Naam Jihad : ಲ್ಯಾಂಡ್ ಜಿಹಾದ್, ಲವ್ ಜಿಹಾದ್ ಆಯಿತು ಈಗ ಮುಸ್ಲಿಂ ವ್ಯಾಪಾರಿಗಳ ‘ನಾಮ್(ಹೆಸರು) ಜಿಹಾದ್ ‘; ಏನಿದು ಹೊಸ ಜಿಹಾದ್ ?

ಉತ್ತರಾಖಂಡ ಮತ್ತು ಉತ್ತರಪ್ರದೇಶಗಳಲ್ಲಿ ಮುಸಲ್ಮಾನರು ಅಂಗಡಿ-ಢಾಬಾಗಳಿಗೆ ಹಿಂದೂ ದೇವತೆಗಳ ಹೆಸರನ್ನಿಟ್ಟು ವ್ಯಾಪಾರ !

ಲಕ್ಷ್ಮಣಪುರಿ (ಉತ್ತರಪ್ರದೇಶ) – ಕಾವಡಾ ಯಾತ್ರೆಯಲ್ಲಿ ಮುಸಲ್ಮಾನರು ತಮ್ಮ ಅಂಗಡಿಗಳಿಗೆ ಹಿಂದೂ ದೇವತೆಗಳ ಹೆಸರನ್ನಿಟ್ಟರೆ ಅನೇಕ ವಿವಾದಗಳು ನಿರ್ಮಾಣವಾಗಬಹುದು ಮತ್ತು ಅನೇಕರ ಆಕ್ಷೇಪ ಕೂಡ ಇರಬಹುದು. ನಿಮಗೆ ಇಷ್ಟವಾದಂತಹ ಹೆಸರನ್ನು ಅಂಗಡಿಗೆ ಇಟ್ಟುಕೊಳ್ಳಿ, ಅದರ ಬಗ್ಗೆ ಆಕ್ಷೇಪವಿಲ್ಲ ; ಆದರೆ ಹಿಂದೂ ದೇವತೆಗಳ ಹೆಸರನ್ನು ಮಾತ್ರ ಉಪಯೋಗಿಸಬೇಡಿ ಎಂದು ಉತ್ತರಪ್ರದೇಶದ ಸಚಿವ ಕಪಿಲ ದೇವ ಅಗ್ರವಾಲ್ ಅವರು ಕೆಲವು ದಿನಗಳ ಹಿಂದಿನ ಒಂದು ಸಭೆಯಲ್ಲಿ ಕರೆ ನೀಡಿದರು. ಈ ಬಗ್ಗೆ ಝೀ ನ್ಯೂಸ್ ಹಿಂದಿ ಚಾನೆಲ್ ಉತ್ತರಾಖಂಡ ಮತ್ತು ಉತ್ತರಪ್ರದೇಶ ರಾಜ್ಯದಲ್ಲಿ ಒಂದು ಅಭಿಯಾನ ನಡೆಸಿ ಅಂತಹ ಅಂಗಡಿಗಳು ಮತ್ತು ಢಾಬಾಗಳ ಮಾಹಿತಿ ಬಹಿರಂಗಪಡಿಸಿದೆ. ಈ ಅಂಗಡಿಗಳಿಗೆ ಹಿಂದೂ ದೇವತೆಗಳ ಹೆಸರು ನೀಡಲಾಗಿದೆ ಆದರೆ ಅದರ ಮಾಲೀಕರು ಮಾತ್ರ ಮುಸಲ್ಮಾನರಾಗಿದ್ದಾರೆ.

Several cases of Mu$|!m$ disguising their shops and roadside restaurants by naming them after Hindu deities in #UttarPradesh and #Uttarakhand.

👉 Mu$|!m businessmen’s deceitful ‘Naam Jih#d’.

👉 Mu$|!m$ are very well aware that devout Hindus on #KanwarYatra or pilgrimage would… pic.twitter.com/8iYmSoZWa3

— Sanatan Prabhat (@SanatanPrabhat) July 9, 2024

೧. ಉತ್ತರಾಖಂಡದಲ್ಲಿ ವೈಷ್ಣೋದೇವಿ ಎಂಬ ಹೆಸರಿನ ಅನೇಕ ಅಂಗಡಿಗಳು ಮತ್ತು ಢಾಬಾಗಳು ಈ ಚಾನೆಲ್ ನ ಪತ್ರಕರ್ತರಿಗೆ ದೊರೆತವು; ಆದರೆ ಅವುಗಳಲ್ಲಿನ ಬಹಳಷ್ಟು ಅಂಗಡಿಗಳು ಮತ್ತು ಢಾಬಾಗಳ ಮಾಲೀಕರು ಮುಸಲ್ಮಾನರಾಗಿದ್ದಾರೆ.

೨. ಢಾಬಾದ ಹೆಸರಿನಿಂದ ಕಾವಡಾ ಯಾತ್ರಿಕರು ಅಲ್ಲಿ ಉಪಹಾರ ಅಥವಾ ಭೋಜನ ಮಾಡುವುದಕ್ಕಾಗಿ ಹೋಗುತ್ತಾರೆ. ಅಲ್ಲಿ ಕಾವಡಾ ಯಾತ್ರಿಗಳಿಗಾಗಿ ಬೇರೆ ವ್ಯವಸ್ಥೆ ಮಾಡಲಾಗುತ್ತದೆ, ಆದರೂ ಪದಾರ್ಥ ತಯಾರಿಸುವವರು ಮುಸಲ್ಮಾನರೇ ಇರುತ್ತಾರೆ; ಆದರೆ ಇದು ಕಾವಡಾ ಯಾತ್ರಿಕರಿಗೆ ತಿಳಿದಿರುವುದಿಲ್ಲ.

೩. ಜಿ ನ್ಯೂಸ್ ತಂಡ ಬಿಜನೌರಾದ ಡೆಹರಾಡೂನ್-ನೈನಿತಾಲ್ ಮಹಾಮಾರ್ಗಕ್ಕೆ ತಲುಪಿದಾಗ ಅಲ್ಲಿ ಅವರಿಗೆ ಇಂತಹ ೨೦ ಕ್ಕಿಂತಲೂ ಹೆಚ್ಚಿನ ಢಾಬಾಗಳು ದೊರೆತವು. ಈ ಢಾಭಾಗಳಿಗೆ ಹಿಂದೂ ದೇವತೆಗಳ ಹೆಸರನ್ನಿಡಲಾಗಿತ್ತು; ಆದರೆ ಆ ಅಂಗಡಿಗಳನ್ನು ಮುಸಲ್ಮಾನರು ನಡೆಸುತ್ತಿದ್ದರು. ಶ್ರೀ ಖಾಟು ಶ್ಯಾಮ ಢಾಬಾ, ನೀಲಕಂಠ ಫ್ಯಾಮಿಲಿ ರೆಸ್ಟೋರೆಂಟ್, ಹಿಮಾಲಯ ಢಾಬಾ, ಶಿವ ಢಾಬಾ, ಈ ಹೆಸರುಗಳಿಂದ ಢಾಬಾಗಳನ್ನು ನಡೆಸಲಾಗುತ್ತಿದೆ.

೪. ಉತ್ತರಪ್ರದೇಶದಲ್ಲಿನ ಸಹಾರಾನಪುರದಲ್ಲಿಯೂ ಕೂಡ ಇಂತಹ ಅನೇಕ ಹಿಂದುಗಳ ದೇವತೆಯ ಹೆಸರಿನಿಂದ ನಡೆಯುತ್ತಿರುವ ಅಂಗಡಿಗಳು ಕಂಡು ಬಂದಿವೆ. ಅಲ್ಲಿನ ಒಂದು ‘ಜನತಾ ವೈಷ್ಣವ್ ಢಾಬಾ’ ದ ಮಾಲೀಕ ಮುಸಲ್ಮಾನನಾಗಿದ್ದನು. ನ್ಯೂಸ್ ಚಾನೆಲ್ ನ ಪತ್ರಕರ್ತರು ಈ ಢಾಬಾದ ಮಾಲೀಕ ಮಹಮ್ಮದ್ ಅನಾಸ್ ಸಿದ್ಧಕಿ ಜೊತೆ ಚರ್ಚಿಸಿದಾಗ ಅವರು, ‘ಕಳೆದ ೧೫ ವರ್ಷಗಳಿಂದ ನನಗೆ ಈ ಹೆಸರಿನಿಂದ ಯಾವುದೇ ಅಡಚಣೆ ಬಂದಿಲ್ಲ’ ಎಂದು ಹೇಳಿದರು. ಈ ಢಾಬಾದಲ್ಲಿ ಕಾವಡಾ ಯಾತ್ರಿಕರಿಗಾಗಿ ವಿಶೇಷ ವ್ಯವಸ್ಥೆ ಮಾಡಲಾಗುತ್ತದೆ.

೫. ಉತ್ತರಪ್ರದೇಶದಲ್ಲಿನ ಬರೇಲಿಯಲ್ಲಿನ ಮುಸಲ್ಮಾನ ವ್ಯಾಪಾರಿ ಹಿಂದೂ ದೇವತೆಯ ಹೆಸರಿನಿಂದ ಅಂಗಡಿಗಳು ನಡೆಸುತ್ತಿರುವ ಮಾಹಿತಿ ಬೆಳಕಿಗೆ ಬಂದಿದೆ. ಹಿಂದೂಗಳು ಈ ಅಂಗಡಿಯಿಂದ ಸಿಹಿ ತಿನಿಸುಗಳನ್ನು ಖರೀದಿಸುತ್ತಾರೆಂದು ಅವರು ಅಂಗಡಿಯ ಹೆಸರನ್ನು ‘ಚೌದರಿ ಸ್ವೀಟ್ಸ್’ ಎಂದು ಇಟ್ಟಿದ್ದಾರೆ.

ಕೇವಲ ಚೌಧರಿ ಅಷ್ಟೇ ಅಲ್ಲ, ಬರೇಲಿಯಲ್ಲಿ ಹಿಂದೂ ಹೆಸರಿನಿಂದ ನಡೆಯುತ್ತಿರುವ ಅನೇಕ ಅಂಗಡಿಗಳಿವೆ. ಈ ಢಾಬಾಗಳು ಮತ್ತು ಅಂಗಡಿಗಳು ಹಲವು ವರ್ಷಗಳಿಂದ ಹಿಂದೂಗಳ ಹೆಸರಿನಲ್ಲಿ ನಡೆಯುತ್ತಿದ್ದು ಕೇವಲ ವ್ಯವಹಾರ ನಡೆಸುವುದೇ ಇದರ ಏಕೈಕ ಉದ್ದೇಶವಾಗಿದೆ ಎಂದು ಹೇಳಲಾಗಿದೆ.