ಮಾಲೆಗಾಂವ್ ನಲ್ಲಿ ಬಕ್ರೀದ್ ಸಂದರ್ಭದಲ್ಲಿ 906 ಗೋವುಗಳಿಗೆ ಜೀವದಾನ : 257 ಗೋಕಳ್ಳಸಾಗಾಣಿಕೆದಾರರ ವಿರುದ್ಧ ಪ್ರಕರಣ ದಾಖಲು !

ಮಾಲೆಗಾಂವ್ (ನಾಸಿಕ್) – ಬಕ್ರೀದ್ ಹೆಸರಿನಲ್ಲಿ ಗೋವುಗಳ ಹತ್ಯೆಯಾಗದಂತೆ ತಡೆಯಲು ಇಲ್ಲಿನ ಪೊಲೀಸರು ಗೋಹತ್ಯೆ ನಿಷೇಧ ಕಾಯ್ದೆಯನ್ನು ಕಟ್ಟುನಿಟ್ಟಾಗಿ ಜಾರಿಗೆ ತಂದಿದ್ದಾರೆ. ಮನೆಗಳು, ಪವರ್ ಲೂಮ್ ಕಾರ್ಖಾನೆಗಳು, ಗಲ್ಲಿಗಳು ಮತ್ತು ಪೊದೆಗಳಲ್ಲಿ ಬಚ್ಚಿಟ್ಟಿದ್ದ ಗೋವುಗಳನ್ನು ರಕ್ಷಿಸಲಾಗಿದೆ. ದುಬಾರಿ ವಾಹನಗಳಲ್ಲಿ ನಿರ್ದಯವಾಗಿ ತುರುಕಿ ಮಾಡುತ್ತಿದ್ದ ಕಳ್ಳಸಾಗಣೆಯನ್ನು ಪತ್ತೆಹಚ್ಚಿದ ಪೊಲೀಸರು ಒಟ್ಟು 906 ಗೋವುಗಳ ಹತ್ಯೆಯನ್ನು ತಡೆದಿದ್ದಾರೆ.

ಪೊಲೀಸರು ಮಾಲೆಗಾಂವ್ ವಿಭಾಗದಾದ್ಯಂತ ಒಟ್ಟು 155 ಕಠಿಣ ಕಾರ್ಯಾಚರಣೆಗಳನ್ನು ನಡೆಸಿದ್ದಾರೆ. ಇದರಲ್ಲಿ 257 ಗೋಕಳ್ಳಸಾಗಾಣಿಕೆದಾರರ ವಿರುದ್ಧ ಸುಧಾರಿತ ಗೋಹತ್ಯೆ ನಿಷೇಧ ಕಾಯ್ದೆಯಡಿ ಪ್ರಕರಣಗಳನ್ನು ದಾಖಲಿಸಲಾಗಿದೆ. ಪೊಲೀಸರು ‘ಗೋ ಸ್ಕ್ವಾಡ್’ (ವಿಶೇಷ ಪಡೆ) ನಿಯೋಜಿಸಿ ನಾಕಾಬಂಧಿ ಹೂಡಿದ್ದರು. ಈ ಕಾರ್ಯಾಚರಣೆಯಲ್ಲಿ ಒಟ್ಟು 906 ಗೋವುಗಳನ್ನು ಮುಕ್ತಗೊಳಿಸಿ, 110 ವಾಹನಗಳನ್ನು ವಶಪಡಿಸಿಕೊಳ್ಳಲಾಗಿದೆ.