ಕೋಟೆ-ಕೊತ್ತಲಗಳ ಮೇಲಿನ ಅತಿಕ್ರಮಣಗಳನ್ನು ಬುಲ್ಡೋಜರ್ ಮೂಲಕ ಧ್ವಂಸಗೊಳಿಸಲಾಗುವುದು! – ಉದ್ಯೋಗ ಖಾತರಿ ಮತ್ತು ತೋಟಗಾರಿಕಾ ಸಚಿವ ಭರತಶೇಠ ಗೋಗಾವಲೆ

ಸಾತಾರಾ, 22 ಮಾರ್ಚ್ (ವಾರ್ತೆ) – ಮಹಾರಾಷ್ಟ್ರವು ಸಂತರು ಮತ್ತು ದೇವಸ್ಥಾನಗಳ ಪುಣ್ಯಭೂಮಿಯಾಗಿದೆ. ದೇವಸ್ಥಾನಗಳ ಭೂಮಿಯ ಮೇಲೆ ಕಣ್ಣಿಟ್ಟಿರುವ ಅಥವಾ ಅಲ್ಲಿ ಅನಧಿಕೃತ ಅತಿಕ್ರಮಣ ಮಾಡಲು ಪ್ರಯತ್ನಿಸಿದವರಿಗೆ ಈ ಆಡಳಿತವು ಬಿಸಿ ಮುಟ್ಟಿಸದೇ ಬಿಡುವುದಿಲ್ಲ. ಅಂದಿನ ಮುಖ್ಯಮಂತ್ರಿ ಏಕನಾಥ ಶಿಂದೆ ಅವರು ಧೈರ್ಯ ತೋರಿ ಪ್ರತಾಪಗಡದ ತಪ್ಪಲಿನಲ್ಲಿರುವ ಅಫ್ಜಲ್ ಖಾನನ ಸಮಾಧಿಯ ಸುತ್ತಲಿನ ಅತಿಕ್ರಮಣವನ್ನು ನೆಲಸಮಗೊಳಿಸಿದಂತೆ, ಅದೇ ದೃಢತೆಯಿಂದ ಈ ಆಡಳಿತವು ಕೋಟೆ-ಕೊತ್ತಲಗಳ ಮತ್ತು ದೇವಸ್ಥಾನಗಳ ಭೂಮಿಯ ಮೇಲಿನ ಅತಿಕ್ರಮಣಗಳನ್ನು ಬುಲ್ಡೋಜರ್ ಹಚ್ಚಿ ನಾಶಪಡಿಸಲಿದೆ ಎಂದು ರಾಜ್ಯದ ಉದ್ಯೋಗ ಖಾತರಿ ಮತ್ತು ತೋಟಗಾರಿಕಾ ಸಚಿವ ಶ್ರೀ. ಭರತಶೇಠ ಗೋಗಾವಲೆ ಅವರು ಇಲ್ಲಿ ನಿಷ್ಠೂರವಾಗಿ ನುಡಿದರು.

ಮಹಾರಾಷ್ಟ್ರ ಮಂದಿರ ಮಹಾಸಂಘದ ವತಿಯಿಂದ ಮಾರ್ಚ್ 22 ರಂದು ಸಾತಾರಾದ ಐತಿಹಾಸಿಕ ಭೂಮಿಯ ಸ್ವರಾಜ ಸಾಂಸ್ಕೃತಿಕ ಭವನದಲ್ಲಿ ಆಯೋಜಿಸಲಾಗಿದ್ದ ‘ಚತುರ್ಥ ಮಹಾರಾಷ್ಟ್ರ ಮಂದಿರ ನ್ಯಾಸ ಪರಿಷತ್ತಿನಲ್ಲಿ’ ಅವರು ಮಾತನಾಡುತ್ತಿದ್ದರು. ಈ ಸಂದರ್ಭದಲ್ಲಿ ಅವರು ಉಪಮುಖ್ಯಮಂತ್ರಿ ಶ್ರೀ. ಏಕನಾಥ ಶಿಂದೆ ಅವರ ಪ್ರತಿನಿಧಿಯಾಗಿ ಮತ್ತು ಒಬ್ಬ ಹಿಂದುತ್ವನಿಷ್ಠ ಬಂಧುವಾಗಿ ತಮ್ಮ ವಿಚಾರಗಳನ್ನು ಮಂಡಿಸಿದರು.

🚩 Big Move for Maharashtra’s Heritage & Temples🚩

At the 4th Maharashtra Temple Trust Conference in Satara, Minister Bharatseth Gogawale issued a bold warning: Encroachments on our historic forts will be cleared with bulldozers. 🚜🔥

Key Highlights:
🔹 Strict Action: The… pic.twitter.com/n9W6GilAaY

— Sanatan Prabhat (@SanatanPrabhat) March 22, 2026

ದೇವಸ್ಥಾನದ ಭೂಮಿಯನ್ನು ಕೇವಲ ‘ದೇವಕಾರ್ಯಕ್ಕಾಗಿ’ ಮಾತ್ರ ಬಳಸಿ! ಛತ್ರಪತಿ ಶಿವಾಜಿ ಮಹಾರಾಜರು ಯಾವ ಭೂಮಿಯಲ್ಲಿ ಅಫ್ಜಲ್ ಖಾನನನ್ನು ಸಂಹರಿಸಿದರೋ, ಅದೇ ಪವಿತ್ರ ಸಾತಾರಾದಲ್ಲಿ ಪರಿಷತ್ತಿಗೆ 1 ಸಾವಿರದ 100 ಕ್ಕೂ ಹೆಚ್ಚು ದೇವಸ್ಥಾನಗಳ ಪ್ರತಿನಿಧಿಗಳು ಒಗ್ಗೂಡಿದ್ದಾರೆ. ನಮಗೆ ದೇವಸ್ಥಾನಗಳ ರಕ್ಷಣೆ ಮಾಡುವುದು ರಾಜಕೀಯವಲ್ಲ, ಬದಲಾಗಿ ಅದು ನಮ್ಮ ಧರ್ಮ ಮತ್ತು ಶ್ರದ್ಧೆಯ ವಿಷಯವಾಗಿದೆ. ವಂದನೀಯ ಹಿಂದೂಹೃದಯ ಸಾಮ್ರಾಟ ಬಾಳಾಸಾಹೇಬ್ ಠಾಕ್ರೆ ಅವರು ನಮಗೆ ‘ದೇವ ಮತ್ತು ದೇಶ’ಕ್ಕಾಗಿ ಎಂದಿಗೂ ರಾಜಿ ಮಾಡಿಕೊಳ್ಳದಂತೆ ಕಲಿಸಿದ್ದಾರೆ. ‘ದೇವಸ್ಥಾನದ ಭೂಮಿಯ ಬಳಕೆಯು ಕೇವಲ ದೇವಕಾರ್ಯಕ್ಕಾಗಿ ಮಾತ್ರ ಆಗಬೇಕು’ ಎಂಬ ಸೂಚನೆಯನ್ನು ಕಂದಾಯ ಇಲಾಖೆಗೆ ನೀಡಲಾಗಿದೆ. 2026-27 ರ ಬಜೆಟ್‌ನಲ್ಲಿ ಧಾರ್ಮಿಕ ಪ್ರವಾಸೋದ್ಯಮಕ್ಕಾಗಿ ದೊಡ್ಡ ಮೊತ್ತವನ್ನು ಮೀಸಲಿಡಲಾಗಿದೆ. ಇದರಲ್ಲಿ ರಾಜ್ಯದ 5 ಜ್ಯೋತಿರ್ಲಿಂಗಗಳ ಅಭಿವೃದ್ಧಿಗಾಗಿ ಪ್ರತ್ಯೇಕ ನಿಧಿ ಮತ್ತು ಸಮನ್ವಯಾಧಿಕಾರಿಗಳನ್ನು ನೇಮಿಸಲಾಗಿದೆ, ಹಾಗೆಯೇ 50 ಆಯ್ದ ಧಾರ್ಮಿಕ ಸ್ಥಳಗಳ ಆಧುನೀಕರಣಕ್ಕಾಗಿ ‘ಪ್ರಾದೇಶಿಕ ಪ್ರವಾಸೋದ್ಯಮ ಅಭಿವೃದ್ಧಿ ಯೋಜನೆ’ಯಿಂದ ನಿಧಿ ಮಂಜೂರು ಮಾಡಲಾಗಿದೆ ಎಂದು ಶ್ರೀ. ಗೋಗಾವಲೆ ತಿಳಿಸಿದರು. ಈ ವೇಳೆ ಅವರು ಮಹಾರಾಷ್ಟ್ರ ರಾಜ್ಯದ ದೇವಸ್ಥಾನಗಳ ಅಭಿವೃದ್ಧಿಗಾಗಿ ಸರಕಾರ ಕೈಗೊಂಡಿರುವ ಪ್ರಮುಖ ನಿರ್ಧಾರಗಳ ಮಾಹಿತಿಯನ್ನು ನೀಡಿದರು.

ದೇವಸ್ಥಾನಗಳು ಸುರಕ್ಷಿತವಾಗಿದ್ದರೆ ಮಾತ್ರ ದೇವ, ದೇಶ ಮತ್ತು ಧರ್ಮ ಸುರಕ್ಷಿತವಾಗಿರಲು ಸಾಧ್ಯ! – ಯೋಗಿ ನಿರಂಜನ ನಾಥ, ಮುಖ್ಯ ವಿಶ್ವಸ್ತರು, ಆಳಂದಿ ದೇವಸ್ಥಾನ

ಯಾವ ಭೂಮಿಯಲ್ಲಿ ಜ್ಞಾನೇಶ್ವರ ಮಾವುಲಿಯವರು 16 ನೇ ವಯಸ್ಸಿನಲ್ಲಿ ‘ಜ್ಞಾನೇಶ್ವರಿ’ ಬರೆದರೋ ಮತ್ತು ಛತ್ರಪತಿ ಶಿವಾಜಿ ಮಹಾರಾಜರು 16 ನೇ ವಯಸ್ಸಿನಲ್ಲಿ ‘ಹಿಂದವಿ ಸ್ವರಾಜ್ಯ’ದ ಪ್ರತಿಜ್ಞೆ ಮಾಡಿದರೋ, ಆ ಪರಾಕ್ರಮಿ ಪರಂಪರೆಯ ಪ್ರತಿನಿಧಿಗಳು ನಾವಾಗಿದ್ದೇವೆ. ಇಂದು ದೇವಸ್ಥಾನಗಳನ್ನು ಉಳಿಸಲು ಎಲ್ಲಾ ವಿಶ್ವಸ್ತರು ಒಗ್ಗೂಡುವುದು ಈ ‘ಮಹಾರಾಷ್ಟ್ರ ಮಂದಿರ ನ್ಯಾಸ ಪರಿಷತ್ತಿನ’ ನಿಜವಾದ ಸಂಜೀವಿನಿಯಾಗಿದೆ. ದೇವಸ್ಥಾನಗಳು ಸುರಕ್ಷಿತವಾಗಿದ್ದರೆ ಮಾತ್ರ ನಮ್ಮ ದೇವ, ದೇಶ ಮತ್ತು ಧರ್ಮ ಸುರಕ್ಷಿತವಾಗಿರುತ್ತದೆ.

ಇಂದು ಜಗನ್ನಾಥಪುರಿಯ ಯಾತ್ರೆಯನ್ನು ದೊಡ್ಡದಾಗಿ ಪರಿಗಣಿಸಲಾಗುತ್ತಿದ್ದರೂ, ವ್ಯವಸ್ಥಾಪನೆ, ಯೋಜನೆ ಮತ್ತು ಭಕ್ತಿಭಾವದಲ್ಲಿ ‘ಆಷಾಢಿ ವಾರಿ’ ವಿಶ್ವದ ಶ್ರೇಷ್ಠ ವಾರಿಯಾಗಿದೆ. ಭಾರತವು ಜಗತ್ತಿಗೆ ವ್ಯವಸ್ಥಾಪನೆಯ ಕೊಡುಗೆಯನ್ನು ನೀಡಿದೆ, ಆದ್ದರಿಂದ ಜಗತ್ತು ನಮಗೆ ವ್ಯವಸ್ಥಾಪನೆಯನ್ನು ಕಲಿಸುವ ಅಗತ್ಯವಿಲ್ಲ. ದೇವಸ್ಥಾನಗಳ ಸಂಪತ್ತಿನ ಮೇಲೆ ಕಣ್ಣಿಟ್ಟಿರುವವರ ಸಂಚನ್ನು ಹತ್ತಿಕ್ಕಿ. ದುರ್ದೈವವಶಾತ್ ನಮ್ಮಲ್ಲೇ ಕೆಲವು ಮಂದಿ ದೇವಸ್ಥಾನಗಳ ಭೂಮಿಯನ್ನು ಕಬಳಿಸಿದ್ದಾರೆ. ದೇವಸ್ಥಾನದ ಒಂದು ಇಂಚು ಭೂಮಿಯೂ ಹೋಗಬಾರದು ಎಂಬ ಬಗ್ಗೆ ಪ್ರತಿಯೊಬ್ಬ ವಿಶ್ವಸ್ತರು ಜಾಗರೂಕರಾಗಿರಬೇಕು. ಕೆಲವು ಜನರು ‘ದೇವಸ್ಥಾನಗಳ ಜಾಗದಲ್ಲಿ ಶಾಲೆ-ಆಸ್ಪತ್ರೆಗಳನ್ನು ಕಟ್ಟಿ’ ಎಂದು ಹೇಳುತ್ತಾರೆ; ಆದರೆ ಕೊರೋನಾ ಮಹಾಮಾರಿಯಂತಹ ಭೀಕರ ಸಂಕಟದಲ್ಲಿ ಇದೇ ದೇವಸ್ಥಾನಗಳು ಕೋಟ್ಯಂತರ ಜನರಿಗೆ ಅನ್ನದಾನ ಮಾಡಿ ಉಳಿಸಿವೆ ಎಂಬುದನ್ನು ಮರೆಯಲು ಸಾಧ್ಯವಿಲ್ಲ. ಜಯಸಿಂಗಪುರದ ಶ್ರೀ ಸ್ವಾಮಿ ಸಮರ್ಥ ಕೇಂದ್ರ ಮತ್ತು ಪುಣೆಯ ದಗಡುಶೇಠ ಹಲವಾಯಿ ಗಣಪತಿ ದೇವಸ್ಥಾನದ ಸೇವೆಯ ಆದರ್ಶವು ಎಲ್ಲರ ಮುಂದಿದೆ.

ದೇವಸ್ಥಾನಗಳು ಕೇವಲ ಉಪಾಸನೆಯ ಕೇಂದ್ರಗಳಲ್ಲ, ಬದಲಾಗಿ ಭಾರತೀಯ ಅರ್ಥವ್ಯವಸ್ಥೆ ಮತ್ತು ಸಂಸ್ಕೃತಿಯ ಪ್ರಾಣ! – ಸಂದೀಪ ಸಿಂಗ್, ಪ್ರಖರ ಹಿಂದುತ್ವನಿಷ್ಠ ಅಧ್ಯಯನಕಾರ

ವಿಶ್ವದ ಅನೇಕ ದೊಡ್ಡ ನಗರಗಳು ಕಾರ್ಖಾನೆಗಳಿಂದಾಗಿ ನಿರ್ಮಾಣವಾದವು ಮತ್ತು ಕಾರ್ಖಾನೆಗಳು ಮುಚ್ಚಿದ ಕೂಡಲೇ ಅವು ನಾಶವಾದವು; ಆದರೆ ಅಯೋಧ್ಯಾ, ಕಾಶಿ, ಉಜ್ಜಯಿನಿ ಮತ್ತು ತಿರುಪತಿಯಂತಹ ನಗರಗಳು ಸಾವಿರಾರು ವರ್ಷಗಳಿಂದ ಕೇವಲ ದೇವಸ್ಥಾನಗಳಿಂದಾಗಿ ಜೀವಂತವಾಗಿವೆ. ದೇವಸ್ಥಾನಗಳು ಕೇವಲ ಪ್ರಾರ್ಥನಾ ಸ್ಥಳಗಳಲ್ಲ, ಅವು ನಮ್ಮ ಅರ್ಥವ್ಯವಸ್ಥೆಯ ಆಧಾರಸ್ತಂಭಗಳಾಗಿವೆ. ‘ಸಮಾಜದಲ್ಲಿ ದೇವಸ್ಥಾನ ಅರ್ಥವ್ಯವಸ್ಥೆಯ ಮಹತ್ವ’ ಎಂಬ ವಿಷಯದ ಮೇಲೆ ಶ್ರೀ. ಸಂದೀಪ ಸಿಂಗ್ ಅವರು ತಮ್ಮ ವಿಚಾರಗಳನ್ನು ಮಂಡಿಸಿದರು.

ಶ್ರೀ. ಸಂದೀಪ್ ಸಿಂಗ್ ಅವರು ಮುಂದುವರಿದು ಮಾತನಾಡುತ್ತಾ, ದೇವಸ್ಥಾನಗಳು ಸುರಕ್ಷಿತವಾಗಿರದಿದ್ದರೆ ನಮ್ಮ ಸಂಸ್ಕೃತಿ ನಾಶವಾಗುತ್ತದೆ. ತಮಿಳುನಾಡಿನ ದೇವಸ್ಥಾನಗಳು ಸಮಾಜದಿಂದ ದೂರವಾದ ಕಾರಣ ಸಂಕಟದಲ್ಲಿವೆ. ಆ ತಪ್ಪು ಮಹಾರಾಷ್ಟ್ರದಲ್ಲಿ ಆಗದಂತೆ ನೋಡಿಕೊಳ್ಳಬೇಕು. ಪ್ರತಿಯೊಬ್ಬ ಹಿಂದೂವು ದೇವಸ್ಥಾನದ ಕಾರ್ಯಕರ್ತನಾಗಿ ಧರ್ಮದ ರಕ್ಷಣೆ ಮಾಡಬೇಕು ಎಂದರು.

ಮಂದಿರ ಪರಿಷತ್ತಿನಲ್ಲಿ ಉಪಸ್ಥಿತರಿರುವ ಸಂತರು, ಗಣ್ಯರು !

ಶ್ರೀ ಜ್ಯೋತಿರ್ಲಿಂಗ ಭೀಮಾಶಂಕರ ದೇವಸ್ಥಾನದ ಅಧ್ಯಕ್ಷರಾದ ಶ್ರೀ ಸುರೇಶ್ ಕೌದರೆ, ಹ.ಭ.ಪ. ಬಬನ್‌ರಾವ್ ಸಾಪತೆ, ಹ.ಭ.ಪ. ವಿಠ್ಠಲ ಸ್ವಾಮಿ ವಡಗಾಂವ್‌ಕರ್, ‘ಸ್ವಾಮಿ ಸಮರ್ಥ ರಾಮದಾಸ ಸ್ವಾಮಿ ಸಂಸ್ಥಾನ’ದ ಪೂ. ಉದಯ್ ಶೇಕಡೆ, ಹ.ಭ.ಪ. ಪುರುಷೋತ್ತಮ ಕುಲಕರ್ಣಿ; ಪಳಶಿಯ ದತ್ತ ಮಂದಿರದ ಪೂ. ಜಗದೀಶ್ ಪಿಸಾಳ್ ಮಹಾರಾಜ್, ರತ್ನಾಗಿರಿಯ ‘ಪತಂಜಲಿ ಯೋಗ ಸಮಿತಿ’ಯ ಅಧಿವಕ್ತರಾದ ವಿದ್ಯಾನಂದ್ ಜೋಗ್, ಮಾಜಿ ಧರ್ಮದಾಯ ಆಯುಕ್ತರಾದ ಶ್ರೀ ದಿಲೀಪ್ ದೇಶಮುಖ್, ವಿಶ್ವ ಹಿಂದೂ ಪರಿಷತ್ತಿನ ಅಧ್ಯಕ್ಷರಾದ ಶ್ರೀ ವಿಜಯರಾವ್ ಗಾಢವೆ, ಮಲ್ಕಾಪುರ (ಜಿಲ್ಲೆ ಕೊಲ್ಲಾಪುರ)ದ ವಿಠ್ಠಲ ಮಂದಿರದ ವಿಶ್ವಸ್ಥರಾದ ಶ್ರೀ ಬಾಬಾಸಾಹೇಬ್ ಪಾಟೀಲ್, ತುಳಜಾಪುರದ ಗರೀಬ್‌ನಾಥ ಮಠದ ಮಠಾಧೀಶರಾದ ಮಹಾಂತ ಮಾವ್‌ಜೀನಾಥ ಮಹಾರಾಜ್, ಅಹಿಲ್ಯಾನಗರದ ‘ಸಂಜೀವನಿ ಭಾರತಿ ಅಖಾಡ’ದ ಮಹಾಂತ ಸೋಹಂ ಭಾರತಿ, ‘ಶ್ರೀ ಹನುಮಾನ್ ಮಂದಿರ ನಾರ್ದರ್ನ್ ಬ್ರಾಂಚ್‌’ನ ಶ್ರೀ ವಿಲಾಸ್ ಪುಂಡ್, ಅಕೋಲಾದ ಪುರಾತನ ಮಹಾದೇವ ಮಂದಿರದ ಅಧ್ಯಕ್ಷರಾದ ಶ್ರೀ ಅರವಿಂದ್ ದೇಠೆ, ಈಶ್ವರಪುರ (ಜಿಲ್ಲೆ ಸಾಂಗ್ಲಿ)ದ ಶ್ರೀ ಅಮಲ್ ಮಲಗುಂಡೆ, ‘ನಾಥನಗರಿ’ಯ ಸಂಪಾದಕರು ಮತ್ತು ಖರಸುಂಡಿ (ತಾಲೂಕು ಆಟಪಾಡಿ, ಜಿಲ್ಲೆ ಸಾಂಗ್ಲಿ)ಯ ಶ್ರೀನಾಥ ದೇವಸ್ಥಾನ ಟ್ರಸ್ಟ್‌ನ ವಿಶ್ವಸ್ಥರಾದ ಶ್ರೀ ಭರತ್ ಪಾಟೀಲ್, ಯವತಮಾಳದ ‘ಶ್ರೀ ಮಹಾದೇವ ಮಂದಿರ ಮಣದೇವ್’ನ ಅಧ್ಯಕ್ಷರಾದ ಶ್ರೀ ಅಶೋಕ್ ಖೋಡ್‌ಕುಂಭೆ, ಅಮರಾವತಿಯ ‘ಶ್ರೀ ನಾಗೇಶ್ವರ ಮಹಾದೇವ ಸಂಸ್ಥಾನ ಧಾಮಂತ್ರಿ’ಯ ಅಧ್ಯಕ್ಷರಾದ ಶ್ರೀ ಕೈಲಾಸ್ ಪನ್‌ಪಾಲಿಯಾ, ‘ಶ್ರೀ ರಾಮದಾಸಸ್ವಾಮಿ ಸಂಸ್ಥಾನ, ಸಜ್ಜನಗಡ’ದ ವ್ಯವಸ್ಥಾಪಕರಾದ ಶ್ರೀ ಉದಯ್‌ಜಿ ರೋಕಡೆ, ಸಮರ್ಥಭಕ್ತ ಶ್ರೀ ಪುರುಷೋತ್ತಮ ಕುಲಕರ್ಣಿ, ವಾರಕರಿ ಸಂಪ್ರದಾಯದ ಸತಾರಾ ಜಿಲ್ಲಾಧ್ಯಕ್ಷರಾದ ಹ.ಭ.ಪ. ಬಬನ್‌ರಾವ್ ಸಾಪತೆ ಮಹಾರಾಜ್, ಸತಾರಾದ ಶ್ರೀ ಪಾಟೇಶ್ವರ ದೇವಸ್ಥಾನದ ಪೂ. ವಿಶಾಲ್ ಮಹಾರಾಜ್, ನೇರೂಳಗಾಂವ್‌ನ ಗಾವದೇವಿ ಮಂದಿರದ ಅಧ್ಯಕ್ಷರಾದ ಶ್ರೀ ನಾರಾಯಣ ಪಾಟೀಲ್, ಜುನಾ ನಾಗಪಾಡಾ (ಮುಂಬೈ)ದ ನಾಗೋಬಾ ಮಂದಿರದ ವಿಶ್ವಸ್ಥ ಅಧ್ಯಕ್ಷರಾದ ಶ್ರೀ ಪ್ರಕಾಶ್ ರಾಣೆ, ವಸೈ (ಜಿಲ್ಲೆ ಪಾಲ್ಘರ್)ಯ ‘ಮುರುಗನ್ ಅಂಡ್ ಬಾಲಾಜಿ ಮಂದಿರ’ದ ವಿಶ್ವಸ್ಥರಾದ ಶ್ರೀ ರಾಧಾಸ್ವಾಮಿ, ಶ್ರೀ ರವಿಚಂದ್ರಂ ಮೂಥ್ಯೂ, ಬೇಲಾಪುರ (ನವಿ ಮುಂಬೈ)ದ ‘ಲಕ್ಷ್ಮಿ ಮಾತಾ ಮಹಿಳಾ ಮಂಡಳ’ದ ಅಧ್ಯಕ್ಷೆ ಸಾಧ್ವಿ ಚಂದಾ ದಾಸ್, ಬತ್ತೀಸ್ ಶಿರಾಳಾ (ಸಾಂಗ್ಲಿ)ದ ಶಿವಮಂದಿರದ ವಿಶ್ವಸ್ಥರಾದ ಶ್ರೀ ಧೋಂಡಿರಾಮ್ ಮುಳೀಕ್.