ಜಾಮಿಯಾ ಮಸೀದಿ ಹಿಂದೂಗಳ ವಾಸ್ತು: ಅಲ್ಲಿ ಮತ್ತೆ ಹನುಮಾನ್ ಮಂದಿರ ಕಟ್ಟುತ್ತೇವೆ! – ಹನುಮಾನ್ ಮಾಲಾಧಾರಿ ಹಿಂದೂಗಳ ನಿರ್ಧಾರ

(ಹನುಮಾನ್ ಮಾಲಾಧಾರಿ ಎಂದರೆ ಹನುಮಾನ್ ವ್ರತ ಆಚರಿಸುವ ಭಕ್ತರು)

ಮಂಡ್ಯ – ಇಲ್ಲಿ ಹನುಮಾನ್ ಮಾಲಾಧಾರಿಗಳು ಬೃಹತ್ ಸಂಕೀರ್ತನಾ ಯಾತ್ರೆಯನ್ನು ಕೈಗೊಂಡಿದ್ದರು. ಈ ಯಾತ್ರೆಯಲ್ಲಿ ಹನುಮನ ಮೂರ್ತಿ ಮತ್ತು ಕೇಸರಿ ಧ್ವಜಗಳನ್ನು ಕೈಯಲ್ಲಿ ಹಿಡಿದ ಸಾವಿರಾರು ಭಕ್ತರು ಭಾಗವಹಿಸಿದ್ದರು. ಈ ಯಾತ್ರೆಯು ಶ್ರೀರಂಗಪಟ್ಟಣಂನ ಜಾಮಿಯಾ ಮಸೀದಿ ಮುಂದೆ ತಲುಪುತ್ತಿದ್ದಂತೆ, ಯಾತ್ರೆಯಲ್ಲಿದ್ದ ಮಾಲಾಧಾರಿಗಳು ‘ಜೈ ಶ್ರೀರಾಮ್, ಜೈ ಹನುಮಾನ್’, ‘ನಾವು ಎಲ್ಲರೂ ಹಿಂದೂಗಳು’, ‘ಹನುಮನ ಪ್ರತಿಜ್ಞೆ, ಮಂದಿರ ಇಲ್ಲೇ ಕಟ್ಟುತ್ತೇವೆ’ ಎಂಬ ಘೋಷಣೆಗಳನ್ನು ಕೂಗಿದರು. ಇದರ ನಂತರ ಕೆಲವು ಮಾಲಾಧಾರಿಗಳು ಇದ್ದಕ್ಕಿದ್ದಂತೆ ಮಸೀದಿಯೊಳಗೆ ನುಗ್ಗಲು ಪ್ರಯತ್ನಿಸಿದರು. ಇದರಿಂದ ಜಾಮಿಯಾ ಮಸೀದಿ ಬಳಿ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಯಿತು. ಡಿಸೆಂಬರ್ 3 ರಂದು ಮಧ್ಯಾಹ್ನ ಈ ಘಟನೆ ನಡೆಯಿತು. ಈ ಘಟನೆ ತಿಳಿಯುತ್ತಿದ್ದಂತೆ, ಅಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಹನುಮಾನ್ ಮಾಲಾಧಾರಿಗಳು ಜಮಾಯಿಸಿದರು. ಈ ವೇಳೆ ಮಾಲಾಧಾರಿಗಳು ಮತ್ತು ಪೊಲೀಸರ ನಡುವೆ ನೂಕುನುಗ್ಗಲು ಉಂಟಾಯಿತು. ಇದರ ನಂತರ ಪೊಲೀಸರು ಜಾಮಿಯಾ ಮಸೀದಿಯ ಸುತ್ತಲೂ ಬಿಗಿ ಪೊಲೀಸ್ ಬಂದೋಬಸ್ತ್ ಏರ್ಪಡಿಸಿದರು. ನಂತರ ಪೊಲೀಸರು ಮಾಲಾಧಾರಿಗಳನ್ನು ಸಮಾಧಾನಪಡಿಸಿ ವಾಪಸ್ ಕಳುಹಿಸಿದರು. ಈ ಸಂಕೀರ್ತನಾ ಯಾತ್ರೆಗೆ ರಂಗನಾಥಸ್ವಾಮಿ ದೇವಸ್ಥಾನದ ಮೈದಾನದಲ್ಲಿ ಮುಕ್ತಾಯಗೊಂಡಿತು.