ಮಹಾರಾಷ್ಟ್ರ ವಕ್ಫ್ ಬೋರ್ಡ್‌ನಿಂದ 2002 ರಿಂದ 16 ವರ್ಷಗಳ ಆಡಿಟ್ ವರದಿ ಸರಕಾರಕ್ಕೆ ಸಲ್ಲಿಕೆ!

ಮುಂಬಯಿ, ಜನವರಿ 29 (ವಾರ್ತೆ) – ಹಿಂದೂ ವಿಧಿಜ್ಞ ಪರಿಷತ್ತಿನ ದೂರಿನ ನಂತರ, ಮಹಾರಾಷ್ಟ್ರ ವಕ್ಫ್ ಬೋರ್ಡ್ (ಮಂಡಳಿ) 2002 ರಿಂದ 2018 ರವರೆಗಿನ ವಾರ್ಷಿಕ ಆಡಿಟ್ (ಲೆಕ್ಕಪರಿಶೋಧನೆ) ವರದಿಗಳನ್ನು ಸರಕಾರಕ್ಕೆ ಸಲ್ಲಿಸಿದೆ. ಪರಿಷತ್ತಿನ ರಾಷ್ಟ್ರೀಯ ಅಧ್ಯಕ್ಷ ನ್ಯಾಯವಾದಿ ವೀರೇಂದ್ರ ಇಚಲಕರಂಜೀಕರ್ ಅವರು ಮಾರ್ಚ್ 2025 ರಲ್ಲಿ ರಾಜ್ಯದ ಅಲ್ಪಸಂಖ್ಯಾತ ಅಭಿವೃದ್ಧಿ ಇಲಾಖೆಗೆ ಈ ಬಗ್ಗೆ ದೂರು ನೀಡಿದ್ದರು. ಈ ಕುರಿತು ಕ್ರಮಕ್ಕಾಗಿ ಅವರು ನಿರಂತರ ಬೆಂಬೆತ್ತುವಿಕೆ ಮಾಡುತ್ತಿದ್ದರು. ಅದರ ನಂತರ, ಅಲ್ಪಸಂಖ್ಯಾತ ಅಭಿವೃದ್ಧಿ ಇಲಾಖೆಯು ಬಾಕಿ ಇರುವ ಆಡಿಟ್ ವರದಿಗಳನ್ನು ಸಲ್ಲಿಸುವಂತೆ ವಕ್ಫ್ ಬೋರ್ಡ್‌ಗೆ ಸೂಚನೆ ನೀಡಿತು. (ಕೇವಲ ನಿರ್ದೇಶನ ನೀಡಿದರೆ ಏನು ಪ್ರಯೋಜನ? ಬೋರ್ಡ್ ವಿರುದ್ಧ ಕ್ರಮ ಕೈಗೊಳ್ಳುವುದು ಅಗತ್ಯವಾಗಿದೆ. ಮುಸ್ಲಿಂ ಬಾಂಧವರು ತಮ್ಮ ಹಿತದೃಷ್ಟಿಯಿಂದ ರಚಿಸಲಾದ ಬೋರ್ಡ್‌ನ ಈ ಅಸ್ಪಷ್ಟ ಕೆಲಸದ ವಿರುದ್ಧ ಕ್ರಮಕ್ಕೆ ಯಾಕೆ ಒತ್ತಾಯಿಸುತ್ತಿಲ್ಲ? – ಸಂಪಾದಕರು)

1. ಪ್ರತಿ ಸರಕಾರಿ ಮಂಡಳಿ ಅಥವಾ ನಿಗಮವು ಪ್ರತಿ ವರ್ಷ ತನ್ನ ಆಡಿಟ್ ವರದಿಯನ್ನು ಸರಕಾರಕ್ಕೆ ಸಲ್ಲಿಸುವುದು ಕಡ್ಡಾಯವಾಗಿದೆ.

2. 1995 ರಲ್ಲಿ ವಕ್ಫ್ ಕಾಯ್ದೆ ಅಸ್ತಿತ್ವಕ್ಕೆ ಬಂದಿತು. ಅಂದಿನಿಂದ ವಕ್ಫ್ ಬೋರ್ಡ್ ಪ್ರತಿ ವರ್ಷ ಆಡಿಟ್ ವರದಿಯನ್ನು ಸಲ್ಲಿಸುವುದು ಕಡ್ಡಾಯವಾಗಿತ್ತು. ಇದು ನಡೆಯುತ್ತಿಲ್ಲ ಎಂಬುದು ಹಿಂದೂ ವಿಧಿಜ್ಞ ಪರಿಷತ್ತಿನ ಗಮನಕ್ಕೆ ಬಂದ ತಕ್ಷಣ, ಅವರು ದೂರು ನೀಡುವ ಮೂಲಕ ವಕ್ಫ್ ಬೋರ್ಡ್‌ನ ಈ ಅವ್ಯವಸ್ಥೆಯನ್ನು ಸರಕಾರದ ಗಮನಕ್ಕೆ ತಂದರು.

3. ತದನಂತರ, 2002 ರಿಂದ 2018 ರವರೆಗಿನ ಆಡಿಟ್ ವರದಿಗಳನ್ನು ಸರಕಾರಕ್ಕೆ ಸಲ್ಲಿಸಿರುವ ಮಾಹಿತಿಯನ್ನು ಮಹಾರಾಷ್ಟ್ರ ವಕ್ಫ್ ಮಂಡಳಿಯು ಮಾಹಿತಿ ಹಕ್ಕು ಕಾಯ್ದೆಯಡಿ (RTI) ನ್ಯಾಯವಾದಿ ಇಚಲಕರಂಜೀಕರ್ ಅವರಿಗೆ ತಿಳಿಸಿದೆ.