ಭಾರತದಿಂದ ಹಿಂದೂಗಳನ್ನು ಸಂಪೂರ್ಣವಾಗಿ ನಿರ್ಮೂಲನೆ ಮಾಡಿ, ಇಲ್ಲಿ ಇಸ್ಲಾಂನ ರಾಜ್ಯವನ್ನು ಸ್ಥಾಪಿಸುವ ಘೋಷಣೆ ಮಾಡಿದ್ದನು! : Pahalgam Terror Attack

ಪಹಲ್ಗಾಮ್ ದಾಳಿಗೆ ಮುನ್ನ ಲಷ್ಕರ್-ಎ-ತೊಯ್ಬಾ ಮುಖ್ಯ ಭಯೋತ್ಪಾದಕನು ಪ್ರಸಾರ ಮಾಡಿದ್ದ ವಿಡಿಯೋ ಬಹಿರಂಗ

ಇಸ್ಲಾಮಾಬಾದ (ಪಾಕಿಸ್ತಾನ) – ಭಯೋತ್ಪಾದಕ ಸಂಘಟನೆ ಲಷ್ಕರ್-ಎ-ತೊಯ್ಬಾದ ಮುಖ್ಯ ಭಯೋತ್ಪಾದಕ ಸೈಫುಲ್ಲಾ ಕಸೂರಿಯ ವಿಡಿಯೋ ಪ್ರಸಾರವಾಗಿದೆ. ಇದರಲ್ಲಿ ಅವನು ಭಾರತ ಮತ್ತು ಹಿಂದೂಗಳ ವಿರುದ್ಧ ವಿಷಕಾರಿ ಹೇಳಿಕೆಗಳನ್ನು ನೀಡುತ್ತಿರುವುದು ಕಂಡುಬರುತ್ತದೆ. ಅವನು ಭಾರತದಿಂದ ಹಿಂದೂಗಳನ್ನು ಸಂಪೂರ್ಣವಾಗಿ ನಿರ್ಮೂಲನೆ ಮಾಡಿ, ಇಲ್ಲಿ ಇಸ್ಲಾಂನ ರಾಜ್ಯವನ್ನು ಸ್ಥಾಪಿಸುವ ಘೋಷಣೆ ಮಾಡಿದ್ದಾನೆ. ಈ ವಿಡಿಯೋ ಪಹಲ್ಗಾಮ್‌ ನಲ್ಲಿ ನಡೆದ ದಾಳಿಯ ಕೆಲವು ದಿನಗಳ ಮೊದಲು ಬಂದಿದೆ ಎಂದು ಹೇಳಲಾಗುತ್ತಿದೆ. ಇದರಿಂದ, ಅಮಾಯಕ ಹಿಂದೂ ಪ್ರವಾಸಿಗರ ಮೇಲೆ ನಡೆದ ಈ ಅಮಾನವೀಯ ದಾಳಿಯ ಸಂಚನ್ನು ಪಾಕಿಸ್ತಾನದಲ್ಲಿಯೇ ರೂಪಿಸಲಾಗಿತ್ತು ಎಂಬುದು ಸ್ಪಷ್ಟವಾಗುತ್ತದೆ.

ಕಸೂರಿ ತನ್ನ ಭಾಷಣದಲ್ಲಿ, ತಾನು ಲಷ್ಕರ್-ಎ-ತೊಯ್ಬಾದ ಮುರಿದಕೆ ಪ್ರಧಾನ ಕಛೇರಿಯಿಂದ ಮಾತನಾಡುತ್ತಿದ್ದೇನೆ ಎಂದು ಹೇಳುತ್ತಾನೆ. ಪಹಲ್ಗಾಮ್ ದಾಳಿಯ ನಂತರ ಭಾರತವು ‘ಆಪರೇಷನ್ ಸಿಂದೂರ್’ ಅಡಿಯಲ್ಲಿ ದಾಳಿ ಮಾಡಿ ಆ ಪ್ರದೇಶವನ್ನು ನಾಶಪಡಿಸಿತ್ತು. ನಂತರ ಪಾಕಿಸ್ತಾನ ಸೇನೆಯು, ಆ ಸ್ಥಳವು ಭಯೋತ್ಪಾದಕ ನೆಲೆಯಲ್ಲ, ಬದಲಿಗೆ ಮಸೀದಿ ಎಂದು ಸುಳ್ಳು ಹೇಳಿತ್ತು.

ಇಸ್ಲಾಂನ ರಾಜ್ಯ ತರುವ ಬೆದರಿಕೆ

ಈ ವಿಡಿಯೋದಲ್ಲಿ ಕಸೂರಿ, ಭಯೋತ್ಪಾದಕರ ಪ್ರವಾಹವು ಎಂದಿಗೂ ನಿಲ್ಲುವುದಿಲ್ಲ. ಅದು ನಿರಂತರವಾಗಿ ಮುಂದುವರಿಯುತ್ತದೆ ಮತ್ತು ಅವರು ಭಾರತದ ಮೇಲೆ ಇಸ್ಲಾಂನ ಧ್ವಜವನ್ನು ಹಾರಿಸದೆ ನಿಲ್ಲುವುದಿಲ್ಲ ಎಂದು ಹೇಳುತ್ತಾನೆ. ಆ ಸಮಯ ಹತ್ತಿರ ಬಂದಿದೆ ಮತ್ತು ಯಾರೂ ನಿರಾಶರಾಗಬಾರದು ಅಥವಾ ಕೀಳಾಗಿ ಕಾಣಬಾರದು ಎನ್ನುತ್ತಾನೆ.

ಹಿಂದೂಗಳ ಸಂಹಾರದ ಬಹಿರಂಗ ಬೆದರಿಕೆ

ಭಾರತೀಯ ಹಿಂದೂಗಳ ವಿರುದ್ಧ ವಿಷಕಾರಿ ಭಾಷೆಯನ್ನು ಬಳಸುತ್ತಾ ಕಸೂರಿ, “ನಾವು ಪ್ರತಿ ಕ್ಷೇತ್ರದಲ್ಲಿಯೂ ಶತ್ರುವನ್ನು ಸೋಲಿಸಿದ್ದೇವೆ. ಈ ವಿಗ್ರಹಾರಾಧಕ ಹಿಂದೂಗಳು ನಮ್ಮ ಮುಂದೆ ಏನು ನಿಲ್ಲಲು ಸಾಧ್ಯ? ಭಾರತದಿಂದ ಈ ಹಿಂದೂಗಳ ಸಂಪೂರ್ಣ ನಿರ್ಮೂಲನೆಯಾಗಲಿದೆ ಮತ್ತು ಪೂರ್ವದಿಂದ ಪಶ್ಚಿಮದವರೆಗೆ ಇಸ್ಲಾಂನ ರಾಜ್ಯವು ಸ್ಥಾಪನೆಯಾಗಲಿದೆ” ಎಂದು ಹೇಳಿದ್ದಾನೆ. ಈ ಸಂದರ್ಭದಲ್ಲಿ ಅವನು ಪಾಕಿಸ್ತಾನದ ನೆಲವನ್ನು ಭಯೋತ್ಪಾದನೆಗಾಗಿ ಬಳಸಲು ಸಾಧ್ಯವಾಗಿರುವುದಕ್ಕೆ ಕೃತಜ್ಞತೆ ಸಲ್ಲಿಸಿ, ಅದನ್ನು ‘ಅಲ್ಲಾಹನ ಕೃಪೆ’ ಎಂದು ಕರೆದಿದ್ದಾನೆ.