ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆಯವರನ್ನು ಅವತಾರಿ ಪುರುಷರೆನ್ನಲು ಕಾರಣವೇನು ?

ಸನಾತನ ಸಂಸ್ಥೆಯ ಸಂಸ್ಥಾಪಕ ಸಚ್ಚಿದಾನಂದ ಪರಬ್ರಹ್ಮ ಡಾ. ಜಯಂತ ಆಠವಲೆ ಅವರ ಮೇಲೆ ಶ್ರದ್ಧೆ ಇರುವವರು ಅವರನ್ನು ಅವತಾರಿ ಪುರುಷ ಎಂದು ನಂಬುತ್ತಾರೆ. ಸನಾತನದ ಸಾಧಕರು ಅವರನ್ನು ಗುರುಸ್ಥಾನದಲ್ಲಿ ಕಾಣುತ್ತಾರೆ ಮತ್ತು ಅವರಂತಹ ಗುರುಗಳನ್ನು ಎಲ್ಲೂ ನೋಡಿಲ್ಲ ಎಂಬುದು ಅವರ ಭಾವವಾಗಿದೆ. ಇವೆರಡಕ್ಕೂ ಕಾರಣವೆಂದರೆ ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆಯವರು ಕಲಿಸಿದ ’ಗುರುಕೃಪಾಯೋಗಾನುಸಾರ ಸಾಧನೆ’ ಮತ್ತು ಸಾಧಕರಿಗಾಗಿ ಒದಗಿಸಿದ ಅಪಾರ ಗುರುಸೇವೆ ! ಇದರ ಮಹತ್ವವನ್ನು ನನ್ನ ಅಲ್ಪ ಬುದ್ಧಿಗೆ ತಕ್ಕಂತೆ ಇಲ್ಲಿ ಮಂಡಿಸಲು ಪ್ರಯತ್ನಿಸಿದ್ದೇನೆ. (ಈ ಲೇಖನದಲ್ಲಿ ಪ.ಪೂ. ಡಾಕ್ಟರ್ ಎಂದು ಉಲ್ಲೇಖಿಸಲಾಗಿದೆ, ಅದು ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆ ಅವರ ಬಗ್ಗೆ ಇದೆ. – ಸಂಕಲನಕಾರರು)

೧. ಗುರುಕೃಪಾಯೋಗ

ಒಮ್ಮೆ ಪ.ಪೂ. ಡಾಕ್ಟರರ ಗುರುಗಳಾದ ಪ.ಪೂ. ಭಕ್ತರಾಜ ಮಹಾರಾಜರು ’ಸರ್ವಶ್ರೇಷ್ಠ ಯೋಗ ಯಾವುದು ?’, ಎಂದು ಕೇಳಿದರು. ಆಗ ಶಿಷ್ಯನ ಅತ್ಯುತ್ತಮ ಗುಣಗಳಿರುವ ಪ.ಪೂ. ಡಾಕ್ಟರರು ಪ್ರಚಲಿತ ಧ್ಯಾನಯೋಗ, ಜ್ಞಾನಯೋಗ, ಕರ್ಮಯೋಗ, ಭಕ್ತಿಯೋಗಗಳಲ್ಲಿ ಯಾವುದೂ ಒಂದನ್ನೂ ಹೇಳದೆ, ’ಗುರುಕೃಪಾಯೋಗ’ ಎಂದರು. ಅದನ್ನು ಕೇಳಿ ಪ.ಪೂ. ಭಕ್ತರಾಜ ಮಹಾರಾಜರು ’ಹೌದು, ಸರಿಯಾಗಿದೆ’ ಎಂದರು. ಎಲ್ಲಿಂದ ಬಂತು ಈ ಯೋಗ ? ’ಗುರುಕೃಪೆಯಿಲ್ಲದೆ ಯಾವುದೂ ಸಾಧ್ಯವಿಲ್ಲ’ ಎಂಬುದರ ಅನುಭೂತಿ ಪಡೆದಿದ್ದ ಶಿಷ್ಯ ಪ.ಪೂ. ಡಾ. ಜಯಂತ ಆಠವಲೆ ಅವರಿಗೆ ಮಾತ್ರ ಇದು ಹೊಳೆಯಲು ಸಾಧ್ಯ. ಆದ್ದರಿಂದ ಯಾವುದೇ ಯೋಗಾನುಸಾರ ಸಾಧನೆ ಮಾಡಿದರೂ, ಆಯಾ ಯೋಗದ ಗುರುಗಳ ಮಾರ್ಗದರ್ಶನದಲ್ಲಿ ಸಾಧನೆ ಮಾಡಿ ಗುರುಕೃಪೆ ಪಡೆದರೆ ಫಲಕಾರಿಯಾಗುತ್ತದೆ. ಆದ್ದರಿಂದಲೇ ’ಗುರುಕೃಪಾಯೋಗ’ವೇ ಶ್ರೇಷ್ಠ ! ಸ್ವಾಮಿ ವಿವೇಕಾನಂದರು  ಸಹ ಭಾರತದ ವೈಶಿಷ್ಟ್ಯವನ್ನು ಹೇಳುವಾಗ ’ಭಾರತದ ವೈಶಿಷ್ಟ್ಯವೆಂದರೆ ಗುರು-ಶಿಷ್ಯ ಪರಂಪರೆ’ ಎಂದಿದ್ದಾರೆ.

೩. ಸಾಧಕರಿಗೆ ಸಾಧನೆಯ ಪರ್ವಕಾಲವಾದ ಸೇವೆಗಳು

ಈ ವಿವಿಧ ಸೇವೆಗಳನ್ನು ಉಲ್ಲೇಖಿಸಲು ಕಾರಣವೇನೆಂದರೆ, ’ಎಷ್ಟು ವ್ಯಕ್ತಿಗಳೋ ಅಷ್ಟು ಪ್ರಕೃತಿಗಳು’, ಅದರಂತೆ ಸಾಧಕರಿಗೆ ಅವರ ಸಾಧನೆಗಾಗಿ ಈ ಸೇವೆಗಳು ಲಭ್ಯವಾದವು. ಅಕ್ಷರಶಃ ಶೂನ್ಯದಿಂದ ಎದ್ದು ನಿಂತಿರುವ ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆಯವರ ಈ ಅಪಾರ ಕಾರ್ಯವು ಪ.ಪೂ. ಭಕ್ತರಾಜ ಮಹಾರಾಜರು ಹೇಳಿದಂತೆ ’ದುಃಖಿಗಳು ಜಿಜ್ಞಾಸುಗಳಾಗಲಿ, ಜಿಜ್ಞಾಸುಗಳು ಮುಮುಕ್ಷುಗಳಾಗಲಿ, ಮುಮುಕ್ಷುಗಳು ಸಾಧಕರಾಗಲಿ, ಮತ್ತು ಸಾಧಕರು ಮೋಕ್ಷಕ್ಕೆ ಹೋಗಲಿ’, ಇದಕ್ಕಾಗಿಯೇ ಇದೆ. ಸಾಧನೆ ಎಂದು ತಮಗೆ ವಹಿಸಿಕೊಟ್ಟ ಸೇವೆಗಳನ್ನು ಮಾಡುವುದು ಮತ್ತು ಅವುಗಳನ್ನು ಮಾಡುವಾಗ ಗುರುಕೃಪಾಯೋಗಾನುಸಾರ ಅಷ್ಟಾಂಗ ಸಾಧನೆಯನ್ನು ಅದಕ್ಕೆ ಜೋಡಿಸಿ ಅದರಿಂದ ಆನಂದವನ್ನು ಪಡೆಯುವುದು, ಇದು ಸಾಧಕರಿಗೆ ಒಂದು ಹಬ್ಬವೇ ಆಗಿದೆ. ಆ ಮೂಲಕ ಅನೇಕ ಸಾಧಕರು ತಮ್ಮ ಆಧ್ಯಾತ್ಮಿಕ ಉನ್ನತಿಯನ್ನು ಮಾಡಿಕೊಂಡಿದ್ದಾರೆ.

೪. ಸರ್ವ ಪ್ರಾಣಿಮಾತ್ರರ ಕಲ್ಯಾಣಕ್ಕಾಗಿಯೇ !

ನಿಜವಾಗಿ ಹೇಳಬೇಕೆಂದರೆ ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆಯವರು ಕಟ್ಟಿರುವ ಈ ಅಪಾರ ಕಾರ್ಯವಿಶ್ವವು, ಜಗತ್ತಿನಾದ್ಯಂತ ಅವರ ಖ್ಯಾತಿಯಾಗಲಿ, ಅವರಿಗೆ ಸನ್ಮಾನವಾಗಲಿ, ಸಮಾಜವು ಅವರನ್ನು ಗೌರವಿಸಲಿ ಎಂಬುದಕ್ಕಾಗಿ ಮಾಡಿದ್ದಲ್ಲ. ಅಂತಹ ವಿಚಾರವು ಸೂಕ್ಷ್ಮ ಮಟ್ಟದಲ್ಲಿಯೂ ಎಂದಿಗೂ ಗುರುದೇವರ ಮನಸ್ಸಿನಲ್ಲಿ ಬಂದಿಲ್ಲ ಎಂಬುದು ಖಚಿತ ! ಅವರ ತೀವ್ರ ಜಿಜ್ಞಾಸುವೃತ್ತಿ, ಸಾಧಕರ ಮೇಲಿನ ಪ್ರೀತಿ, ಸರ್ವಪ್ರಾಣಿಮಾತ್ರರ ಕಲ್ಯಾಣವಾಗಲಿ ಎಂಬ ತುಡಿತ, ಇವುಗಳಿಂದಾಗಿಯೇ ಈ ಅಪಾರ ಕಾರ್ಯ ವಿಶ್ವವು ನಿರ್ಮಾಣವಾಗಿದೆ. ಎಲ್ಲಾ ಕಾರ್ಯಗಳು ಅವರ ಮಾರ್ಗದರ್ಶನದಂತೆಯೇ ಪ್ರಾರಂಭವಾದವು ಮತ್ತು ಅದರಂತೆಯೇ ನಡೆಯುತ್ತಿವೆ; ಆದರೆ ಅವರು ಮಾತ್ರ ಅದರಿಂದ ನಿರ್ಲಿಪ್ತರಾಗಿದ್ದಾರೆ. ಆದ್ದರಿಂದಲೇ ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆ ಅವರು ಅದ್ವಿತೀಯ ಮತ್ತು ಅವತಾರಿ ಪುರುಷರಾಗಿದ್ದಾರೆ. ಅವರ ಚರಣ ಸೇವೆ ಎಂದರೆ, ಅವರ ಈ ಕಾರ್ಯದ ಜವಾಬ್ದಾರಿಯನ್ನು ನಿಭಾಯಿಸುವುದು ಮತ್ತು ಅವರಂತೆಯೇ ನಿರ್ಲಿಪ್ತರಾಗಿರುವುದೇ ಆಗಿದೆ !

– ಶ್ರೀ. ವೀರೇಂದ್ರ ಮರಾಠೆ, ವ್ಯವಸ್ಥಾಪಕ ವಿಶ್ವಸ್ಥರು, ಸನಾತನ ಸಂಸ್ಥೆ (೧.೫.೨೦೨೬)