ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > ಅತ್ಯಾಚಾರ ಪ್ರಕರಣದಲ್ಲಿ ನಾರ್ವೆಯ ‘ ಕ್ರೌನ್  ಪ್ರಿನ್ಸೆಸ್’ ನ ಮಗನಿಗೆ ೪ ವರ್ಷಗಳ ಜೈಲು ಶಿಕ್ಷೆ!

ಅತ್ಯಾಚಾರ ಪ್ರಕರಣದಲ್ಲಿ ನಾರ್ವೆಯ ‘ ಕ್ರೌನ್  ಪ್ರಿನ್ಸೆಸ್’ ನ ಮಗನಿಗೆ ೪ ವರ್ಷಗಳ ಜೈಲು ಶಿಕ್ಷೆ!

(ಕ್ರೌನ್ ಪ್ರಿನ್ಸೆಸ್ ಎಂದರೆ ರಾಜಮನೆತನದ ಮುಂದಿನ ರಾಣಿಯಾಗುವ ಉತ್ತರಾಧಿಕಾರಿಣಿ)

ಓಸ್ಲೋ (ನಾರ್ವೆ) – ನಾರ್ವೆಯ ‘ ಕ್ರೌ ನ್ ಪ್ರಿನ್ಸೆಸ್’ ಮೆಟೆ-ಮಾರಿಟ್ ಅವರ ಮಗ ಮಾರಿಯಸ್ ಬೋರ್ಗ್ ಹೊಯ್ಬಿ ಎರಡು ಅತ್ಯಾಚಾರ ಪ್ರಕರಣಗಳಲ್ಲಿ ದೋಷಿ ಎಂದು ಓಸ್ಲೋ ಜಿಲ್ಲಾ ನ್ಯಾಯಾಲಯವು ತೀರ್ಪು ನೀಡಿದ್ದು, ಆತನಿಗೆ ೪ ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ. ೨೯ ವರ್ಷದ ಹೊಯ್ಬಿ ಇತರ ಅನೇಕ ಅಪರಾಧಗಳಲ್ಲೂ ದೋಷಿ ಎಂದು ಕಂಡುಬಂದಿದ್ದಾನೆ; ಆದರೆ ನ್ಯಾಯಾಲಯವು ಆತನನ್ನು ಇನ್ನುಳಿದ ಎರಡು ಅತ್ಯಾಚಾರ ಪ್ರಕರಣಗಳಿಂದ ಖುಲಾಸೆಗೊಳಿಸಿದೆ.

ಇಬ್ಬರು ಮಹಿಳೆಯರು ನಿದ್ದೆಯಲ್ಲಿದ್ದಾಗ ಮತ್ತು ಪ್ರತಿರೋಧ ಒಡ್ಡದ ಸ್ಥಿತಿಯಲ್ಲಿದ್ದಾಗ ಹೊಯ್ಬಿ ಅವರೊಂದಿಗೆ ಲೈಂಗಿಕ ಸಂಬಂಧ ಹೊಂದಿದ್ದನು ಎಂದು ನ್ಯಾಯಾಲಯ ಹೇಳಿದೆ. ಇವುಗಳಲ್ಲಿ ಒಂದು ಪ್ರಕರಣ ೨೦೧೮ ರಲ್ಲಿ, ಹಾಗೂ ಇನ್ನೊಂದು ೨೦೨೪ ರಲ್ಲಿ ಆಗಿದೆ.

ತನ್ನ ಮಾಜಿ ಪ್ರೇಯಸಿ ನೋರಾ ಹೌಕ್‌ಲ್ಯಾಂಡ್ ಜೊತೆ ದುರ್ವರ್ತನೆ ತೋರಿದ ಪ್ರಕರಣದಲ್ಲೂ ಹೊಯ್ಬಿ ದೋಷಿ ಎಂದು ಸಾಬೀತಾಗಿದೆ. ನಾಲ್ವರು ಮಹಿಳೆಯರಿಗೆ ಒಟ್ಟು ೬.೪೦ ಲಕ್ಷ ನಾರ್ವೇಜಿಯನ್ ಕ್ರೋನರ್ (ಅಂದಾಜು ೬೩ ಲಕ್ಷ ೫೦ ಸಾವಿರ ರೂಪಾಯಿ) ಪರಿಹಾರ ನೀಡುವಂತೆ ನ್ಯಾಯಾಲಯವು ಆತನಿಗೆ ಆದೇಶಿಸಿದೆ.

ಸಂಪಾದಕೀಯ ನಿಲುವು

ಇಂತಹ ಕಠಿಣ ಶಿಕ್ಷೆ ಭಾರತದಲ್ಲಿ ಎಷ್ಟು ಜನ ಅಪರಾಧಿ ರಾಜಕಾರಣಿಗಳಿಗೆ ಅಥವಾ ಅವರ ಅಪರಾಧಿ ಮಕ್ಕಳಿಗೆ ಆಗುತ್ತದೆ?

ಸಂಬಂಧಿತ ಲೇಖನಗಳು