ಮಲಯಾಳಂ ಚಲನಚಿತ್ರ 'ಹಾಲ್' ನಿಂದ 'ಗೋಮಾಂಸವಿರುವ ಬಿರಿಯಾನಿ' ದೃಶ್ಯ ತೆಗೆದುಹಾಕಲು ಸೆನ್ಸಾರ್ ಮಂಡಳಿಯ ಸೂಚನೆ! : Haal Beef Biryani

ಮಂಡಳಿಯ ತಪ್ಪು ತಿಳುವಳಿಕೆಯಾಗಿದೆ ಎಂದು ಚಲನಚಿತ್ರ ನಿರ್ಮಾಪಕರ ಹೇಳಿಕೆ
ಸೆಪ್ಟೆಂಬರ್ ೧೦ ರಂದೇ ಮಂಡಳಿಯ ಸದಸ್ಯರಿಗೆ ಚಲನಚಿತ್ರ ತೋರಿಸಲಾಗಿತ್ತು
ನಿರ್ಮಾಪಕರು ಕೇರಳ ಉಚ್ಚ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದ್ದಾರೆ

ತಿರುವನಂತಪುರಂ (ಕೇರಳ) – ಮಲಯಾಳಂ ನಟ ಶೇನ್ ನಿಗಮ್ ಅವರ ಮುಂಬರುವ ‘ಹಾಲ್’ ಹೆಸರಿನ ಚಲನಚಿತ್ರದಲ್ಲಿ ಗೋಮಾಂಸವಿರುವ ಬಿರಿಯಾನಿ ತಿನ್ನುವ ದೃಶ್ಯವಿದೆ ಎಂದು ಹೇಳಲಾಗಿದೆ. ಈ ಕಾರಣದಿಂದಾಗಿ ಕೇಂದ್ರೀಯ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (ಸೆನ್ಸಾರ್ ಮಂಡಳಿ) ಈ ಹಿಂದೆಂದೂ ಇಲ್ಲದಷ್ಟು ಸೂಕ್ಷ್ಮತೆಯನ್ನು ತೋರಿಸಿದ್ದು, ಚಲನಚಿತ್ರದಲ್ಲಿ ಸೂಚಿಸಲಾದ ೧೫ ಬದಲಾವಣೆಗಳಲ್ಲಿ ಈ ದೃಶ್ಯವನ್ನು ತೆಗೆದುಹಾಕುವಂತೆಯೂ ಹೇಳಿದೆ. ಆದರೆ, ಈ ನಿರ್ಧಾರದ ವಿರುದ್ಧ ಚಲನಚಿತ್ರ ನಿರ್ಮಾಪಕರು ಕೇರಳ ಉಚ್ಚ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದ್ದಾರೆ.

ಚಲನಚಿತ್ರದ ಜನಸಂಪರ್ಕ ಅಧಿಕಾರಿಗಳ ಪ್ರಕಾರ, ‘ಧ್ವಜಕ್ಕೆ ವಂದನೆ ಸಲ್ಲಿಸುವುದು’ ಮತ್ತು ‘ಗೋಮಾಂಸವಿರುವ ಬಿರಿಯಾನಿ ತಿನ್ನುವುದು’ ಈ ಎರಡು ಸನ್ನಿವೇಶಗಳನ್ನು ತೆಗೆದುಹಾಕಲು ಸೆನ್ಸಾರ್ ಮಂಡಳಿ ಹೇಳಿದೆ. ಚಲನಚಿತ್ರದಲ್ಲಿ ಗೋಮಾಂಸವಿರುವ ಬಿರಿಯಾನಿಯನ್ನು ತೋರಿಸಿಲ್ಲ ಮತ್ತು ‘ಸೆನ್ಸಾರ್ ಮಂಡಳಿಯು ತಪ್ಪು ತಿಳಿದಿದೆ’ ಎಂದು ಅವರು ಹೇಳಿದ್ದಾರೆ. ‘ಹಾಲ್’ ಚಲನಚಿತ್ರವನ್ನು ಸೆಪ್ಟೆಂಬರ್ ೧೦ ರಂದೇ ಮಂಡಳಿಯ ಸದಸ್ಯರಿಗೆ ತೋರಿಸಲಾಗಿತ್ತು.

ಸಂಪಾದಕೀಯ ನಿಲುವು

ಕೇಂದ್ರೀಯ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ ಅಂದರೆ ಸೆನ್ಸಾರ್ ಮಂಡಳಿಯ ಮುಂದೆ ಚಲನಚಿತ್ರ ಪ್ರದರ್ಶಿಸಿದ ನಂತರವೂ ‘ಮಂಡಳಿಯ ತಪ್ಪು ತಿಳುವಳಿಕೆಯಾಗಿದೆ’ ಎಂದು ಹೇಳುವುದು ಬಾಲಿಶ ಹೇಳಿಕೆಯಾಗಿದೆ. ಅಭಿವ್ಯಕ್ತಿ ಸ್ವಾತಂತ್ರ್ಯಕ್ಕಿಂತ ಹೆಚ್ಚಾಗಿ ಹಿಂದೂಗಳ ಧಾರ್ಮಿಕ ಭಾವನೆಗಳನ್ನು ಗೌರವಿಸುವಂತೆ ನ್ಯಾಯಾಲಯವು ನಿರ್ಮಾಪಕರಿಗೆ ಸ್ಪಷ್ಟ ಸೂಚನೆ ನೀಡಬೇಕು ಎಂಬ ನಿರೀಕ್ಷೆ ಇದೆ!