ಜುನಾಗಢ (ಗುಜರಾತ್) ನಲ್ಲಿ ಅಕ್ರಮ ಮಜಾರ್ ಮತ್ತು ದರ್ಗಾಗಳ ತೆರವು ಮುಸ್ಲಿಮರ ವಿರೋಧ !

ಜುನಾಗಢ (ಗುಜರಾತ್) – ಇಲ್ಲಿಯ ಉಪರಕೋಟ್ ಕೋಟೆಯ ಸುತ್ತಲಿನ ಪ್ರದೇಶವನ್ನು ಅತಿಕ್ರಮಣ ಮುಕ್ತಗೊಳಿಸಲು ಆಡಳಿತವು ಅಭಿಯಾನವನ್ನು ಪ್ರಾರಂಭಿಸಿದೆ. ಇದರ ಅಡಿಯಲ್ಲಿ ಅನೇಕ ಅಕ್ರಮ ದೇವಾಲಯಗಳು, ಮಜಾರ್ ಗಳು (ಪೀರುಗಳು ಅಥವಾ ಫಕೀರರ ಗೋರಿಗಳು) ಮತ್ತು ದರ್ಗಾಗಳನ್ನು ಕೆಡವಲಾಗಿದೆ; ಆದರೆ ಸ್ಥಳೀಯ ಮುಸ್ಲಿಮರು ಇದಕ್ಕೆ ಧಾರ್ಮಿಕ ಬಣ್ಣ ನೀಡಲು ಯತ್ನಿಸುತ್ತಿದ್ದಾರೆ. ಈ ಅಭಿಯಾನವನ್ನು ಪ್ರಾರಂಭಿಸಿದ ನಂತರ, 2 ಸಾವಿರ ಮುಸ್ಲಿಮರು ಒಟ್ಟುಗೂಡಿ ಅದನ್ನು ವಿರೋಧಿಸಲು ಪ್ರಯತ್ನಿಸಿದರು.

Junagadh: 2000 Muslims come to protest against demolition of illegal structures, including dargahs and mazars, approach court after drive continues
https://t.co/Mo6SFGNHYo

— OpIndia.com (@OpIndia_com) May 30, 2023

ಮೇ 26, 2023 ರಂದು, ಆಡಳಿತವು ಅತಿಕ್ರಮಣಗಳನ್ನು ಕೆಡವುವ ಬಗ್ಗೆ ಚಾಲನೆಯನ್ನು ಪ್ರಾರಂಭಿಸಿತು. ಮೇ 26 ರಂದು ಮಧ್ಯರಾತ್ರಿ 2 ಗಂಟೆಗೆ ಜುನಾಗಢ ಕಾರ್ಪೊರೇಟರ್ ಅದ್ರೆಮಾನ ಪಂಜಾ, ಆಸಿಫ್ ಸ್ಯಾಂದ್, ವಹಾಬ್ ಖುರೇಷಿ ಸೇರಿ ಸುಮಾರು 2 ಸಾವಿರ ಮುಸ್ಲಿಮರು ಜಮಾಯಿಸಿದ್ದರು. ಇವರಲ್ಲಿ ಸ್ಥಳೀಯ ಮೌಲ್ವಿಗಳು (ಇಸ್ಲಾಮಿಕ್ ಧಾರ್ಮಿಕ ಮುಖಂಡರು), ಮುಫ್ತಿಗಳು (ಶರಿಯಾ ಕಾನೂನಿನ ವಿದ್ವಾಂಸರು) ಮತ್ತು ಮೌಲಾನಾಗಳು (ಇಸ್ಲಾಮಿಕ್ ವಿದ್ವಾಂಸರು) ಸೇರಿದ್ದರು. ಅವರು ಆಡಳಿತದ ಕ್ರಮವನ್ನು ತಡೆಯಲು ಪ್ರಯತ್ನಿಸಿದರು; ಆದರೆ ಆಡಳಿತವು ಪೊಲೀಸರ ಸಮ್ಮುಖದಲ್ಲಿ ಕಾರ್ಯಾಚರಣೆಯನ್ನು ಮುಂದುವರೆಸಿತು.

178 ಮಜಾರ್ ಸಹಿತ 11 ದೇವಸ್ಥಾನಗಳ ಮೇಲೆ ಕ್ರಮ !

ರಾಜ್ಯ ಸರಕಾರವು ಜುನಾಗಢದ ಉಪರಕೋಟ್ ಕೋಟೆಯನ್ನು 70 ಕೋಟಿ ರೂಪಾಯಿ ವೆಚ್ಚದಲ್ಲಿ ನವೀಕರಿಸಿದೆ. ಈ ಕೋಟೆಯನ್ನು ಈಗ ಸಾರ್ವಜನಿಕರಿಗೆ ತೆರೆಯಲಾಗುವುದು. ಇದಕ್ಕಾಗಿ ಕೋಟೆಯ ಸುತ್ತಲಿನ ಪ್ರದೇಶವನ್ನು ಅಕ್ರಮ ಒತ್ತುವರಿಯಿಂದ ಮುಕ್ತಗೊಳಿಸಲು ಆಡಳಿತವು ಅಭಿಯಾನವನ್ನು ಕೈಗೊಂಡಿತ್ತು, ಇದರ ಅಡಿಯಲ್ಲಿ 11 ದೇವಾಲಯಗಳು ಮತ್ತು 178 ಮಜಾರ್ ಗಳನ್ನು ನೆಲಸಮ ಮಾಡಲಾಗಿದೆ.

ಕ್ರಮದ ವಿರುದ್ಧ ಮುಸ್ಲಿಮರಿಂದ ನ್ಯಾಯಾಲಯದಲ್ಲಿ ಅರ್ಜಿ !

ಉಪರ್‌ಕೋಟ್‌ನಲ್ಲಿ ಅತಿಕ್ರಮಣದ ವಿರುದ್ಧ ನಡೆಯುತ್ತಿರುವ ಅಭಿಯಾನದ ಕುರಿತು ಮುಸ್ಲಿಂ ಗುಂಪು ಗುಜರಾತ್ ಹೈಕೋರ್ಟ್‌ಗೆ ಅರ್ಜಿ ಸಲ್ಲಿಸಿದ್ದು, ತುರ್ತು ವಿಚಾರಣೆಗೆ ಒತ್ತಾಯಿಸಿದೆ.