ಬಸ್ತಿ (ಉತ್ತರಪ್ರದೇಶ)ಯಲ್ಲಿ ಇಬ್ಬರು ಮನೆಗೆ ನುಗ್ಗಿ ಮಹಿಳೆಯ ಮೇಲೆ ಸಾಮೂಹಿಕ ಬಲಾತ್ಕಾರ !

ಈ ಘಟನೆಯಿಂದ ಸಂತ್ರಸ್ತೆ ಹಾಗೂ ಪತಿ ಆತ್ಮಹತ್ಯೆಗೆ ಶರಣು
ಸರಕಾರವು ಇಂತಹ ಅಪರಾಧಿಗಳಿಗೆ ಗಲ್ಲು ಶಿಕ್ಷೆಯಾಗಲು ಪ್ರಯತ್ನಿಸಬೇಕು !

ಬಸ್ತಿ (ಉತ್ತರಪ್ರದೇಶ) – ಇಲ್ಲಿ ಇಬ್ಬರು ಮಧ್ಯರಾತ್ರಿ ಮನೆಗೆ ನುಗ್ಗಿ ಓರ್ವ ವಿವಾಹಿತೆಯ ಮೇಲೆ ಸಾಮೂಹಿಕ ಬಲಾತ್ಕಾರ ಮಾಡಿದರು. ಈ ಘಟನೆಯ ನಂತರ ಸಂತ್ರಸ್ತೆ ಸಹಿತ ಗಂಡನೂ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡರು. ಪೊಲೀಸರು ಇಬ್ಬರು ಅಪರಾಧಿಗಳನ್ನೂ ಬಂಧಿಸಿದ್ದಾರೆ. ಆದರ್ಶ (೨೪ ವರ್ಷ) ಹಾಗೂ ತ್ರಿಲೋಕಿ (೪೫ ವರ್ಷ) ಎಂಬುದು ಆರೋಪಿಗಳ ಹೆಸರಾಗಿದೆ. ಮೃತ ದಂಪತಿಗಳು ಆತ್ಮಹತ್ಯೆ ಮಾಡಿಕೊಳ್ಳುವ ಮೊದಲು ಒಂದು ವಿಡಿಯೋ ಮಾಡಿ ಅದರಲ್ಲಿ ಆರೋಪಿಗಳ ಹೆಸರನ್ನು ಹೇಳಿದ್ದರು. ಈ ದಂಪತಿಗಳಿಗೆ ೮ ಹಾಗೂ ೬ ವರ್ಷದ ಇಬ್ಬರು ಗಂಡುಮಕ್ಕಳು ಹಾಗೂ ೧ ವರ್ಷದ ಹೆಣ್ಣು ಮಗು ಇದೆ. ಭೂಮಿಯ ಮಾರಾಟ ಹಾಗೂ ಖರೀದಿಯ ವಿವಾದದಿಂದ ಈ ಸಾಮೂಹಿಕ ಬಲಾತ್ಕಾರ ನಡೆದಿದೆ, ಎಂಬುದು ಪ್ರಾಥಮಿಕ ಮಾಹಿತಿಯಿಂದ ತಿಳಿದುಬಂದಿದೆ.