ಕ್ಯಾಥೋಲಿಕ್ ಚರ್ಚ್‌ ನಿಂದ ನಡೆಸಲಾದ ಗುಲಾಮಗಿರಿಯ ಕುರಿತು ಕ್ಷಮೆಯಾಚಿಸಿದ ಪೋಪ್ ಲಿಯೋ

ವ್ಯಾಟಿಕನ್ ಸಿಟಿ – ಕ್ಯಾಥೋಲಿಕ್ ಚರ್ಚ್‌ನ ಇತಿಹಾಸದ ಒಂದು ಕರಾಳ ಅಧ್ಯಾಯವನ್ನು ಒಪ್ಪಿಕೊಳ್ಳುತ್ತಾ, ಪೋಪ್ ಲಿಯೋ ಅವರು ಚರ್ಚ್‌ನ ಗುಲಾಮಗಿರಿಯ ಪರಂಪರೆಯ ಬಗ್ಗೆ ಅಧಿಕೃತವಾಗಿ ಕ್ಷಮೆಯಾಚಿಸಿದ್ದಾರೆ. ಅವರು ಇದನ್ನು ‘ಕ್ರಿಶ್ಚಿಯನ್ ಸ್ಮೃತಿಯಲ್ಲಿನ ಒಂದು ಆಳವಾದ ಗಾಯ’ ಎಂದು ಕರೆದಿದ್ದಾರೆ.

𝗖𝗵𝘂𝗿𝗰𝗵’𝘀 𝗗𝗮𝗿𝗸 𝗣𝗮𝘀𝘁 𝗔𝗰𝗸𝗻𝗼𝘄𝗹𝗲𝗱𝗴𝗲𝗱 – 𝗪𝗵𝗮𝘁 𝗔𝗯𝗼𝘂𝘁 𝗙𝗼𝗿𝗰𝗲𝗱 𝗖𝗼𝗻𝘃𝗲𝗿𝘀𝗶𝗼𝗻𝘀 𝗧𝗼𝗱𝗮𝘆?

Pope Leo has apologised for the Catholic Church’s role in slavery, where millions of Africans were forcibly taken to the Americas and other… pic.twitter.com/tVpbMNQlKK

— Sanatan Prabhat (@SanatanPrabhat) May 26, 2026

ಒಂದು ಪ್ರಮುಖ ಭಾಷಣದಲ್ಲಿ ಪೋಪ್ ಅವರು, ಶತಮಾನಗಳವರೆಗೆ ಚರ್ಚ್‌ನ ಕೆಲವು ವ್ಯಕ್ತಿಗಳು ಮತ್ತು ಸಂಸ್ಥೆಗಳು ಮಾನವ ಘನತೆಗೆ ವಿರುದ್ಧವಾಗಿದ್ದ ಗುಲಾಮಗಿರಿಯ ವ್ಯವಸ್ಥೆಗೆ ಕೇವಲ ಮೂಕ ಸಮ್ಮತಿಯನ್ನು ನೀಡಿದ್ದು ಮಾತ್ರವಲ್ಲದೆ, ಕೆಲವು ಸಂದರ್ಭಗಳಲ್ಲಿ ಅದನ್ನು ಬೆಂಬಲಿಸಿದ್ದವು ಎಂಬುದನ್ನು ಒಪ್ಪಿಕೊಂಡಿದ್ದಾರೆ. ಈ ಕೃತ್ಯಗಳು ‘ಅಮಾನುಷ’ ಮತ್ತು ‘ಕ್ರಿಶ್ಚಿಯನ್ ಬೋಧನೆಗಳಿಗೆ ಸಂಪೂರ್ಣವಾಗಿ ವಿರುದ್ಧವಾಗಿವೆ’ ಎಂದಿದ್ದಾರೆ.

ಪೋಪ್ ಲಿಯೋ ಅವರು ಮಾತನಾಡಿ, ‘ನಾವು ದೇವರ ಮುಂದೆ ಮತ್ತು ಯಾರ ಪೂರ್ವಜರು ಈ ಅನ್ಯಾಯದ ಪರಿಣಾಮವನ್ನು ಎದುರಿಸಿದ್ದಾರೋ, ಅಂತಹ ಜನರ ಮುಂದೆ ಚರ್ಚ್‌ನ ಇತಿಹಾಸದ ಈ ಕಾಲಘಟ್ಟವು ಮಾನವೀಯತೆಗೆ ಕಳಂಕ ತಂದಿದೆ ಎಂಬುದನ್ನು ಒಪ್ಪಿಕೊಳ್ಳುತ್ತೇವೆ. ಕ್ರಿಶ್ಚಿಯನ್ ಧರ್ಮದ ಮೂಲ ಆಧಾರವಾಗಿರುವ ಭ್ರಾತೃತ್ವ ಮತ್ತು ಸಮಾನತೆಯ ಬೋಧನೆಗೆ ಇದರಿಂದ ದೊಡ್ಡ ಧಕ್ಕೆಯಾಗಿದೆ’, ಎಂದರು.

ತಪ್ಪುಗಳಿಗೆ ಪ್ರಾಯಶ್ಚಿತ್ತ ಮಾಡಿಕೊಳ್ಳಬೇಕಾಗಿದೆ !

ಚರ್ಚ್‌ಗೆ ಭೂತಕಾಲದ ತಪ್ಪುಗಳಿಗೆ ಪ್ರಾಯಶ್ಚಿತ್ತ ಮಾಡಿಕೊಳ್ಳಬೇಕಾಗಿದೆ ಮತ್ತು ಭವಿಷ್ಯದಲ್ಲಿ ಇನ್ನಷ್ಟು ನ್ಯಾಯಯುತ ಸಮಾಜದ ನಿರ್ಮಾಣಕ್ಕಾಗಿ ಪ್ರಯತ್ನಿಸಬೇಕಾಗಿದೆ ಎಂದು ಪೋಪ್ ಸ್ಪಷ್ಟಪಡಿಸಿದರು. ಕೇವಲ ಕ್ಷಮೆಯಾಚಿಸುವುದು ಅಷ್ಟೇ ಸಾಕಾಗುವುದಿಲ್ಲ, ಬದಲಿಗೆ ನಾವು ಈ ಇತಿಹಾಸದಿಂದ ಪಾಠ ಕಲಿತು ಪ್ರಸ್ತುತ ಕಾಲದಲ್ಲಿ ಅಸ್ತಿತ್ವದಲ್ಲಿರುವ ಆಧುನಿಕ ಗುಲಾಮಗಿರಿಯ ರೂಪಗಳ ವಿರುದ್ಧ ಹೋರಾಡಬೇಕಾಗಿದೆ ಎಂದು ಅವರು ಕರೆ ನೀಡಿದರು.

ಲಕ್ಷಾಂತರ ಆಫ್ರಿಕನ್ ಜನರನ್ನು ಬಲವಂತವಾಗಿ ಗುಲಾಮರನ್ನಾಗಿಸಿ ಅಮೆರಿಕ ಸೇರಿದಂತೆ ಇತರ ಖಂಡಗಳಿಗೆ ಕರೆದೊಯ್ಯಲಾಗಿತ್ತು !

ಪೋಪ್ ಅವರು ತಮ್ಮ ಭಾಷಣದಲ್ಲಿ ವಿಶೇಷವಾಗಿ ಅಟ್ಲಾಂಟಿಕ್ ಗುಲಾಮಗಿರಿ ವ್ಯಾಪಾರವನ್ನು ಉಲ್ಲೇಖಿಸಿದರು, ಇದರಲ್ಲಿ ಲಕ್ಷಾಂತರ ಆಫ್ರಿಕನ್ ಜನರನ್ನು ಬಲವಂತವಾಗಿ ಗುಲಾಮರನ್ನಾಗಿಸಿ ಅಮೆರಿಕ ಸೇರಿದಂತೆ ಇತರ ಖಂಡಗಳಿಗೆ ಕರೆದೊಯ್ಯಲಾಗಿತ್ತು. ಚರ್ಚ್ ಈ ಅನ್ಯಾಯದ ವಿರುದ್ಧ ಧ್ವನಿ ಎತ್ತುವ ಬದಲು ಅನೇಕ ಬಾರಿ ಮೌನವಾಗಿರಲು ಆದ್ಯತೆ ನೀಡಿತ್ತು, ಇದು ತಪ್ಪು ಎಂಬುದನ್ನು ಅವರು ಒಪ್ಪಿಕೊಂಡರು.