ಕಳೆದ 24 ಗಂಟೆಗಳಲ್ಲಿ ಲವ್ ಜಿಹಾದ್‌ ನ ಮೂರು ಪ್ರಕರಣಗಳು ಬೆಳಕಿಗೆ

​

1. ಫರೀದಾಬಾದ್ (ಹರಿಯಾಣ) : ‘ಆರಿಫ್’ ಎಂಬ ವ್ಯಕ್ತಿ ‘ವೀರ್’ ಎಂಬ ಸುಳ್ಳು ಹೆಸರನ್ನು ಹೇಳಿ ತನ್ನ ಮೇಲೆ ಬಲಾತ್ಕಾರ ಮಾಡಿರುವ ಹಾಗೂ ಮದುವೆಯಾಗಿರುವುದಾಗಿ ಹಿಂದೂ ಮಹಿಳೆಯೊಬ್ಬರು ಆರೋಪ ಮಾಡಿದ್ದಾರೆ. ಆರಿಫ್ ಈಗಾಗಲೇ ಮೂರು ಮಕ್ಕಳ ತಂದೆ ಎಂಬುದು ನಂತರ ಬೆಳಕಿಗೆ ಬಂದಿದೆ. ಪೊಲೀಸರಿಗೆ ದೂರು ನೀಡುವಾಗ ‘ಗೋರಕ್ಷಾ ಬಜರಂಗ ದಳ’ದ ಬಿಟ್ಟು ಬಜರಂಗಿ ಅವರು ಕೂಡ ಸಂತ್ರಸ್ತೆಯೊಂದಿಗೆ ಉಪಸ್ಥಿತರಿದ್ದರು.

​2. ಕನ್ನೌಜ್ (ಉತ್ತರ ಪ್ರದೇಶ) : ವಿವಾಹಿತ ಹಿಂದೂ ಮಹಿಳೆಯೊಬ್ಬರು ತನ್ನ ಪತಿಯನ್ನು ಬಿಟ್ಟು 8 ವರ್ಷದ ಮಗನೊಂದಿಗೆ ಅನ್ಯಧರ್ಮೀಯ ಪ್ರೇಮಿಯೊಂದಿಗೆ ವಾಸಿಸಲು ಪ್ರಾರಂಭಿಸಿದರು. ಆದರೆ ಮತಾಂತರಕ್ಕಾಗಿ ಆಕೆಯ ಮೇಲೆ ಒತ್ತಡ ಹೇರಲಾಗುತ್ತಿದೆ ಎಂದು ಗ್ರಾಮದಲ್ಲಿ ಚರ್ಚೆಯಾಗುತ್ತಿದೆ. ಪತಿಯ ದೂರಿನ ಮೇರೆಗೆ ಪೊಲೀಸರು ಸದ್ಯ ತನಿಖೆ ನಡೆಸುತ್ತಿದ್ದಾರೆ.

​3. ಶಿವಪುರಿ (ಮಧ್ಯಪ್ರದೇಶ) : ಸಮೀರ್ ಖಾನ್ ಎಂಬಾತನು ಹಿಂದೂ ಹುಡುಗಿಯೊಬ್ಬಳನ್ನು ಸಾಮಾಜಿಕ ಮಾಧ್ಯಮಗಳ ಮೂಲಕ ಬಲೆಗೆ ಬೀಳಿಸಿಕೊಂಡನು. ಹುಡುಗಿಯೊಂದಿಗೆ ದೈಹಿಕ ಸಂಬಂಧ ಬೆಳೆಸಿ, ಆಕೆಯ ಖಾಸಗಿ ವಿಡಿಯೋಗಳನ್ನು ಚಿತ್ರೀಕರಿಸಿದನು. ಖಾಸಗಿ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಸಾರ ಮಾಡುವುದಾಗಿ ಬೆದರಿಕೆ ಹಾಕಿ, ಹಣದ ಬೇಡಿಕೆ ಮಾಡಿದ್ದಲ್ಲದೆ ಇಸ್ಲಾಂ ಧರ್ಮ ಸ್ವೀಕರಿಸುವಂತೆ ಕೂಡ ಸಮೀರ್ ಒತ್ತಡ ಹೇರಿದನು. ವಿಶ್ವ ಹಿಂದೂ ಪರಿಷತ್ ಸಹಾಯದಿಂದ ಸಂತ್ರಸ್ತೆ ದೂರು ನೀಡಿದ ನಂತರ ಅಪರಾಧ ದಾಖಲಾಗಿದೆ.