Love Jihad: ಹಿಂದೂ ಯುವತಿಯನ್ನು ಪ್ರೀತಿಯ ಬಲೆಯಲ್ಲಿ ಎಳೆದು ಮತಾಂತರಕ್ಕಾಗಿ ಒತ್ತಡ ಹೇರಿದ ಮುಸಲ್ಮಾನ ಯುವಕ

ಒಡಿಶಾದಲ್ಲಿ ಲವ್ ಜಿಹಾದ್

ಜಗತ್‌ಸಿಂಗ್‌ಪುರ (ಒಡಿಶಾ) – ಇಲ್ಲಿ ಮಹಮ್ಮದ್ ಸಮೀರ್ ಮನ್ಸೂರಿ ಎಂಬಾತ ಇಲ್ಲಿನ ಹಿಂದೂ ಯುವತಿಯೊಬ್ಬಳನ್ನು ಪ್ರೇಮದ ಬಲೆಗೆ ಬೀಳಿಸಿ ಅವಳೊಂದಿಗೆ ದೈಹಿಕ ಸಂಬಂಧ ಬೆಳೆಸಿದನು, ಹಾಗೆಯೇ ಅವಳಿಗೆ ಮದುವೆ ಮತ್ತು ಮತಾಂತರಕ್ಕೆ ಒತ್ತಡ ಹೇರಿದನು. ಈ ಪ್ರಕರಣದಲ್ಲಿ ಪೊಲೀಸರು ಮನ್ಸೂರಿಯನ್ನು ಬಂಧಿಸಿದರು. ಮನ್ಸೂರಿ ಮೂಲತಃ ಬಿಹಾರದ ಚಂಪಾರಣ ಜಿಲ್ಲೆಯವನು. ಪ್ರಸ್ತುತ ಅವನು ಕಾಶ್ಮೀರದಲ್ಲಿದ್ದು ಎಲೆಕ್ಟ್ರಿಷಿಯನ್ ಆಗಿ ಕೆಲಸ ಮಾಡುತ್ತಿದ್ದಾನೆ.

ಮನ್ಸೂರಿ ವರ್ಷ 2022 ರಲ್ಲಿ ಒಂದು ‘ಆನ್‌ಲೈನ್ ಗೇಮಿಂಗ್ ಅಪ್ಲಿಕೇಶನ್’ (ಆಪ್) ಮೂಲಕ ಜಗತ್‌ಸಿಂಗ್‌ಪುರ ಜಿಲ್ಲೆಯಲ್ಲಿನ ಸಂತ್ರಸ್ತೆಯ ಸಂಪರ್ಕಕ್ಕೆ ಬಂದನು. ಇಬ್ಬರೂ ಆತ್ಮೀಯ ಸ್ನೇಹಿತರಾದರು ಮತ್ತು ಶೀಘ್ರದಲ್ಲೇ ಅವರ ಸ್ನೇಹ ಪ್ರೀತಿಗೆ ತಿರುಗಿತು. ಸಂತ್ರಸ್ತೆಯನ್ನು ಭೇಟಿಯಾಗಲು ಆರೋಪಿಯ ಒಡಿಶಾಗೆ ಬಂದನು. ಇಬ್ಬರೂ ಹೋಟೆಲ್‌ನಲ್ಲಿ ಭೇಟಿಯಾದರು. ಅವನು ಸಂತ್ರಸ್ತೆ ಗೆ ತನ್ನೊಂದಿಗೆ ದೈಹಿಕ ಸಂಬಂಧವನ್ನು ಹೊಂದುವಂತೆ ಒತ್ತಾಯಿಸಿದನು; ಆದರೆ ಈ ಭೇಟಿಯ ನಂತರವೇ ಸಂತ್ರಸ್ತೆ ಆತನ ನಿಜಸ್ವರೂಪವನ್ನು ಅರಿತು ಆತನಿಂದ ದೂರ ಇರಲು ಪ್ರಾರಂಭಿಸಿದಳು. ಆನಂತರ ಆರೋಪಿಯು ಸಂತ್ರಸ್ತೆಯ ಅಶ್ಲೀಲ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪ್ರಸಾರ ಮಾಡುವುದಾಗಿ ಬೆದರಿಕೆ ಹಾಕುವ ಮೂಲಕ ಸಂತ್ರಸ್ತೆಗೆ ಬ್ಲಾಕ್ ಮೇಲ್ ಮಾಡಲು ಪ್ರಾರಂಭಿಸಿದನು. ಅವನು ಅವಳಿಗೆ ತನ್ನ ಧರ್ಮ ಬದಲಿಸಿ ಮದುವೆಯಾಗುವಂತೆ ಬಲವಂತ ಮಾಡಿದ್ದಾನೆ.

ನಾನು ಮತಾಂತರಗೊಳ್ಳಲು ನಿರಾಕರಿಸಿದಾಗ, ಅವನು ನಮ್ಮ ಕೆಲವು ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಸಾರ ಮಾಡಿದ್ದಾನೆ ಎಂದು ಸಂತ್ರಸ್ತೆಯು ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ತಿಳಿಸಿದ್ದಾಳೆ. ನನಗೆ ಅಪಕೀರ್ತಿ ಮಾಡುವುದಕ್ಕಾಗಿ ಆ ವೀಡಿಯೊಗಳನ್ನು ನನ್ನ ಕುಟುಂಬ, ಸಂಬಂಧಿಕರು ಮತ್ತು ಸ್ನೇಹಿತರಿಗೆ ಕಳುಹಿಸಿದ್ದಾನೆ. ನನ್ನ ತಂದೆಗೂ ಬ್ಲಾಕ್ ಮೇಲ್ ಮಾಡಲಾಗಿದೆ. ಅವನು ಹಣದ ಬೇಡಿಕೆಯನ್ನೂ ಮಾಡಿದ್ದನು ಎಂದಿದ್ದಾಳೆ.