ವಂದಿಪೆ ನಿನಗೆ ಗಣನಾಥಾ !

ವಕ್ರತುಂಡ ಮಹಾಕಾಯ ಸೂರ್ಯ ಕೋಟಿ ಸಮಪ್ರಭ |

ನಿರ್ವಿಘ್ನಂ ಕುರುಮೇ ದೇವ, ಸರ್ವ ಕಾರ್ಯೇಷು ಸರ್ವದಾ ||

ಗಣಪತಿಯಲ್ಲಿ ಶಕ್ತಿ, ಬುದ್ಧಿ, ಸಂಪತ್ತು ಎಂಬ ಗುಣಗಳಿದ್ದು ಅವನು ಸಾತ್ತ್ವಿಕನಾಗಿದ್ದಾನೆ. ಅವನು ಭಕ್ತರ ಮೇಲೆ ಅನುಕಂಪ ತೋರಿಸುವವನಾಗಿದ್ದಾನೆ. ಗಣಪತಿಯು ವಿದ್ಯೆ, ಬುದ್ಧಿ ಮತ್ತು ಸಿದ್ಧಿಯ ದೇವತೆ ಆಗಿದ್ದಾನೆ. ಅವನು ದುಃಖಹರ್ತಾ ಆಗಿದ್ದಾನೆ, ಆದ್ದರಿಂದ ಪ್ರತಿಯೊಂದು ಮಂಗಲ ಕಾರ್ಯವನ್ನು ಗಣೇಶ ಪೂಜೆಯಿಂದ ಆರಂಭ ಮಾಡುತ್ತಾರೆ. ಗಣೇಶನ ಸ್ತುತಿಯಿಂದಲೇ ವಿದ್ಯಾರಂಭ ಮತ್ತು ಗ್ರಂಥ ಆರಂಭವನ್ನು ಮಾಡುತ್ತಾರೆ.

ಗಣೇಶ ಚತುರ್ಥಿಯಂದೇ ಗಣೇಶೋತ್ಸವ ಆರಂಭ ಏಕೆ ?

ತತ್ತ್ವಜ್ಞಾನಿ ಮಹನೀಯರ ಭಾವನೆ ಮತ್ತು ಮಾನ್ಯತೆ ಏನೆಂದರೆ, ಸತ್ವ, ರಜ, ಮತ್ತು ತಮ ಈ ಮೂರು ಗುಣಗಳಿವೆ. ಅವುಗಳಿಗೆ ಅಧಿಕಾರ ನೀಡುವ ಚೈತನ್ಯವು ನಾಲ್ಕನೆಯದಾಗಿದೆ. ಜಾಗೃತ, ಸ್ವಪ್ನ ಮತ್ತು ಸುಷುಪ್ತಿ ಈ ೩ ಅವಸ್ಥೆಗಳನ್ನು ನೋಡುವ ತುರ್ಯಾವಸ್ಥೆಯು ನಾಲ್ಕನೆಯ ಅವಸ್ಥೆ ಆಗಿದೆ. ಭೂತ, ಭವಿಷ್ಯ ಮತ್ತು ವರ್ತಮಾನ ಈ ಮೂರು ಕಾಲಗಳನ್ನು ಯಾವನು ನೋಡುತ್ತಾನೆ, ಅವನು ಕಾಲಾತೀತನಾಗಿದ್ದಾನೆ, ನಾಲ್ಕನೆಯ ವನಾಗಿದ್ದಾನೆ. ಯಾರಿಗೆ ಜ್ಞಾನಮಾರ್ಗದ ಸಾಕ್ಷಾತ್ಕಾರವಾಗಿದೆ, ಆ ಮಹಾಪುರುಷರ ಅನುಭವ ಏನೆಂದರೆ, ಮೂರು ಅವಸ್ಥೆಗಳು ಸಂಸಾರದ್ದಾಗಿವೆ ಮತ್ತು ನಾಲ್ಕನೆಯ ಅವಸ್ಥೆ ಇದು ಚೈತನ್ಯ ಸ್ವರೂಪದ ಸಾಕ್ಷಿ ಆಗಿದೆ. ಈ ಎಲ್ಲಾ ಕಾರಣಗಳಿಂದ ಗಣೇಶೋತ್ಸವವನ್ನು ಗಣೇಶಚತುರ್ಥಿಯಂದು ಆರಂಭಿಸಲಾಗಿದೆ. ೧೦-೧೧ ದಿನ ಉತ್ಸವ ಆಚರಿಸಿ ಶ್ರೀ ಗಣೇಶ ಮೂರ್ತಿಯ ವಿಸರ್ಜನೆ ಮಾಡುತ್ತಾರೆ.