ಸದ್ಗುರು ಡಾ. ಮುಕುಲ ಗಾಡಗೀಳ ಅವರಿಗೆ ತಮ್ಮ ತಾಯಿಯವರ (ಸೌ. ಮಾಧುರಿ ಗಾಡಗೀಳ) ನಿಧನದ ಸಮಯದಲ್ಲಿ ಮತ್ತು ನಂತರ ಅರಿವಾದ ಅಂಶಗಳು ಹಾಗೂ ಅವರು ಮಾಡಿದ ಸೂಕ್ಷ್ಮ ಪರೀಕ್ಷಣೆ

ನನ್ನ ತಾಯಿ ಸೌ. ಮಾಧುರಿ ಮಾಧವ ಗಾಡಗೀಳ (ವಯಸ್ಸು ೮೨ ವರ್ಷ) ಇವರು ೧೭.೧.೨೦೨೬ ರಂದು ಬೆಳಗ್ಗೆ ೧೧.೫೫ ಕ್ಕೆ ನಿಧನರಾದರು. ಅವರ ಮೃತ್ಯುವಿನ ಸಮಯದಲ್ಲಿ ಮತ್ತು ನಂತರ ನನಗೆ ಅರಿವಾದ ಅಂಶಗಳು ಹಾಗೂ ನಾನು ಮಾಡಿದ ಸೂಕ್ಷ್ಮ ಪರೀಕ್ಷಣೆಗಳನ್ನು ಮುಂದೆ ನೀಡಲಾಗಿದೆ.

೧. ಸಹಜವಾಗಿ ಪ್ರಾಣೋತ್ಕ್ರಮಣವಾಗುವುದು (ಪ್ರಾಣ ಹೋಗುವುದು)

ತಾಯಿಯ ಮರಣದ ೫ ನಿಮಿಷಗಳ ಮೊದಲು ನಾನು ಅವರನ್ನು ನೋಡಿದ್ದೆನು. ಆಗ ಇನ್ನೂ ೫ ನಿಮಿಷದಲ್ಲಿ ಅವರು ಮರಣ ಹೊಂದುತ್ತಾರೆ ಎಂದು ನನಗೆ ಅನಿಸಿರಲಿಲ್ಲ. ಅವರ ಪ್ರಾಣವು ಅತ್ಯಂತ ಸಹಜವಾಗಿ ಯಾವುದೇ ಕ್ಲೇಶವಿಲ್ಲದೇ ಮತ್ತು ಅಲ್ಪ ಸಮಯದಲ್ಲಿ ಹೊರಹೋಯಿತು ಎಂಬುದು ನನ್ನ ಗಮನಕ್ಕೆ ಬಂದಿತು. ಚೆನ್ನೈಯ ನಾಡಿಪಟ್ಟಿ ವಾಚಕರಾದ ಪೂ. ಡಾ. ಓಂ ಉಲಗನಾಥನ್ ಅವರು ತಾಯಿಗೆ ಮರಣದ ಯಾವುದೇ ತೊಂದರೆಯಾಗುವುದಿಲ್ಲ. ಅವರ ಮರಣವು ಸುಲಭವಾಗಿ ಆಗಲಿದೆಯೆಂದು ಹೇಳಿದ್ದರು.

೨. ಮರಣದ ನಂತರ ಅರಿವಾದ ಅಂಶಗಳು

ಅ. ಮರಣದ ನಂತರ ಅವರ ಮುಖದಲ್ಲಿ ಮರಣದ ಸಮಯದ ಯಾವುದೇ ವೇದನೆಗಳು ಕಂಡು ಬರಲಿಲ್ಲ. ಅವರ ಮುಖವನ್ನು ನೋಡಿದಾಗ ಅವರು ಅತ್ಯಂತ ಶಾಂತವಾಗಿ ನಿದ್ರಿಸುತ್ತಿದ್ದಾರೆ ಎಂದು ಅನ್ನಿಸುತ್ತಿತ್ತು.

ಆ. ಅವರ ಪ್ರಾಣವು ಬಾಯಿಯ ಮೂಲಕ ಹೊರಹೋಯಿತು ಎಂದು ನನಗೆ ಅರಿವಾಯಿತು.

ಇ. ತಾಯಿ ನಿಧನರಾದ ಮೇಲೆ ಕೊಠಡಿಯಲ್ಲಿ ಅತ್ಯಂತ ಒಳ್ಳೆಯ ವಾತಾವರಣವು ಅರಿವಾಗುತ್ತಿತ್ತು. ಕೊಠಡಿಯಲ್ಲಿ ತೀರ ನಗಣ್ಯ ಅಂದರೆ ಶೇ. ೨-೩ ರಷ್ಟು ಮಾತ್ರ ತೊಂದರೆದಾಯಕ ಸ್ಪಂದನಗಳಿರುವುದು ಕಂಡು ಬಂದಿತು. ಮರಣದ ನಂತರ ದೇಹದಿಂದ ತ್ಯಾಜ್ಯ ಅನಿಲಗಳು ಹೊರಬರುತ್ತಿರುತ್ತವೆ. ಈ ಸ್ಪಂದನಗಳೂ ಅದರದ್ದಾಗಿವೆಯೆಂದು ನನಗೆ ಅರಿವಾಯಿತು.

ಈ. ಮರಣದ ಮೊದಲು ಅವರ ಆಧ್ಯಾತ್ಮಿಕ ಮಟ್ಟವು ಶೇ. ೬೨ ರಷ್ಟಿತ್ತು. ಮರಣದ ಸಮಯದಲ್ಲಿ ಅವರ ಆಧ್ಯಾತ್ಮಿಕ  ಮಟ್ಟವು ಶೇ. ೬೩ ರಷ್ಟಾಗಿದೆ ಎಂದು ನನಗೆ ಅರಿವಾಯಿತು.

೩. ದಿ. (ಸೌ.) ಮಾಧುರಿ ಗಾಡಗೀಳ ಅವರ ಪಾರ್ಥಿವ ಶರೀರದಿಂದ ಪ್ರಕ್ಷೇಪಿತವಾದ ಸ್ಪಂದನಗಳು

ಅವರ ಪಾರ್ಥಿವ ಶರೀರದಿಂದ ಶಾಂತಿಯ ಸ್ಪಂದನಗಳು ಅತ್ಯಧಿಕವಾಗಿ ಪ್ರಕ್ಷೇಪಿತವಾಗುತ್ತಿರುವುದರಿಂದ ಅವರ ಕೊಠಡಿಯಲ್ಲಿ ಶಾಂತ ಅನ್ನಿಸುತ್ತಿತ್ತು.

೪. ಅಂತಿಮ ದರ್ಶನ ಪಡೆಯುವಾಗ ಅರಿವಾದ ಅಂಶಗಳು

ಅ. ಅವರ ಅಂತ್ಯದರ್ಶನ ಪಡೆಯುವಾಗ ನನಗೆ ಅವರ ಕಣ್ಣುಗಳು ಸ್ವಲ್ಪ ತೆರೆದಿರುವುದು ಕಂಡಿತು. ಅವರು ಎಲ್ಲರನ್ನೂ ಕೊನೆಯದಾಗಿ ಪ್ರೇಮಪೂರ್ವಕವಾಗಿ ನೋಡುತ್ತಿದ್ದಾರೆ ಎಂದು ನನಗೆ ಅನಿಸಿತು.

ಆ. ಅವರ ಎಡಗಣ್ಣಿನಲ್ಲಿ ನನಗೆ ಒಂದು ಹನಿ ಕಣ್ಣೀರು ಕಂಡಿತು. ಕೇವಲ ಎಡಗಣ್ಣಿನಲ್ಲಿ ಬರುವ ಕಣ್ಣಿರು ಭಾವಾಶ್ರು (ಭಾವದ ಕಣ್ಣೀರು) ಆಗಿರುತ್ತದೆ ಎಂದು ಹೇಳುತ್ತಾರೆ.

೫. ಅಗ್ನಿಸಂಸ್ಕಾರದ ಸಮಯದಲ್ಲಿ ಅರಿವಾದ ಅಂಶಗಳು

ಅ. ತಾಯಿಯ ಚಿತೆಗೆ ಅಗ್ನಿ ನೀಡಿದ ನಂತರ ಚಿತೆಯು ಕೇವಲ ೧೦ ರಿಂದ ೧೫ ನಿಮಿಷಗಳಲ್ಲಿ ಸಂಪೂರ್ಣವಾಗಿ ಹೊತ್ತಿಕೊಂಡಿತು. ಶರೀರದಲ್ಲಿ ಜಡತ್ವವಿದ್ದರೆ, ಅಗ್ನಿ ಪ್ರಜ್ವಲಿಸಲು ಸಮಯ ತಗಲುತ್ತದೆ. ತಾಯಿಯ ದೇಹವು ಶ್ರೀರಾಮನ ನಾಮಜಪದಿಂದ ಹಗುರವಾಗಿತ್ತು.

ಆ. ಚಿತೆಯ ಜ್ಞಾಲೆಗಳ ಬಣ್ಣವು ಕೇಸರಿಯಾಗಿತ್ತು. ಆ ಜ್ಞಾಲೆಗಳಿಂದ ಶಕ್ತಿ ಮತ್ತು ಭಾವದ ಸ್ಪಂದನಗಳು ಪ್ರಕ್ಷೇಪಿತವಾಗುತ್ತಿದ್ದವು.

೬. ತಾಯಿಯ ಮತ್ತು ೨ ಸಾಮಾನ್ಯ ವ್ಯಕ್ತಿಗಳ ಅಸ್ಥಿ ಹಾಗೂ ರಕ್ಷೆಯ (ಬೂದಿ) ತುಲನಾತ್ಮಕ ಅಭ್ಯಾಸ

೧೯.೧.೨೦೨೬ ರಂದು ನಾವು ತಾಯಿಯ ಅಸ್ಥಿ ಮತ್ತು ರಕ್ಷೆಯನ್ನು ಸಂಗ್ರಹಿಸಲು ಸ್ಮಶಾನಕ್ಕೆ ಹೋಗಿದ್ದೆವು. ಅವರ ಅಸ್ಥಿ ಮತ್ತು ರಕ್ಷೆಯನ್ನು ನೋಡಿದಾಗ ನನಗೆ ಅತ್ಯಂತ ಹಗುರವಾಗಿ ಅನ್ನಿಸುತ್ತಿತ್ತು.  ಅವುಗಳಲ್ಲಿ ಯಾವುದೇ ತೊಂದರೆದಾಯಕ ಸ್ಪಂದನಗಳು ಅರಿವಾಗುತ್ತಿರಲಿಲ್ಲ. ಅಭ್ಯಾಸಕ್ಕಾಗಿ ನಾನು ಸ್ಮಶಾನದಲ್ಲಿದ್ದ ಇತರ ೨ ಸಾಮಾನ್ಯ ವ್ಯಕ್ತಿಗಳ ಅಸ್ಥಿ ಮತ್ತು ರಕ್ಷೆಯನ್ನು ಪರೀಕ್ಷಿಸಿದೆನು. ಆಗ ನನಗೆ ಒಬ್ಬ ವ್ಯಕ್ತಿಯ ಅಸ್ಥಿ ಮತ್ತು ರಕ್ಷೆಯಲ್ಲಿ ಶೇ. ೨೫ ರಷ್ಟು ತೊಂದರೆದಾಯಕ ಸ್ಪಂದನಗಳು ಮತ್ತು ಇನ್ನೊಬ್ಬ ವ್ಯಕ್ತಿಯ ಅಸ್ಥಿ ಹಾಗೂ ರಕ್ಷೆಯಲ್ಲಿ ಶೇ. ೧೦ ರಷ್ಟು ತೊಂದರೆದಾಯಕ ಸ್ಪಂದನಗಳು ಅರಿವಾದವು.

೭. ದಿ. (ಸೌ.) ಮಾಧುರಿ ಗಾಡಗೀಳ ಅವರ ಅಸ್ಥಿ ಮತ್ತು ರಕ್ಷೆಯಲ್ಲಿ ಅರಿವಾದ ಸ್ಪಂದನಗಳು

ಇದರಿಂದ ಗಮನಕ್ಕೆ ಬರುವುದೇನೆಂದರೆ ತಲೆಯ ಭಾಗದ ಅಸ್ಥಿ ಮತ್ತು ರಕ್ಷೆಯಿಂದ ಶಕ್ತಿ ಹಾಗೂ ಭಾವದ ಸ್ಪಂದನಗಳು ಹೆಚ್ಚಿನ ಪ್ರಮಾಣದಲ್ಲಿ ಪ್ರಕ್ಷೇಪಿತವಾಗುತ್ತವೆ.

೭ ಅ. ತಾಯಿಯ ಅಸ್ಥಿ ಮತ್ತು ರಕ್ಷೆಯ ವಾಸನೆ ನೋಡಿದಾಗ ನನಗೆ ಶ್ವಾಸದಲ್ಲಿ ಶೀತಲತೆಯ ಅರಿವಾಯಿತು ಮತ್ತು ಪ್ರಾಣಶಕ್ತಿ ಲಭಿಸಿತು.

೮. ಅಸ್ಥಿಯ ವಿಸರ್ಜನೆಯ ನಂತರ ಅರಿವಾದ ಅಂಶಗಳು

ಅ. ೧೯.೧.೨೦೨೬ ರಂದು ನಾವು ಗೋವಾದ ಹರವಳೆ ಎಂಬಲ್ಲಿರುವ ಶಿವಸ್ಥಾನದ ಜಲಪಾತದ ಪ್ರವಾಹದಲ್ಲಿ ತಾಯಿಯ ಅಸ್ಥಿ ಮತ್ತು ರಕ್ಷೆಯನ್ನು ವಿಸರ್ಜನೆ ಮಾಡಿದೆವು. ಮೊದಲು ನನಗೆ ತಾಯಿಯ ಪಂಚತತ್ತ್ವಗಳಲ್ಲಿನ ಅಸ್ತಿತ್ವವು ಶೇ. ೨೫ ರಷ್ಟು ಅರಿವಾಗುತ್ತಿತ್ತು. ಅದು ಈಗ ಶೇ. ೧೫ ರಷ್ಟು ಮಾತ್ರ ಉಳಿದಿದೆ ಎಂದು ಅರಿವಾಯಿತು.

ಆ. ಈಗ ಅವರ ಉಳಿದಿರುವ ಈ ಅಸ್ತಿತ್ವವು ಮುಂದಿನ ಶ್ರಾದ್ಧವಿಧಿಗಳನ್ನು ಮಾಡಿದ ನಂತರ ಇಳಿಮುಖವಾಗುತ್ತಾ ಹೋಗುವುದು ಎಂದು ನನಗೆ ಅನಿಸಿತು.

ಮೇಲಿನ ಸೂಕ್ಷ್ಮ ಪರೀಕ್ಷಣೆಯಿಂದ ನನ್ನ ಗಮನಕ್ಕೆ ಬಂದಿರುವುದೇನೆಂದರೆ ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆ ಅವರ ಕೃಪೆಯಿಂದ ತಾಯಿಗೆ ಸದ್ಗತಿ ಲಭಿಸಿದೆ. ಗುರುಕೃಪೆಯಿಂದ ಅವರ ಸಾಧನೆಯು ಮುಂದೆಯೂ ಹೀಗೆಯೇ ಮುಂದುವರಿಯುವುದು.

– (ಸದ್ಗುರು) ಡಾ. ಮುಕುಲ ಗಾಡಗೀಳ (ದಿ. (ಸೌ.) ಮಾಧುರಿ ಗಾಡಗೀಳ ಅವರ ಹಿರಿಯ ಪುತ್ರ) (ರಸಾಯನಶಾಸ್ತ್ರದಲ್ಲಿ ಪಿ.ಎಚ್.ಡಿ. ಮುಂಬಯಿ ವಿಶ್ವವಿದ್ಯಾಲಯ) ಮಹರ್ಷಿ ಅಧ್ಯಾತ್ಮ ವಿಶ್ವವಿದ್ಯಾಲಯ, ಗೋವಾ (೨೦.೧.೨೦೨೬)