowdhury, Advisor, Ministry of Home Affairs, Bangladesh ahead of the Durga Puja celebrations.

▫️ Situation in Bangladesh is no different than a… pic.twitter.com/4pjPHOiixX

— Sanatan Prabhat (@SanatanPrabhat) September 11, 2024

1. ಗೃಹ ಸಲಹೆಗಾರ ಲೆಫ್ಟಿನೆಂಟ್ ಜನರಲ್ (ನಿವೃತ್ತ) ಮಹಮ್ಮದ್ ಜಹಾಂಗೀರ್ ಆಲಂ ಚೌಧರಿ ಅವರು ಸಚಿವಾಲಯದಲ್ಲಿ ಬಾಂಗ್ಲಾದೇಶ ಪೂಜಾ ಪುರಸ್ಕಾರ ಉದ್ಯಾಪನ ಮುಖಂಡರನ್ನು ಭೇಟಿ ಮಾಡಿದರು. ಈ ಸಭೆಯ ನಂತರ ಮಹಮ್ಮದ್ ಜಹಾಂಗೀರ್ ಆಲಂ ಚೌಧರಿ ಸುದ್ಧಿಗೋಷ್ಠಿ ನಡೆಸಿ ಮಾಹಿತಿ ನೀಡಿದರು. ಬಾಂಗ್ಲಾದೇಶದಲ್ಲಿ ಗೃಹ ಸಲಹೆಗಾರರ ಹುದ್ದೆಯು ಸಚಿವ ಸ್ಥಾನಮಾನವನ್ನು ಹೊಂದಿದೆ.

2. ‘ವಿಗ್ರಹ ನಿರ್ಮಾಣದ ಕಾಲಾವಧಿಯಿಂದ ಹಿಂದೂಗಳ ಸುರಕ್ಷತೆ ಬಗ್ಗೆ ಕಾಳಜಿ ವಹಿಸಲಾಗುವುದು. ಪೂಜಾ ಮಂಟಪದಲ್ಲಿ 24 ಗಂಟೆ ಭದ್ರತೆ ಇಡಬೇಕು ಈ ಕುರಿತು ಚರ್ಚಿಸಲಾಗಿದೆ’ ಎಂದು ಆಲಂ ಹೇಳಿದ್ದಾರೆ.

3. ‘ಶ್ರೀ ದುರ್ಗಾ ಪೂಜೆ ಬಾಂಗ್ಲಾದೇಶದ ಹಿಂದೂಗಳ ದೊಡ್ಡ ಹಬ್ಬವಾಗಿದೆ. ಈ ವರ್ಷ ಬಾಂಗ್ಲಾದೇಶದಲ್ಲಿ ಒಟ್ಟು 32 ಸಾವಿರದ 666 ಪೂಜಾ ಮಂಟಪಗಳನ್ನು ನಿರ್ಮಿಸಲಾಗುವುದು. ಢಾಕಾ ದಕ್ಷಿಣ ನಗರ ಮತ್ತು ಉತ್ತರ ಮಹಾನಗರಪಾಲಿಕೆಯಲ್ಲಿ ಕ್ರಮವಾಗಿ 157 ಮತ್ತು 88 ಮಂಟಪಗಳನ್ನು ನಿರ್ಮಿಸಲಾಗುತ್ತದೆ. ಕಳೆದ ವರ್ಷದಲ್ಲಿ 33 ಸಾವಿರದ 431 ಪೂಜಾ ಮಂಟಪಗಳನ್ನು ನಿರ್ಮಿಸಲಾಗಿತ್ತು’ ಎಂದು ಆಲಂ ಹೇಳಿದರು.