ಜೆನ್-ಝೀ ಜನರಿಗೆ ಯಾರಾದರೂ ಪ್ರಾಮಾಣಿಕರು ಎಂದು ಅನಿಸಿದರೆ, ಅವರು ತಕ್ಷಣವೇ ಪ್ರಭಾವಿತರಾಗುತ್ತಾರೆ!

(ಜೆನ್-ಝೀ ಎಂದರೆ ೧೯೯೭ ರಿಂದ ೨೦೧೧ ರ ನಡುವೆ ಜನಿಸಿದ ಪೀಳಿಗೆ. ಪ್ರಸ್ತುತ ಈ ಪೀಳಿಗೆಯ ವಯಸ್ಸು ೧೫ ರಿಂದ ೨೯ ವರ್ಷಗಳು.)

ಭಾಗ್ಯನಗರ (ತೆಲಂಗಾಣ) – “ಜೆನ್-ಝೀ ಪೀಳಿಗೆಯವರು ಒಳ್ಳೆಯವರು. ಅವರು ಅನುಕರಣಾಪ್ರಿಯರು ಮತ್ತು ಭಾವುಕರು. ಅವರು ಶಾಂತ ಮನಸ್ಸಿನಿಂದ ಯೋಚಿಸುವುದಿಲ್ಲ. ತಮ್ಮ ಮುಂದಿರುವ ಜನರು ಪ್ರಾಮಾಣಿಕರು ಎಂದು ಅನಿಸಿದರೆ, ಅವರು ತಕ್ಷಣವೇ ಪ್ರಭಾವಿತರಾಗುತ್ತಾರೆ” ಎಂದು ರಾಷ್ಟ್ರೀಯ ಸ್ವಯಂಸೇವಕ ಸಂಘದ (RSS) ಪ. ಪೂ. ಸರಸಂಘಚಾಲಕ ಮೋಹನ್ ಜಿ ಭಾಗವತ್ ಅವರು ಇಲ್ಲಿ ಆಯೋಜಿಸಲಾಗಿದ್ದ ಕಾರ್ಯಕ್ರಮವೊಂದರಲ್ಲಿ ಹೇಳಿದರು.

‘ಎಲ್.ಜಿ.ಬಿ.ಟಿ.ಕ್ಯೂ.’ (LGBTQ) ಸಮುದಾಯದ ಬಗ್ಗೆ ಸಹಾನುಭೂತಿ ಇರಲಿ! – ಪ.ಪೂ. ಸರಸಂಘಚಾಲಕ

ಈ ಸಂದರ್ಭದಲ್ಲಿ ಪ.ಪೂ. ಸರಸಂಘಚಾಲಕರು ‘ಎಲ್.ಜಿ.ಬಿ.ಟಿ.ಕ್ಯೂ.’ ಸಮುದಾಯದ (ಸಮಲಿಂಗಿ, ದ್ವಿಲಿಂಗಿ ಹಾಗೂ ಲಿಂಗ ಪರಿವರ್ತನೆ ಮಾಡಿಕೊಂಡ ಜನರ) ಬಗ್ಗೆಯೂ ಮಾತನಾಡಿದರು. ಅವರು, “ಎಲ್.ಜಿ.ಬಿ.ಟಿ.ಕ್ಯೂ. ಜನರ ಬಗ್ಗೆ ಯಾರೂ ಏನೂ ಮಾಡಲು ಸಾಧ್ಯವಿಲ್ಲ, ಸ್ವತಃ ಅವರೂ ಸಹ ಈ ಬಗ್ಗೆ ಏನೂ ಮಾಡಲು ಸಾಧ್ಯವಿಲ್ಲ. ಅವರು ಹಾಗೆಯೇ ಜನಿಸಿದ್ದಾರೆ. ಕೆಲವರು ಮನಸ್ಥಿತಿಯಿಂದಾಗಿ ನಂತರ ಹಾಗಾಗಿದ್ದಾರೆ, ಇನ್ನು ಕೆಲವರು ದೈಹಿಕ ಆಕರ್ಷಣೆಯಿಂದಾಗಿ ಹಾಗಾಗಿದ್ದಾರೆ. ಅವರೂ ಸಹ ಮನುಷ್ಯರು. ಅವರಿಗೂ ಜೀವಿಸುವ ಹಕ್ಕಿದೆ. ಸಮಾಜದಲ್ಲಿ ಅವರಿಗೂ ಒಂದು ವ್ಯವಸ್ಥೆಯಿದೆ. ಅವರನ್ನು ಕೀಳರಿಮೆಯಿಂದ ನೋಡಬೇಡಿ. ಶಿಖಂಡಿ ಒಬ್ಬ ರಾಜನಾಗಿದ್ದ. ಅವನು ಎಲ್ಲ ವೀರರೊಂದಿಗೆ ಯುದ್ಧಭೂಮಿಯಲ್ಲಿ ಹೋರಾಡಲು ಹೋಗಿದ್ದ. ಆದ್ದರಿಂದ ನಮ್ಮಲ್ಲಿ ಅದಕ್ಕೊಂದು ವ್ಯವಸ್ಥೆಯಿತ್ತು. ಇಂತಹ ವಿಷಯಗಳ ಮೇಲೆ ಅನಗತ್ಯವಾಗಿ ಗೊಂದಲ ಸೃಷ್ಟಿಸದೆ ಶಾಂತವಾಗಿ ಅವರಿಗಾಗಿ ಒಂದು ವ್ಯವಸ್ಥೆಯಾಗಬೇಕು, ಇದರಿಂದ ಸಮಾಜಕ್ಕೆ ಅವರ ಮೇಲಿರುವ ಸಹಾನುಭೂತಿ ಉಳಿಯುತ್ತದೆ” ಎಂದು ಹೇಳಿದರು.