ಮಥುರಾದ ಶ್ರೀ ಬಾಂಕೆ ಬಿಹಾರಿ ಮಂದಿರದಲ್ಲಿನ ಜನಸಂದಣಿಯಿಂದ ಉಸಿರುಗಟ್ಟಿ ವೃದ್ಧ ಭಕ್ತನ ಸಾವು

ಮಂದಿರದಲ್ಲಿ ಜನಸಂದಣಿ ಆಗದೆ ಇರುವ ಹಾಗೆ, ಮಂದಿರ ವ್ಯವಸ್ಥಾಪನೆಯವರು ಎಚ್ಚರಿಕೆ ವಹಿಸಬೇಕು !- ಸಂಪಾದಕರು 

ಮಥೂರಾ (ಉತ್ತರ ಪ್ರದೇಶ) – ಇಲ್ಲಿನ ಶ್ರೀ ಬಾಂಕೆ ಬಿಹಾರಿ ಮಂದಿರದಲ್ಲಿ ಫೆಬ್ರವರಿ 12 ರಂದು ಏಕಾದಶಿಯ ದಿನ ಲಕ್ಷ್ಮಣ ಎಂಬ 65 ವಯಸ್ಸಿನ ವ್ಯಕ್ತಿ ಉಸಿರುಗಟ್ಟಿ ಸಾವನ್ನಪ್ಪಿದ್ದಾರೆ. ಆದರೆ ಮಂದಿರ ವ್ಯವಸ್ಥಾಪನೆಯ ಅವರು ಮಾತ್ರ `ಪ್ರಸ್ತುತ ನಮ್ಮ ಹತ್ತಿರ ಯಾವುದೇ ಭಕ್ತನ ಸಾವಿನ ಮಾಹಿತಿ ಇಲ್ಲ’, ಎಂದು ಹೇಳಿದ್ದಾರೆ. ಶ್ರೀ ಬಾಂಕೆ ಬಿಹಾರಿ ಮಂದಿರದ ಭಕ್ತನ ಸಾವು ಘಟಿಸುವುದು ಇದು ಮೊದಲನೆಯ ಘಟನೆಯಲ್ಲ. ಈ ಮೊದಲು ಈ ರೀತಿಯ ಅನೇಕ ಘಟನೆಗಳು ಬೆಳಕಿಗೆ ಬಂದಿವೆ, ಅದರಲ್ಲಿ ಜನಸಂದಣಿಯಿಂದ ಅನೇಕರು ತಮ್ಮ ಜೀವವನ್ನು ಕಳೆದುಕೊಂಡಿದ್ದಾರೆ. ಮಂದಿರದಲ್ಲಿ ಪ್ರಚಂಡ ಜನಸಂದಣಿ ಇರುವುದರಿಂದ ಮತ್ತು ಯೋಗ್ಯ ವ್ಯವಸ್ಥೆ ಇಲ್ಲದಿರುವುದರಿಂದ ಈ ಘಟನೆ ನಡೆದಿದೆ ಎಂದು ಹೇಳಲಾಗುತ್ತಿದೆ. ಏಕಾದಶಿಯ ದಿನದಂದು ಮಥುರಾದಲ್ಲಿ ಅಷ್ಟೆಯಲ್ಲದೇ ದೂರದಿಂದಲೂ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ಮಂದಿರಕ್ಕೆ ದರ್ಶನಕ್ಕಾಗಿ ಬರುತ್ತಿರುತ್ತಾರೆ.

A 65-year-old man died of suffocation in Banke Bihari Mandir in #UttarPradesh’s #Mathura yesterday.https://t.co/kjU6pApdF2

— IndiaToday (@IndiaToday) February 13, 2022

ಮೃತರ ಸಂಬಂಧಿಕರು, ಯಾವಾಗ ಅವರು ಪ್ರಾರ್ಥನೆ ಮಾಡಲು ಮಂದಿರದ ಒಳಗೆ ತಲುಪಿದರು, ಆಗ ಬಹಳ ಜನಸಂದಣಿ ಇತ್ತು. ಆದ್ದರಿಂದ ಲಕ್ಷ್ಮಣ ಇವರ ಉಸಿರುಗಟ್ಟಿತು. ಅವರಿಗೆ ತಕ್ಷಣ ಅಲ್ಲಿಂದ ಹೊರಕರೆತರಲಾಯಿತು; ಆದರೆ ಮಂದಿರದ ಹೊರಗೆ ಬರುವಷ್ಟರಲ್ಲಿ ಅವರು ಪ್ರಜ್ಞೆ ತಪ್ಪಿದರು. ಅವರನ್ನು ತಕ್ಷಣ ಆಸ್ಪತ್ರೆಗೆ ಕರೆದೊಯ್ಯಲಾಯಿತು, ಅಲ್ಲಿ ಡಾಕ್ಟರರು ಅವರನ್ನು ಮೃತಪಟ್ಟಿದ್ದಾರೆಂದು ಹೇಳಿದರು.