ಹಿಂದೂಗಳು ಹಿಂದೂ ರಾಷ್ಟ್ರ ಸ್ಥಾಪನೆಯ ಕಾರ್ಯದಲ್ಲಿ ಪಾಲ್ಗೊಳ್ಳಬೇಕು ! – ಶ್ರೀ. ಗುರುಪ್ರಸಾದ ಗೌಡ, ರಾಜ್ಯ ಸಮನ್ವಯಕರು, ಹಿಂದೂ ಜನಜಾಗೃತಿ ಸಮಿತಿ

ಶಿಡ್ಲು ಪತ್ರಿಕೆಯ ೫೨ ನೇ ವಾರ್ಷಿಕೋತ್ಸವ ಸಮಾರಂಭದಲ್ಲಿ ಹಿಂದೂ ಜನಜಾಗೃತಿ ಸಮಿತಿಯ ಸಹಭಾಗ !

ಬೆಂಗಳೂರು : ‘ಸ್ವಾತಂತ್ರ್ಯಯೋಧರಾದ ಲಿಂ. ಶ್ರೀ. ಜಿ.ಪಿ. ಮಹಾನುಭಾವಿಮಠ ಅವರಿಂದ ಸ್ಥಾಪಿತಗೊಂಡ ‘ಶಿಡ್ಲು’ ಪತ್ರಿಕೆಯ ೫೨ ನೇ ವಾರ್ಷಿಕೋತ್ಸವವನ್ನು ಬೆಂಗಳೂರಿನ ವಿಲ್ಸನ್ ಗಾರ್ಡನ್‌ನಲ್ಲಿರುವ ಮಾರುತಿ ವಿದ್ಯಾಲಯದಲ್ಲಿ ಆಯೋಜಿಸಲಾಗಿತ್ತು. ಈ ವೇಳೆ ಸಾಹಿತಿಗಳಾದ ಹರಿದಾಸ ಬಿ.ಎನ್. ಇವರು ದೀಪ ಬೆಳಗಿಸುವ ಮೂಲಕ ಸಮಾರಂಭವನ್ನು ಉದ್ಘಾಟಿಸಿದರು. ೨ ಹಾಗೂ ೩ ಜುಲೈ ೨೦೨೨ ರ ಎರಡು ದಿನಗಳ ಈ ಕಾರ್ಯಕ್ರಮದಲ್ಲಿ ಸ್ವಾತಂತ್ರ್ಯೋತ್ಸವದ ಅಮೃತ ಮಹೋತ್ಸವ ಹಾಗೂ ‘ಏಕರೂಪ ನಾಗರಿಕ ಸಂಹಿತೆ’ (Common civil code) ವಿಷಯಗಳ ಕುರಿತು ವಿಚಾರ ಸಂಕಿರಣವನ್ನು ಏರ್ಪಡಿಸಲಾಗಿತ್ತು.

ಈ ವೇಳೆ ಹಿಂದೂ ಜನಜಾಗೃತಿ ಸಮಿತಿಯ ಸೌ. ಭವ್ಯಾ ಗೌಡ ಇವರು ಮಾತನಾಡುತ್ತಾ, ದೇಶದ ಹಿತದೃಷ್ಟಿಯಿಂದ ಸಮಾನ ನಾಗರಿಕ ಕಾಯ್ದೆಯು ಅತ್ಯಾವಶ್ಯಕವಾಗಿದೆ. ಇಂದು ಗೋವಾ ರಾಜ್ಯದಲ್ಲಿ ಸಮಾನ ನಾಗರಿಕ ಕಾಯ್ದೆಯು ಅನ್ವಯವಾದಂತೆ ದೇಶವ್ಯಾಪಿ ಅನ್ವಯ ಮಾಡಬೇಕು, ಇದರಿಂದ ಎಲ್ಲರಿಗೂ ಸಮಾನತೆ ಸಿಗುತ್ತದೆ ಎಂದರು. ಈ ಸಂದರ್ಭದಲ್ಲಿ ಶಿಡ್ಲು ಪತ್ರಿಕೆ ಮುಖ್ಯ ಸಂಪಾದಕರಾದ ಶ್ರೀ. ಮಹಾನುಭಾವಿಮಠ, ಎಂ.ಎಸ್.ರಾಮಯ್ಯ ಇನ್ಸ್‌ಟಿಟ್ಯೂಟ್ ಆಫ್ ಮ್ಯಾನೆಜಮೆಂಟ್‌ನ ನಿರ್ದೇಶಕ ಡಾ. ಮಾನಸಾ, ಮಾರುತಿ ವಿದ್ಯಾಲಯದ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಭಾರತಿ, ವರದಿಗಾರರಾದ ಸೌ. ವರ್ಷಾ ಹಾಗೂ ಹಲವಾರು ಪತ್ರಿಕಾ ಪ್ರತಿನಿಧಿಗಳು ಉಪಸ್ಥಿತರಿದ್ದರು.