ಮಾಂಸಾಹಾರಿ ಉತ್ಪನ್ನಗಳ ಹೊರತಾಗಿ ಹಲಾಲ್ ಪ್ರಮಾಣಪತ್ರದ ಬಳಕೆಯನ್ನು ತಕ್ಷಣವೇ ನಿಷೇಧಿಸಿ! – Medha Kulkarni on Halal Certification

ಭಾಜಪ ಸಂಸದೆ ಪ್ರೊ.ಡಾ.(ಸೌ.) ಮೇಧಾ ಕುಲಕರ್ಣಿ ಅವರಿಂದ ‘ಎಫ್.ಎಸ್.ಎಸ್.ಎ.ಐ.’ ಬಳಿ ಒತ್ತಾಯ

(ಎಫ್.ಎಸ್.ಎಸ್.ಎ.ಐ. ಎಂದರೆ ಫುಡ್ ಸೇಫ್ಟಿ ಅಂಡ್ ಸ್ಟ್ಯಾಂಡರ್ಡ್ಸ್ ಅಥಾರಿಟಿ ಆಫ್ ಇಂಡಿಯಾ, ಅಂದರೆ ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ)

ನವದೆಹಲಿ – ಭಾರತದಲ್ಲಿ ಹೆಚ್ಚುತ್ತಿರುವ ಹಲಾಲ್ ಪ್ರಮಾಣೀಕರಣದ ಅನಿಯಂತ್ರಿತ ಪ್ರಸಾರವು ಗಂಭೀರ ಚಿಂತೆಯ ವಿಷಯವಾಗಿದೆ. ಈ ಪ್ರಮಾಣೀಕರಣವು ಕೇವಲ ಮಾಂಸಾಹಾರಿ ಪದಾರ್ಥಗಳಿಗೆ ಸೀಮಿತವಾಗದೆ, ಈಗ ಹಿಟ್ಟು, ಸಸ್ಯಾಹಾರಿ ಆಹಾರ ಪದಾರ್ಥಗಳು, ಸೌಂದರ್ಯವರ್ಧಕಗಳು ಮತ್ತು ಔಷಧಿಗಳಂತಹ ಸಾಮಾನ್ಯ ಉತ್ಪನ್ನಗಳಿಗೂ ಅನ್ವಯಿಸುವಂತೆ ಒತ್ತಾಯಿಸಲಾಗುತ್ತಿದೆ. ಇದರಿಂದ ಗ್ರಾಹಕರಲ್ಲಿ ಗೊಂದಲದ ವಾತಾವರಣ ನಿರ್ಮಾಣವಾಗಿದೆ. ಅಲ್ಲದೆ, ಈ ಪ್ರಕಾರವು ಒಂದು ಸಮಾಂತರ ಮತ್ತು ಖಾಸಗಿ ಪ್ರಮಾಣೀಕರಣ ವ್ಯವಸ್ಥೆಯನ್ನು ಉತ್ತೇಜಿಸುವ ಮೂಲಕ ಪಾರದರ್ಶಕತೆ ಮತ್ತು ಹೊಣೆಗಾರಿಕೆಯ ತತ್ವಗಳಿಗೆ ವಿರುದ್ಧವಾಗಿದೆ. ಆದ್ದರಿಂದ, ಮಾಂಸಾಹಾರಿ ಉತ್ಪನ್ನಗಳನ್ನು ಹೊರತುಪಡಿಸಿ ಇತರ ಉತ್ಪನ್ನಗಳ ಮೇಲಿನ ಹಲಾಲ್ ಪ್ರಮಾಣಪತ್ರದ ಬಳಕೆಯನ್ನು ತಕ್ಷಣವೇ ನಿಷೇಧಿಸಬೇಕು ಎಂದು ಪುಣೆಯ ಭಾಜಪ ಸಂಸದೆ ಪ್ರೊ.ಡಾ.(ಸೌ.) ಮೇಧಾ ಕುಲಕರ್ಣಿ ಅವರು ‘ಎಫ್.ಎಸ್.ಎಸ್.ಎ.ಐ.’ನ (ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ) ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ರಾಜಿತ ಪುನ್ಹಾನಿ ಅವರಿಗೆ ಲಿಖಿತ ಮನವಿ ಸಲ್ಲಿಸುವ ಮೂಲಕ ಆಗ್ರಹಿಸಿದ್ದಾರೆ.

यह कदम उपभोक्ता अधिकारों की सुरक्षा, निष्पक्ष व्यापार और भारत के बाजार की धर्मनिरपेक्ष व तटस्थ प्रकृति को बनाए रखने के लिए अत्यंत महत्वपूर्ण है।

— Dr. Medha Kulkarni (@Medha_kulkarni) December 27, 2025

ಈ ಸಂದರ್ಭದಲ್ಲಿ ಕುಲಕರ್ಣಿಯವರು ಮಾತನಾಡುತ್ತಾ, ಹಲಾಲ್ ಪ್ರಮಾಣೀಕರಣವನ್ನು ಕೇವಲ ಸರಕಾರ ಅಥವಾ ಸರಕಾರಿ ಮಾನ್ಯತೆ ಪಡೆದ ಸಂಸ್ಥೆಗಳು ಮಾತ್ರ ನೀಡಬೇಕು ಎಂಬುದು ನನ್ನ ಸ್ಪಷ್ಟ ಬೇಡಿಕೆಯಾಗಿದೆ. ಹಾಗೆಯೇ ಅದು ಕೇವಲ ಮಾಂಸ ಮತ್ತು ಮಾಂಸಾಧಾರಿತ ಉತ್ಪನ್ನಗಳಿಗೆ ಮಾತ್ರ ಸೀಮಿತವಾಗಿರಬೇಕು. ಮಾಂಸಾಹಾರಿ ಉತ್ಪನ್ನಗಳ ಹೊರತಾಗಿ ಇನ್ನಿತರ ಬಳಕೆಯನ್ನು ತಕ್ಷಣವೇ ನಿಲ್ಲಿಸಬೇಕು. ಗ್ರಾಹಕರ ಹಕ್ಕುಗಳ ರಕ್ಷಣೆ, ನಿಷ್ಪಕ್ಷಪಾತ ವ್ಯಾಪಾರ ಮತ್ತು ಭಾರತದ ಮಾರುಕಟ್ಟೆಯ ಜಾತ್ಯತೀತ ಹಾಗೂ ತಟಸ್ಥ ಸ್ವರೂಪವನ್ನು ಕಾಪಾಡಲು ಈ ಕ್ರಮವು ಅತ್ಯಂತ ಅಗತ್ಯವಾಗಿದೆ ಎಂದು ಹೇಳಿದರು.